राष्ट्रियसभाको विधायन समितिबाट पनि नागरिकता विधेयक हुबहु पारित भएको छ ।
पुनर्विचारका लागि राष्ट्रपतिबाट सन्देशसहित फिर्ता भएको नागरिकता विधेयक प्रतिनिधिसभाबाट हुबहु पारित गराएर राष्ट्रिय सभामा प्रस्तुत गरिएको थियो। राष्ट्रिय सभाको अघिल्लो बैठकले विधेयकलाई छलफलको लागि विधायन समितिमा पठाउने प्रस्ताव सर्वसम्मतिले पारित गरेको थियो। विधायन समितिको बैठकले पनि छलफल पछि नागरिकता विधेयकलाई हुबहु पारित गरेको हो।
एमालेको लिखित अहसमति बाबजुद पनि सत्तारुढ गठबन्धन दलको बहुमतले विधेयकलाई हुबहु पारित गरेको छ ।विधायन व्यवस्था समितिले बिहीबारको राष्ट्रिय सभा बैठकमा प्रतिवेदनसहितको विधेयक पेश गर्ने जनाइएको छ ।
काठमाडौं महानगरपालिकाको राजस्व विभागले भृकुटीमण्डपस्थित काठमाडौं फन पार्कलाई जरिवाना सहित कर चुक्ता गर्न पत्राचार गरेको छ ।
फन पार्कले विगत ७ वर्षदेखि कर नतिरेको र पटक-पटक ताकेता गर्दा पनि कर बक्यौता चुक्ता नगरिएको भन्दै विभागीय प्रमुख शिवराज अधिकारीले २४ घण्टे अल्टिमेटम सहित पत्र काटिएको जानकारी दिनुभएको छ।
विभागीय प्रमुख अधिकारीद्वारा जारी गरिएको पत्रमा अहिले सम्मको सम्पूर्ण कर बक्यौता र जरिवाना नतिरे फनपार्क शिलबन्दी गरी राजस्व असुल उपर गरिने बताइएको छ।
समाजकल्याण परिषद्को स्वमित्वमा रहेको भृकुटीमण्डपस्थित फनपार्क संचालन गरिएको ६० रोपनी जग्गा भाडामा लगाउँदा समेत भ्रष्टाचार भएको भन्दै यसघि अख्तियार दुरुपयोग अनुसन्धान आयोगले पूर्वमन्त्री बद्री न्यौापने र टेकबहादुर गुरुङसहित १४ जनाविरुद्ध भ्रष्टाचार मुद्दा दायर गरेको थियो ।
इरानले अमेरिकी डलर र युरोको सट्टा आयातका लागि क्रिप्टोकरेन्सी प्रयोग गर्न आधिकारिक रूपमा अनुमोदन गरेको इरानी उद्योग, खानी तथा व्यापार मन्त्री रेजा फातेमी अमीनले बताउनुभएको छ।
ईन्धन र ऊर्जा कसरी उपलब्ध गराउने, र कसरी लाइसेन्स प्रदान गर्ने र कसरी दिने भन्ने लगायत क्रिप्टो-सम्पत्तिसँग सम्बन्धित सबै मुद्दाहरू तयार पारिएको पनि मन्त्रीले अमीनले घोषणा गर्नुभएको छ ।
इस्लामिक गणतन्त्र इरानले अगस्ट महिनाको सुरुवातमा क्रिप्टोकरेन्सी प्रयोग गरेर करीब १० मिलियन अमेरिकी डलर बराबरको आयात गरेको जनाएको छ ।देशलाई डिजिटल सम्पत्तिहरू मार्फत व्यापार गर्न अनुमति दिनको लागि परीक्षण गरिएको अगस्टको पहिलो क्रिप्टो कारोबारले इरानमाथि लगाइएको अमेरिकी आर्थिक प्रतिबन्धहरू विस्थापित गरेर अन्य देशहरूसँगको व्यापारलाई सहज बनाउने विश्वाश गरिएको छ।
सेप्टेम्बरको अन्त्यसम्ममा इरानले विदेशी व्यापारमा क्रिप्टोकरेन्सीको प्रयोगलाई व्यापक रूपमा बढाउने अपेक्षा गरिएको छ।
इरानले देशको तेल, बैंकिङ र ढुवानी क्षेत्रहरूमा लगाइएको प्रतिबन्ध सहित अन्य थुप्रै आर्थिक प्रतिबन्धहरूको संघर्ष गरिरहेको बेला सन् २०१९ मा इरान सरकारले आयात भुक्तानीको लागि स्थानीय रूपमा माइनिङ्ग गरिएको क्रिप्टोलाई अनुमति प्रदान गर्न डिजिटल सम्पत्ति र कारोबार सम्बन्धि कानूनको संशोधन गरेको थियो ।
निलम्बित प्रधानन्यायाधीश चोलेन्द्रशमशेर जबराले आफुमाथि लगाइएको महाअभियोग प्रस्ताव स्वत: निष्क्रिय भएको र आफू संसदको सम्मानका लागि मात्र आएको बताएका छन् ।
बयानका लागि महाअभियोग सिफारिस समिति सिंहदरबार पुगेका जबराले महाअभियोग प्रस्तावमा संसदले संविधान र संसद नियमावली पालना नगरेको टिप्पणी गर्दै, महाअभियोग स्वत: निष्क्रिय भैसकेको र आफू संसदको सम्मानका लागि मात्र आएको बताएका छन् ।
बयान दिने क्रममा जबराले,आफूभन्दा पछाडिको व्यक्ति दीपक कार्कीलाई प्रधानन्यायाधीश बनाउन आफूविरुद्ध महाअभियोग प्रस्ताव दर्ता गरिएको र प्रधानन्यायाधीशलाई कमजोर बनाएर न्यायपालिकालाई नै कमजोर बनाउन खोजिएको बताएका छन्।
उनले आफूले गरेका काम नियम कानुन र संवैधानिक अधिकार भन्दा बाहिरबाट नभएको दावी गर्दै ,आफूबाट नभएर दलहरूबाटै न्यायलयलाई कमजोर बनाउने काम भएको समेत बताएका छन्।
शीतयुद्धको शान्तिपूर्ण अन्त्य गर्ने सोभियत नेता मिखाइल गोर्बाचेभको ९१ वर्षको उमेरमा निधन भएको छ ।
सन् १९३१ मा जन्मेका गोर्बाचोभ, सन् १९८५ मा सोभियत संघको कम्युनिष्ट पार्टीको केन्द्रीय समितिको महासचिव बनेपछि सोभियत संघलाई विश्वका लागि खुला गरी सुधारको एउटा नयाँ आयाम प्रस्तुत गर्न सफल रहेका थिए । त्यतिबेला उनी सत्तारुढ परिषद्को सबैभन्दा कान्छो सदस्य थिए । गोर्बाचेभ सोभियत संघको पहिलो र एकमात्र निर्वाचित राष्ट्रपति हुनुहुन्थ्यो।
सन् १९९१ को अगस्टमा उनको विरुद्धमा गरिएको कूको प्रयास असफल भए पनि गोर्बाचेभको वर्चस्व लामो समयसम्म टिक्न सकेन। उनले सोभियत संघको पतन रोक्न सकेनन्, जसबाट आजको आधुनिक रूसको उदय भयो। सन् १९९१ को डिसेम्बरमा, सोभियत गणतन्त्र रूस, युक्रेन र बेलारुसका नेताहरूले बेलोभेज सम्झौतामा हस्ताक्षर गरेर बहुसंख्यक नागरिकहरूको इच्छा विपरित सोभियत संघलाई विघटन गरिएको थियो।
“पूर्व-पश्चिम सम्बन्धमा आमूल परिवर्तनमा उनले खेलेको प्रमुख भूमिकाका लागि”उनलाई नोबेल शान्ति पुरस्कार समेत प्रदान गरिएको थियो।
सोभियत संघ,अमेरिका र बेलायत लगायत पश्चिमी राष्ट्रहरू बीचको गहिरो तनावको समयमा पनि शीत युद्धको अन्त्यको लागि मार्ग सिर्जना गरेको भन्दै उनलाई पश्चिमाहरुले सुधारको वास्तुकारको रुपमा व्याख्या गर्ने गरेका छन्।
धेरै प्रख्यात रूसीहरूको अन्तिम संस्कार गरिएको मस्कोको नोवोडेभिची कब्रिस्तानमा,उनकी पत्नी राइसाको छेउमा नै उनको पार्थिव शरीरलाई राखिनेछ।
इतिहासको धार बदलेको भन्दै विश्वभरबाट उनलाई श्रद्धाञ्जली अर्पण गरिएको छ ।
मिखाइल गोर्बाचेभसँग राष्ट्रपति पुटिन
रुसी राष्ट्रपति भ्लादिमिर पुटिनले मिखाइल गोर्बाचेभको निधनमा उहाँका परिवार र साथीभाइप्रति “गहिरो समवेदना” व्यक्त गरेका छन्।
अमेरिकी राष्ट्रपति रोनाल्ड रेगन र सोभियत नेता मिखाइल गोर्बाचेभ मध्यवर्ती दूरीका मिसाइलहरू हटाउन सन्धिमा हस्ताक्षर गर्दै
अमेरिकी राष्ट्रपति जो बाइडेनले मिखाइल गोर्बाचेभको निधनमा उनको परिवार र साथीहरूप्रति गहिरो समवेदना व्यक्त गर्दै, सुरक्षित संसार र लाखौं मानिसहरूको स्वतन्त्रताको लागि आफ्नो सम्पूर्ण करियर जोखिममा पारेर इतिहास कायम गरेको भन्दै उनको प्रशंसा गरेका छन् । उनले मिखाइल गोर्बाचेभलाई “उल्लेखनीय सोच र दुर दृष्टि भएको व्यक्ति” भनेर समेत वर्णन गरेका छन्।
निलम्बित प्रधानन्यायाधीश चोलेन्द्र शम्शेर जबरा महाभियोगबारे आफ्नो बयान दिनका लागि सिंहदरबार पुगेका छन् ।
महाभियोग सिफारिस समितिको अघिल्लो बैठकले जबरालाई आज बयानको लागि बोलाएको हो।महाभियोग सिफारिस समितिका सभापति,समितिका ज्येष्ठ सदस्य रामबहादुर विष्टले समितिले महाभियोगको विषयमा आफ्ना धारणा राख्नका लागि बोलाउने निर्णय भएको जानकारी दिनुभएको छ।
समितिले सार्वजनिक अपिल गर्दै जबरा विरुद्द प्रमाण उपलब्ध गराउन माग गरेपछि, यसअघि नेपाल बार एशोसियसन र कानुन व्यवसायीहरूले जबरा विरुद्द दस्ताबेज तथा प्रमाणहरु समेत समितिलाई बुझाएका छन्।
पदीय जिम्मेवारीविपरीत कार्यहरू गरी संविधान र कानुनको उल्लंघन गरेको, कार्यक्षमता नभएको, खराब आचरण र कर्तव्य पालना नगरेको भन्दै सत्तारुढ दलका सांसदहरुले जबराविरुद्ध फागुन १ गते महाभियोग दर्ता गराएका थिए।
श्रृजनशील लघुवित्त वित्तीय संस्थाले सर्वसाधारणको लागि प्राथमिक शेयर (आईपीओ) निष्काशन गरेको छ ।
लघुवित्तले जारी पूँजी १० करोड ९३ लाख ७५ हजार रुपैयाँको ३६ प्रतिशतले हुन आउने ३ करोड ९३ लाख ७५ हजार रुपैयाँ बराबरको ३ लाख ९३ हजार ७५० कित्ता शेयर जारी गरेको हो। जारी गरिएको कुल सेयरको ०.५ प्रतिशत आर्थत ५ हजार ४७० कित्ता शेयर कर्मचारीहरुलाई र ५ प्रतिशत अर्थात १९ हजार ६९० कित्ता शेयर सामुहिक लगानी कोषका लागि सुरक्षित गरी बाँकि रहने ३ लाख ६८ हजार ५९० कित्ता शेयर सर्वसाधारणको लागि खुला गरिएको छ।
अधिकृत पूँजी २० करोड रुपैयाँ, जारी पूँजी १० करोड ९३ लाख रुपैयाँ ७५ हजार र चुक्ता पूँजी ७ करोड रुपैयाँ रहेको लघुवित्तको आईपीओ निष्काशन पश्चात चुक्ता पूँजी १० करोड ९३ लाख ७५ हजार रुपैयाँ रहनेछ ।
सर्वसाधारणले भाद्र १५ गते देखि १९ गतेसम्म, प्रतिशेयर १०० रुपैयाँका दरले न्यूनतम १० कित्तादेखि अधिकतम १ हजार कित्ता सम्मको शेयर खरिदका लागि आवेदन दिन सकिनेछ ।
लघुवित्तको धितोपत्र निष्काशन तथा बिक्री प्रबन्धक सनराइज क्यापिटल लिमिटेड रहेको छ भने बिओके क्यापिटलले लिमिटेड रहेको छ ।
केयर रेटिङ्गस नेपालले श्रृजनशील लघुवित्त वित्तीय संस्थालाई प्रदान गरेको डबल बि माइनस रेटिङ्ग अनुसार यस कम्पनीको वित्तीय दायित्व बहन गर्ने क्षमतामा औषत जोखिम रहेको देखाउंछ ।
वाशिङटनमा रहेको चिनियाँ दूतावासका प्रवक्ता लिउ पेन्ग्युले, यदि वाशिंगटनले ताइवानसँग सैन्य सहयोग जारी राखेमा चीनले “निर्णायक र दृढ उपाय” मार्फत जवाफ दिने बताएका छन् ।
बाइडेन प्रशासनले ताइवानमा करीब १.१ बिलियन डलरको हतियार बिक्रीलाई अनुमोदन गर्न सांसदहरूलाई सोध्ने योजना बनाएको रिपोर्ट गरे लगत्तै अमेरिकास्थित चीनिया दुतावासले यस्तो प्रतिक्रिया दिएको हो।
ताइवानलाई अमेरिकी हतियार बिक्रीले ‘एक चीन’ नीति र अमेरिका र चीनबीच भएका अन्य कूटनीतिक सम्झौताहरूको “उल्लंघन” गर्ने र त्यस्ता सम्झौताहरूले पृथकतावादीहरूलाई उत्तेजित पार्ने र ताइवान स्ट्रेटमा तनाव बढाउने चीनले बताएको छ।
अमेरिकी पक्षले ताइवानलाई हतियार बिक्री र सैन्य सम्पर्क तुरुन्तै रोक्नु पर्ने र ताइवान स्ट्रेटमा तनाव निम्त्याउने कारकहरू सिर्जना गर्न बन्द गर्नुपर्ने भन्दै ताइवान स्वतन्त्रतालाई समर्थन नगर्ने अमेरिकी सरकारको स्टेटमेन्टलाई पालना गर्नुपर्ने चीनले जनाएको छ।
अमेरिकाको हतियार बिक्रि र सैन्य सहयोगप्रति इङ्गित गर्दै , चीनले आफ्नो सार्वभौमसत्ता र सुरक्षा हितको रक्षा गर्न “निर्णायक र दृढ” कदम चाल्ने बताएको छ ।
अमेरिकी सदनकी सभामुख न्यान्सी पेलोसीको ताइवान भ्रमणको प्रतिक्रियामा चीनको सैन्य अभ्यासबारे श्रीलंकास्थित भारतीय उच्चायोगले भारत सरकारको अघिल्लो धारणामा परिवर्तन भएको बताएपछि ,चीनले ताइवान स्ट्रेटको तनावपूर्ण अवस्थाको सामना गरिरहेको बेला ताइवान प्रश्नमा हस्तक्षेप गरेर चीनलाई सीमा समस्यामा सम्झौता गर्न दबाब दिन सक्छ भन्ने सोच्नु गलत र भ्रम मात्र रहेको भन्दै चेतावनी दिएको छ।
अगस्ट २६ मा श्रीलंकाका लागि चिनियाँ राजदूत क्यू झेनहोङले एक लेख प्रकाशित गरी श्रीलंका सरकारले अन्ततः चिनियाँ वैज्ञानिक अनुसन्धान जहाज “युआन वाङ ५” लाई हम्बनटोटा बन्दरगाहमा डक गर्न अनुमति दिएको देख्दा राम्रो लागेको र श्रीलंकाको इतिहासको समीक्षा गर्दा राजदूत क्यूईले देशले “उत्तरी छिमेकीबाट १७ पटकको आक्रमण, ४५० वर्षदेखि पश्चिमको उपनिवेश र झण्डै तीन दशकसम्म चलेको आतंकवाद विरोधी युद्ध” लाई जितेको उल्लेख गरेका थिए ।
चिनियाँ राजदूत क्यू जेनहोङको लेखको बारेमा सोधिएको प्रश्नको जवाफमा श्रीलंकाको भारतीय उच्चायोगले ,चिनियाँ राजदूतको लेखलाई आधारभूत कूटनीतिक शिष्टाचारको उल्लङ्घन भनेर आलोचनात्मक ट्वीटहरू गरेका थिए।
भारतीय पक्षको इन्कारको बाबजुद, “युआन वाङ ५ ” को डकिङमा श्रीलंका सरकारमाथि भारतको निरन्तर दबाब विश्वका लागि स्पष्ट रहेको र यदि भारतले ताइवान प्रश्नमा हस्तक्षेप गर्न यो मुद्दा प्रयोग गर्न खोज्यो भने, यसले द्विपक्षीय सम्बन्धलाई बिगार्ने चीनले बताएको छ।
ताइवान प्रश्नको उल्लेख गरेर, भारतका केही राजनीतिज्ञहरू एसिया-प्रशान्त क्षेत्रमा अमेरिकाको चीन विरोधी रणनीतिसँग एक हुन चाहने र कतिपयले चीन दक्षिणपूर्वको खतरा र अमेरिकासँगको सम्बन्धमा व्यस्त हुँदा आफ्नो सीमा विवादको वार्तामा सम्झौता गर्न सक्छ भन्ने भ्रम राख्ने भारतले थाहा पाउनुपर्छ कि चीनले आफ्नो सार्वभौमसत्ता र राष्ट्रिय स्वार्थसँग सम्बन्धित विषयहरूमा कुनै पनि सम्झौता गर्नेछैन।
केही विश्लेषकहरूले पेलोसीको भ्रमणलाई खासगरी दक्षिण एसियामा चीन खतरा रहेको भन्दै चीनलाई एक्लो पार्ने र चीनसँगको सम्बन्धमा विशेषगरी सीमा समस्यामा थप फाइदा उठाउने अवसरका रूपमा लिन खोजेको बताएका छन्।
चीनको युआन वाङ ५ को श्रीलंका भ्रमणलाई “सुरक्षा चिन्ता” को विषय भनेर प्रचार गर्नुको अलावा, भारतले दक्षिण एसियाका देशहरूसँग चीनको सम्बन्धलाई पनि बिगार्न खोजेको बताएका छन्।
यसै सन्दर्भमा,अगस्टको मध्यमा नेपालका परराष्ट्रमन्त्री नारायण खड्का चीन भ्रमण आउनु अघि काठमाडौंस्थित युरोपेली सङ्घका राजदूतहरूले परराष्ट्रमन्त्रीसँग भेटघाट गर्न आग्रह गरेको र परराष्ट्र मन्त्रीको चीन भ्रमणप्रति असन्तुष्टि जनाएको बताएका छन् ।
त्यसैगरी अगस्त १० मा भारतीय र पश्चिमी मिडियाले चीनको बेल्ट एण्ड रोड इनिसिएटिभ मार्फत थप ऋण लिने बारे बंगलादेशका अर्थमन्त्री मुस्तफा कमलको चेतावनीलाई पनि प्रचारबाजी गरेको बताएका छन्।
युरोपेलीहरूको समर्थन रहेको भारत ताइवान प्रश्नमा सक्रिय भएको र अमेरिकाको चीन विरोधी नीतिको फाइदा उठाउन खोजेको विश्लेषकहरुले बताएका छन्।
भारतले दक्षिण एसियालाई आफ्नो प्रभावको क्षेत्र मान्दै आएको र अन्य क्षेत्रीय देशहरूले चीनसँग राम्रो सम्बन्ध विकास गरेको हेर्न नचाहेकोले भारतले दक्षिण एसियामा चीन खतरा रहेको भन्दै प्रचारबाजी गरिरहेको छ। साथै यी देशहरूको घरेलु मामिलामा भारतले हस्तक्षेप गरिरहेको पनि बेइजिङ फरेन एकेडेमी अफ रिजनल एण्ड ग्लोबल गभर्नेन्सका वरिष्ठ रिसर्च फेलो र चेङ्दु इन्स्टिच्युट अफ वर्ल्ड अफेयर्सका अध्यक्ष लङ सिङ्चुनले बताएका छन्।
वैदिक सनातन धर्म संस्कृती अनुसार हिन्दु धर्मावलम्बी महिलाहरु हरेक वर्ष भाद्र शुक्ल तृतीयाको दिन नेपाली नारीहरुको महान चाड हरितालिका तीज मनाउने गर्दछन।
हरितालिका तीजको दिन नेपाली महिला दिदि-बहिनीहरु भगवान शिवको पूजा आराधना गरी व्रत बस्नुका साथै नाचगान गरेर धूमधामसँग यो पर्व मनाउँछन् । तीजको अघिल्लो दिन अबेर खाना खाएर तीजको दिन निराहार र निर्जला व्रत बस्ने चलन रहेको छ। यसरि तिजको दिन निराहार र निर्जला व्रत बस्ने अघिल्लो दिन खाइने खानेकुरालाई नेपालीमा दर भनिन्छ। तीजको अघिल्लो दिन नेपाली महिला दिदि बहिनीहरु अबेर रातिसम्म नाच गान गर्दै रमाइलो गरेर दर खाने प्रचलन रहेको छ।तिजको दिन महिला दिदि-बहिनीहरु विशेष गरि रातो वस्त्र धारण गर्ने र हातमा मेहेन्दी लगाउने गर्दछन, जसलाई सौभाग्यको प्रतिकको रुपमा मानिन्छ।
तीजको दिन छोरी चेलीहरु माइत (आफ्नो जन्मघर) जाने परमपरा रहेको छ। पुरानो समयमा यातायातको व्यवस्था नहुँदा टाढा-टाढा माइती भएकाहरु अरुबेला माइत जान नपाएपनि तिजको दिनमा भने माइत जाने र माइतिको आँगनीमा रमाइलो गर्ने प्रचलन रहेको पाइन्छ । त्योबेलाको अशिक्षित र कतिपय अन्धविश्वाशको समयमा सासुले बुहारीलाई दिएको पीडालाई छोरी चेलीहरुले गितको माध्यमबाट आफ्नो वेदना पोख्ने र त्यहि गीतमा रमाएर नाच्ने अनि दुख भुलाउने प्रचलन पनि रहेको पाइन्छ।
परापूर्व कालमा हिमालयकी पुत्री पार्वतीले भगवान शिवलाई पतिदेवको रूपमा प्राप्त गर्न सकूँ भनि निराहार र निर्जला व्रत बसेको जनविश्वास रहिआएको छ । त्यसैले आजको दिन विवाहित नेपाली महिला दिदि-बहिनीहरु आफ्नो पतिको लामो आयुको कामनासहित पारिवारिक सुखशान्ति तथा दाम्पत्य जीवनको सफलताका कामना गरेर तिजको व्रत बस्ने गर्दछन् भने अविवाहित महिला दिदि-बहिनीहरु भगवान शिव जस्तै पति प्राप्त होस् भन्ने कामना सहित तीजको व्रत बस्ने परम्परा रहेको छ। आजको दिनमा शिव मन्दिर र शिवालयहरूमा दर्शनार्थीको विशेष भीड लाग्ने गर्दछ ।
गणेश चतुर्थी र ऋषि पञ्चमी गणेश चतुर्थी र ऋषि पञ्चमीलाई पनि तीजकै अङ्गको रूपमा लिइन्छ । यस दिन भगवान् श्री गणेशको जन्म भएको धार्मीक मान्यता अनुसार गणेश चतुर्थी मनाइन्छ । यस दिनलाई विनायक चतुर्थी पनि भन्ने गरिन्छ। गणेश चतुर्थीको दिनमा भगवान गणेशको पुजा आराधाना गरेर व्रत बस्ने चलन पनि रहेको छ। वैदीन सनातन धर्मावलम्बीहरु हिन्दु परम्परामा कुनै पनि शुभ कार्य, कर्मकाण्डी प्रक्रिया, पूजाआजा गर्दा भगवान गणेशको नाम लिएर कार्यको प्रारम्भ गर्दछन त्यसैलाई हामी ”श्री गणेश गर्ने” भनेर भन्दै आएका छौँ ।
ऋषि पञ्चमी ऋषि पञ्चमीको दिन रजस्वला हुन शुरु भइसकेका महिलाहरूले शरीरलाई सफा र शुद्ध बनाउनको लागि पूजा अर्चना गर्ने दिनको रुपमा मनाउने गरिन्छ । सृष्टिकर्ता नारीहरू विना जीवन सम्भव नभएकोले शास्त्रमा पनि नारीहरुको सम्मान गर्दै नारीहरुको रजस्वलाको दिनहरूलाई चार वटा देवीहरू अनुरूप तुलना गर्ने चलन रहेको छ। रजस्वलाको प्रथम दिन चण्डालिनी, दोस्रो दिन ब्रह्मधातिनी, तेस्रो दिन धोबिनी र चौथो दिन स्नान गरी शुद्ध हुने चलन रहेको छ ।
आजको दिन नारीहरूले उपमार्ग(दतिवन) अर्थात् एउटा विशेष प्राकृतिक जडीबुटी युक्त गुण भएको वनस्पतिको प्रयोगले दाँत माँज्ने र चपाउने गर्दछन्। १०८ वटा उपमार्ग (दतिवन)का टुक्राहरु चपाएर आफ्नो शरीरमा माटोको प्रयोग गरेर नारीहरूले नजिकैको खोला या तलाउमा गएर स्नान गर्ने गर्दछन् । संस्कृत शब्दमा उपमार्ग भन्नाले रोग नाशक भन्ने बुझाउँदछ । यसले शरीरमा विभिन्न प्रकारका रोग नलाग्ने र भएको भए पनि निको हुने विश्वास रहेको छ । यसरी बिहानै स्नान गरेर शरीर र आत्माको शुद्धि गरिसकेपछि नारीहरूले दियो, कलश अनि गणेश स्थापाना गरेर कश्यप, भार्गदोज, विश्वामित्र, गौतम, जमदग्नि अनि वशिष्ठलगायतका ऋषिहरूको पूजा गर्दछन । अन्त्यमा ब्राह्मणले रीतिअनुसार पूजा गरेपछि ऋषि पञ्चमीको अनुष्ठान पूर्ण भएको मानिन्छ ।
आगामी संघ तथा प्रदेशसभा निर्वाचनका लागि निर्वाचन आयोले आचार संहिता जारी गरेको छ।
राजनीतिक दल, नेता-कार्यकर्ता, उम्मेदवार, सञ्चार संस्था, सुरक्षाकर्मी, विभिन्न पेसाकर्मी र मतदाता लगायतले पालना गर्नुपर्ने नियमहरु समेटेर आयोगले आज निर्वाचनको आचारसंहितामा जारी गरेको हो।
निर्वाचन आयोगले प्रधानमन्त्री र मन्त्रीहरु,स्थानीय कार्यपालिकाका पदाधिकारी र स्थानीय तहको जनप्रतिनिधि राजनीतिक दलको मुख्य प्रचारक वा प्रचारक भई प्रचारप्रसारमा खटिन नपाउने उल्लेख गरिएको छ ।तर निर्वाचनमा आफैं उम्मेदवार भएका प्रधानमन्त्री र मन्त्री आफ्नो क्षेत्रमा प्रचार प्रसार गर्न जान भने पाउँछन् । यसरी प्रचार गर्न जाँदा सरकारी स्रोत साधन प्रयोग गर्न भने पाउने छैनन् ।
आचारसंहितामा, प्रतिनिधिसभा र प्रदेश सभा निर्वाचनका लागि प्रत्यक्षतर्फका उम्मेदवारहरुले आफ्नो सम्पत्ति विवरण र व्यक्तिगत विवरण समेत पेश गर्नुपर्ने जनाइएको छ ।
आचारसंहितामा, राजनीतिक दल वा उम्मेदवारहरुले जुलुस वा आमसभा गर्दा उम्मेदवारको निर्वाचन चिन्ह वा झण्डा अंकित लोगो, स्टीकर वा अन्य कुनै पनि किसिमको चिज बोक्न नहुने उल्लेख गरिएको छ। ।
बिहान ७ बजेदेखि साँझ ७ बजेसम्म मात्र प्रचारप्रासर गर्नुपर्ने र एकभन्दा बढी राजनीतिक दल वा उम्मेदवारले एकै दिन एकै समयमा कुनै एक स्थानमा कार्यक्रम वा सभा नगर्न आचारसिंहतामा उल्लेख गरिएको छ ।
काठमाडौं महानगरपालिकाका मेयर बालेन्द्र (बालेन) शाह विरुद्ध दर्ता भएको अदालतको अवहेलना मुद्दा सोमबार सर्वोच्च अदालतमा सुनुवाइ भएको छ ।
नर्भिक अस्पतालको संरचना नभत्काउन सर्वोच्च अदालतले अन्तरिम आदेश जारि गरेपछि मेयर शाहले, ‘अब नक्सा पासको काम पनि सर्वोच्च अदालतलाई गर्न दिए हुने’ भनी दिएको प्रतिक्रियाप्रति, अदालतको अवहेलना भएको भन्दै अधिवक्ता दीपकराज जोशीले शाहमाथि कारवाही हुनुपर्ने माग राखी निवेदन दिएका थिए ।
अधिवक्ता जोशीले मेयर शाह विरुद्द दिएका निवेदनमाथि सोमबार न्यायाधीश हरिकृष्ण कार्कीको एकल इजलासमा सुनुवाइ भएको छ ।
जोशीले सर्वोच्च अदालतमा दिएका निवेदनलाई स्वीकारेर अदालतले शाहका नाममा आदेश जारी गरेमा उनले अदालत सामु जवाफ पेश गर्नुपर्ने हुन्छ। त्यसको लागि शाहले आफू स्वयं उपस्थित भई वा वारेस मार्फत जवाफ पेश गर्न सक्नेछन।
माओवादी केन्द्रका दुई नेतालाई कर्णाली प्रदेश सरकारमा मन्त्री नियुक्त गरिएको छ।
आर्थिक मामिला तथा योजना मन्त्रीमा कृष्णा शाह र जलस्रोत तथा उर्जा विकास मन्त्रीमा रातो कामीलाई मियुक्त गरिएको हो। शाह जाजरकोटबाट सामानुपतिक सांसद हुन् भने कामी रुकुम पश्चिमबाट प्रदेश सभामा प्रत्यक्ष निर्वाचित सांसद रहेका छन्। नवनियुक्त दुई मन्त्रीलाई आज नै प्रदेश प्रमुख तिलक परियारले पद तथा गोपनीयताको शपथ ग्रहण गराउने तयारी रहेको बताइएको छ।
माओवादीले यस अघिका दुई मन्त्री आर्थिक मामिला तथा योजना मन्त्री विन्दमान विष्ट र जल, स्रोत तथा उर्जा विकास मन्त्री गणेशप्रसाद सिंहलाई फिर्ता बोलाएर नयाँ मन्त्रि नियक्त गरेको हो।
प्रतिनिधि सभाको आजको बैठकमा सत्य निरुपणसम्बन्धी विधेयक पेश गरिएको छ ।
कानुन न्याय तथा संसदीय मामिला मन्त्री गोविन्द वन्दिले वेपत्ता पारिएका व्यक्तिको छानविन, सत्य निरुपण तथा मेलमिलाप आयोग (तेस्रो संशोधन) विधेयक २०७९ माथि विचार गरियोस् भनी प्रस्ताव प्रस्तुत गर्नुभएको हो।
विधेयकमाथि सुरु भएको छलफलमा नेकपा एमालेले, सत्य निरुपण तथा मेलमिलाप आयोग तेस्रो संशोधनण विधेयक पीडितको पक्षमा नभएको र पीडितलाई राहत पुग्ने भन्दा पनि आघात पर्नेगरी विधेयक पेश भएको बताएको छ।
एमाले सांसद शिवमाया तुम्बाहाम्फेले वेपत्ता पारिएका व्यक्तिहरुको विधेयक विस्तृत शान्ति सम्झौताअनुसार नआएको दावी गर्दै, विधेयकले नेपालको संविधान र सर्वोच्चको नजिर सम्बोधन नगरेकोर , मानव अधिकारसम्बन्धी अन्तर्राष्ट्रिय सिद्धान्तलाई वेवास्ता गरेको बताउनुभएको छ।
संसदमा विधेयकमाथि दफावार छलफलमा भाग लिँदै नेकपा सांसद प्रदिप ज्ञवालीले वेपत्ता पारिएका व्यक्तिहरुको छानविन, सत्य निरुपण तथा मेलमिलाप आयोग (तेस्रो संशोधन) विधेयक पारित गर्ने प्रकृया विश्वसनीय बनाउनुपर्ने र फास्टट्रयाकबाट विधेयक पारित गरिए परिस्थिति गिजोलिने बताउनुभएको छ। विस्तृत शान्ति सम्झौतामा हस्ताक्षर भएको १६ वर्ष वितिसक्दा पनि,विधेयक पीडितमैत्री नभएको भन्दै विधेयकको गम्भिरतापूर्वक छलफल गर्नुपर्ने बताउनुभएको छ।
त्रिभूवन विश्वविद्यालयमा देखिएको समस्या शिघ्र समाधान गर्न सभामुख अग्निप्रसाद सापकोटाले सरकारलाई रुलिङ गर्नुभएको छ।
आज बसेको प्रतिनिधि सभा बैठकमा सभामुख सापकोटाले त्रिभूवन विश्वविद्यालयमा तालाबन्दी लगायतका विरोधका कार्यक्रमले पठनपाठन प्रभावित भएकोप्रति ध्यानाकर्षण भएको बताउंदै सो समस्यालाई शिघ्र समाधान गर्न सरकारलाई निर्देशन दिनुभएको हो।
यसअघि प्रतिनिधि सभा बैठकमा समय माग गरेर नेकपा एमालेका सांसद प्रदीपकुमार ज्ञवालीले त्रिभूवन विश्वविद्यालयमा प्राध्यापकलाई आक्रमण गर्नेहरुमाथि कारबाही नगरिएकोप्रति आपत्ति जनाउँदै उक्त समस्या समाधानका लागि सभामुखले सरकारलाई रुलिङ गर्न माग गर्नुभएको थियो।
सांसद ज्ञवालीले, प्रधानमन्त्री र गृहमन्त्री स्वयं विद्यार्थी राजनीतिबाट मुलुकको शीर्ष स्थानमा पुगेको उल्लेख गर्दै,उहाँहरुले आफ्नो विद्यार्थी संगठनलाई गुण्डागर्दी गर्न सिकाएको हो भन्ने प्रश्न समेत गर्नुभएको थियो।
नेपाल बार एसोसियसनले निलम्बित प्रधानन्यायाधीश चोलेन्द्र शमशेर जबराको महाअभियोग आरोप पुष्टि गर्ने प्रमाणहरु महाभियोग सिफारिस समितिलाई पठाएको छ।
नेपाल बार एशोसिएसनका अध्यक्ष गोपालकृष्ण घिमिरे र महासचिव अञ्जिता खनालले महाअभियोग पुष्टि हुने ३५ बुँदे प्रमाण महाभियोग सिफारिस समितिलाई पठाउनु भएको हो।
महाभियोग सिफारिस समितिलाई बुझाइएको उक्त पत्रमा , ”प्रधानन्यायाधीश जबरा उपरको नेपालका संविधानको धारा १०१ वमोजिम महाभियोग प्रस्तावलाई पुष्टि गर्ने महाभियोग आरोपसँग सम्बन्धित कागजात, विवरण, जानकारी लगायतका प्रमाणहरु यसै निवेदनसँग संलग्न गरी पठाईएको व्यहोरा अनुरोध छ ।” भनी उल्लेख गरिएको छ।
यस अघि महाभियोग सिफारिस समितिले जबरा विरुद्द कुनै प्रमाण वा कागजात भए उपलब्ध गराउन भन्दै सार्वजनिक अपिल समेत जारी गरेको थियो।
कमल थापा नेतृत्वको राष्ट्रिय प्रजातन्त्र पार्टी, नेपाललाई तीर चुनाव चिन्ह प्रदान नगर्न सर्वोच्च अदालतले अल्पकालीन आदेश जारी गरेको छ।
न्यायाधीश सपना मल्ल प्रधानको एकल इजलासले राप्रपा नेपालका अध्यक्ष कमल थापाको रिटमा सुनुवाइ गर्दै निर्वाचन आयोगका नाममा सो आदेश जारी गरेको हो।
सर्वोच्चले जारि गरेको अल्पकालीन आदेशमा भनिएको छ ”प्रस्तुत निवेदनमा अन्तरिम आदेश जारी गरी पाउँ भन्ने माग सम्बन्धमा विचार गर्दा दुवै पक्षबीच छलफल गरी निष्कर्षमा पुग्न मनासिव देखिएको र निवेदकले उठाएको विषय प्रतिनिधिसभा र प्रदेशसभा निर्वाचनसाग जोडिएको अत्यन्त महत्वपूर्ण र तत्काल निर्णय गर्नुपर्ने प्रकृतिको रहेको हुँदा भदौ १४ गते पेशीमा चढाइ तथा यसै विषय सँग जोडिएको मुद्दा न. ०७८-Wo -१६०८ मा समेत निर्वाचन आयोग ,नेपालको मिति असार २७ गतेको निर्णय कार्यान्वयन नगर्नु भनि भाद्र ८ गते अन्तरिम आदेश जारी भएको सन्दर्भमा समेत यो रिट निवेदनको विषयवस्तु जोडिएको देखिदा छलफलको मिति सम्म निर्वाचन आयोगको भाद्र ८ को तिर निर्वाचन चिन्ह प्रदान गर्ने निर्णय कार्यन्वयन नगर्नु नगराउनु भनि विपक्षीको नाममा सर्वोच्च अदालतको नियमावली २०७४ को नियम ४९ (२)ख बमोजिम अल्पकालीन आदेश जारि गरिएको छ।”
चिकित्सा शिक्षा र समग्र स्वास्थ्य क्षेत्रको सुधारका लागि संघर्षरत डा. गोविन्द केसीले ६ बुँदे मागहरु राख्दै, सरकारले ति मागहरुको सम्बोधन नगरे भाद्र भाद्र २७ गतेदेखि सत्याग्रह शुरु गर्ने बताउनुभएको छ।
आइतबार काठमाडौंमा पत्रकार सम्मेलन गरेर डा. केसीले आफ्नो माग सम्बोधन नगरे सत्याग्रह सुरु गर्ने जानकारी गराउनु भएको हो।
भाद्र १२ गतेदेखि देखि आमरण अनसन बस्ने घोषणा गर्नुभएका केसीले, आफ्ना मागहरु बारे छलफल गर्न सरकारले केही समय मागेकाले सत्याग्रहको कार्यक्रम सारिएको समेत जानकारी गराउनु भएको थियो।
डा. गोविन्द केसीले राख्नुभएको माग र प्रेस विज्ञप्तिः
पुनर्विचारका लागि राष्ट्रपतिबाट सन्देशसहित फिर्ता भएको नागरिकता विधेयक राष्ट्रियसभाले छलफलका लागि विधायन व्यवस्थापन समितिमा पठाएको छ ।
आज बसेको राष्ट्रियसभाको बैठकमा गृहमन्त्री बालकृष्ण खाँणले नागरिकता विधेयकलाई विधायन व्यवस्थापन समितिमा पठाइयोस् भनि राख्नुभएको प्रस्ताव सर्वसम्मतिले स्वीकृत गरेको थियो ।
नागरिकता विधेयक अब राष्ट्रियसभाको विधायन व्यवस्थापन समितिमा दफावार छलफल गरेर समितिको प्रतिवेदन सहित पुनः सभामा पेश गरिनेछ ।
अमेरिकी नौसेनाले दुई अमेरिकी युद्धपोत ताइवान स्ट्रेटबाट गुज्रिरहेको घोषणा गरेको छ ।
दुई निर्देशित-मिसाइल क्रूजरहरू स्वतन्त्र र खुला इन्डो-प्यासिफिकका लागि प्रतिबद्ध रहेको र अन्तर्राष्ट्रिय पानीमा नेभिगेसनको स्वतन्त्रता प्रदर्शन गरिरहेको वाशिंगटनले जनाएको छ।
यसैबीच, बेइजिङले उच्च सतर्कता कायम राखेर यस्ता उत्तेजक कारबाहीमा निगरानी भइरहेको र कुनै पनि उक्साहटलाई परास्त गर्न तयार रहेको बताएको छ।
पछिल्लो समय अमेरिकी सभाकी सभामुख न्यान्सी पेलोसीले ताइवानको भ्रमण गरेपछि ताइवान र चीनबीच तनाव बढ्दै गएको छ।
लिबियाको प्रतिद्वन्द्वी सरकारद्वारा समर्थित मिलिशियाहरू बीचको झडपमा कम्तिमा 23 व्यक्तिको मृत्यु भएको र दर्जनौं घाइते भएको जनाइएको छ।
लिबियाको राजधानी त्रिपोलीमा शनिबारको लडाइँ दुई वर्षयताकै सबैभन्दा खराब भएको र यसले देश पूर्ण रूपमा युद्धमा डुब्न सक्ने डर पैदा गरेको बताइएको छ।
आपतकालीन सेवाका प्रवक्ता मालेक मर्सेटले लडाइँमा फसेका घाइते नागरिकहरूलाई बाहिर निकाल्ने प्रयास गरिरहेका बताएका छन्। त्यहाँको स्वास्थ्य मन्त्रालयले १४० जना भन्दा बढी घाइते भएको र ६४ भन्दा बढी घर-परिवारलाई लडाइँ वरपरका क्षेत्रहरूबाट विस्थापित गर्नुपर्ने बताएको छ।
लिबियामा सत्ताको लागि संघर्षले अब्दुल हमिद डबेबाको नेतृत्वमा त्रिपोलीमा रहेको राष्ट्रिय एकता सरकार (जीएनयू) लाई पूर्वी-आधारित संसदले समर्थन गरेको फाथी बासाघाको नेतृत्वमा प्रतिद्वन्द्वी प्रशासनको विरुद्धमा खडा गरेको छ।जीएनयूले बसाघा संकट समाधानका लागि वार्ताबाट पछि हटेको आरोप समेत लगाए ।
लिबियाको संसद र पूर्वी-आधारित सैन्य बलवान खलिफा हफ्तारले समर्थन गरेका बाशाघाले भने जीएनयूको म्यान्डेट समाप्त भएको बताएको छ ।
राष्ट्रिय सभाको आज बस्ने बैठकमा सम्माननिय राष्ट्रपति विद्यादेवी भण्डारीद्वारा पुनर्विचारका लागि फिर्ता गरिएको नागरिकता विधेयकको सम्बन्धमा राष्ट्रपति कार्यालयबाट प्राप्त पत्रको व्यहोरा जानकारी गराइने भएको छ।
दिउँसो १:०१ बजे बस्ने आजको बैठकमा राष्ट्रिय सभाका सचिव राजेन्द्र फुयालले राष्ट्रपतिबाट सन्देशसहित फिर्ता भएको विधेयकको बारे जानकारी गराउने कार्यसूची रहेको छ। त्यसैगरी,फुयालले नागरिकता विधेयकको सम्बन्धमा प्रतिनिधि सभाबाट प्राप्त सन्देश पनि जानकारी गराउने आजको कार्यसूचीमा उल्लेख गरिएको छ। त्यसपछि राष्ट्रिय सभामा नागरिकता विधेयकको विषयमा छलफल अगाडी बढ्नेछ।
राष्ट्रपति विद्यादेवी भण्डारीले १५ बुंदे सन्देश सहित पुनर्विचारको लागि फिर्ता पठाउनु भएको नागरिकता विधेयक प्रतिनिधि सभाको भाद्र २ गतेको बैठकले हुबहु पारित गरेर राष्ट्रिय सभामा पठाएको हो।
विधेयक पुन: संसदबाट पारित भएर प्रमाणीकरणको लागी राष्ट्रपतिकोमा पठाइएमा, यस पटक विधेयक फिर्ता गर्ने संवैधानिक अधिकार भने राष्ट्रपतिलाई दीइएको छैन।
आगामी मंसिर ४ गते हुने निर्वाचनका लागि आजदेखि मतदाता नामावली अद्यावधिक गरिने निर्वाचन आयोगले जनाएको छ।
एक विज्ञप्ति जारी गर्दै, आज सम्बन्धित वडा कार्यालय र निर्वाचन कार्यालयमा मतदाता नामावली प्रकाशन गर्ने कार्यक्रम रहेको निर्वाचन आयोगले जनाएको छ। आयोगले,नामावलीमा रहेका त्रुटि सच्याउन, नामावलीमा प्रकाशित व्यक्तिको विवरणको विरोधमा उजुरी दिन साथै मतदाताको एकभन्दा बढी स्थानमा नाम समावेश भएमा एक स्थानमा मात्र नाम कायम राख्नको लागि भदौ १३ देखि १५ गतेसम्मको समय तोकेको छ। आयोगले तोकेको समयावधि भित्र सम्बन्धित निर्वाचन कार्यालयमा गएर निवेदन दिन सकिने पनि आयोगले बताएको छ।
त्यसैगरी, भाद्र १३ देखि १६ गतेभित्र, मृत्यु भएका एवं नागरिकता त्यागेका मतदाताको हकमा, मतदाता नामावलीबाट नाम हटाउन सम्बन्धित निर्वाचन कार्यालयमा निवेदन दिन सकिने पनि आयोगले जनाएको छ।
राष्ट्रिय स्वतन्त्र पार्टीले खुलामञ्चमा आयोजना गरेको आजको उपत्यका भेलामा,पार्टीका सभापति रवि लामिछानेले अगाडी “बा” भएकाहरु डोजर लिएर निस्किसकेकाले अब पछाडी “बा” भएकाहरुलाई स-सम्मान राजनीतिबाट बिदा गर्नुपर्ने बताउनुभएको छ।
सभापति लामिछानेले आफु राजनीतिको फोहोर सफा गर्न आएको बताउँदै,नेकपा एमालेका अध्यक्ष केपी शर्मा ओली, प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाललाई लक्षित गरेर सो कुरा बताउनुभएको हो।
लामिछानेले, काठमाडौँ महानगरपालिकाका मेयर बालेन्द्र शाहको वर्तमान गतिविधीको प्रशंसा गर्दै अगाडि ‘बा’ आउनेहरु परिवर्तनका लागि डोजर लिएर निस्कीसकेको हुनाले पछाडि ‘बा’ आउनेहरु राजनीतिबाट बिदा हुनुपर्ने बताउनुभएको हो । मेयर बालेनको विरोध गर्नेहरुलाई लक्षित गरेर , हिन्दि चलचित्र नायकको प्रसङ्ग उठाउँदै,सभापति लामिछानेले,”अनिल कपुर त देखिएको थियो अब त अमृष पूरी पनि देखिन थालेछन्” भन्दै मेयर शाहको विरोध गर्नेहरुलाई व्यंग्य समेत गर्नुभएको थियो।
लामिछानेले देशभर पुगेर सातै प्रदेशमा समिति निर्माण भएको र खुला मञ्चले धेरै युवा नेताहरु दिएको तर देशको भाग्य बदल्ने ठाउँमा पुगेर पनि उनीहरुले खुल्लामञ्च र देश अनि जनतालाई लाई धोका दिएको बताउनुभएको थियो । देश र जनतालाई धोका दिनेहरुलाई मंसिर ४ गते मतदान मार्फत बिदा गर्नुपर्ने भन्दै लामिछानेले,”मलाई यो राजनीति सिक्नु नै छैन, पानी परिरहेको बेला बाटो पिच गरिरहको छन्, सरकारी निकाए आँखा बन्द गरिरहेका छन्। पानी परिरहेको बेला बाटो पिच गर्नु हुँदैन भन्ने जान्नका लागि राजनीति जान्नु पर्दैन” र आफुले त्यस्तो राजनीति सिक्न नचाहेको समेत बताउनुभएको छ।
हरितालिका तीजको अवसरमा पशुपतिनाथ मन्दिरमा दर्शन गर्न आउने भक्तजनले मुख्य मन्दिर र परिसरको तस्बिर खिचेमा जरिवाना हुने भएको छ । पशुपतिनाथको मुख्य मन्दिरमा तस्विर खिच्न निषेध गरिएको छ ।
निषेधित ठाउँका तस्बिर खिचेर सामाजिक सञ्जालमा पोष्ट गर्ने र टिकटक बनाउने चलन बढेपछि यस्तो तयारी गरिएको पशुपति क्षेत्र विकास कोष, संस्कृति संरक्षण महाशाखाले जानकारी दिएको छ । भक्तजनलाई फोटो खिच्न नदिन कोषका कर्मचारीले मुख्य मन्दिर क्षेत्रको अनुगमन गर्ने जनाइएको छ ।
गर्भगृहको तस्बिर खिच्नेलाई २ हजार १ सय, मुख्य मन्दिरको तस्बिर खिचेमा १ हजार १ सय र मुख्य मन्दिर परिसरको तस्बिर खिचेमा ५ सय रुपैयाँ जरिवाना गरिने कोषले जनाएको छ ।
२०७९ भाद्र १४ गते तीजको दिन बिहान ६ बजेपछि पशुपतिनाथ मन्दिरमा पुरूष तीर्थालुलाई प्रवेश निषेध गरिने पनि कोषले जनाएको छ ।
परिसरमा प्रवेश गर्न चार मुख्य प्रवेशद्वार तीर्थयात्रीलाई सहज बनाउन कोषले नयाँ लाइन प्रणालीको व्यवस्था गर्न लागेको हो । परिसरमा प्रवेश गर्न चारवटा मुख्य प्रवेशद्वार रहने कोषले जनाएको छ ।
१. भक्तजनले तिलगंगा पर्यटक टिकट काउन्टरको राममन्दिर–आर्यघाट क्षेत्रको पूर्वी ढोकाबाट पशुपतिनाथ मन्दिरमा प्रवेश गर्न सक्नेछन् ।यहाँबाट प्रवेश गर्ने भक्तजनको जुत्ता र चप्पल आर्यघाट जाने वाग्मती नदीमाथिका दुई पुल पार गरेपछिको मध्य क्षेत्रमा राख्ने व्यवस्था मिलाइएको छ । यस क्षेत्रमा जुत्ता र चप्पल सुरक्षित राख्न जयवागेश्वरी टोल सुधार समितिले स्वयंसेवकको भूमिका निर्वाह गर्नेछ ।
२. दोस्रो प्रवेशद्वार मित्रपार्क क्षेत्रबाट रहेको छ । यहाँबाट प्रवेश गर्ने भक्तजनको जुत्ता र चप्पल शंकराचार्य मठ अगाडिको क्षेत्रमा राख्न सकिन्छ । पशुपति क्रिएटिभ युथ क्लबले भक्तजनलाई जुत्ता र चप्पल सुरक्षित राख्न सहयोग गर्ने जिम्मेवारी लिएको छ ।
३. तेस्रो प्रवेशद्वार गौशाला-पिंगलस्थान-पञ्चदेवल क्षेत्रबाट हुनेछ। यस प्रवेशद्वारबाट प्रवेश गर्ने भक्तजनको जुत्ता र चप्पल बज्रघर अगाडि राखिनेछ । यस ठाउँको जुत्ता र चप्पलको व्यवस्थापनको जिम्मेवारी अमर नवकान्तेश्वर युवा क्लबले लिएको छ ।
४. चौथो प्रवेशद्वार गुह्येश्वरी–उमाकुण्ड–कैलाश दक्षिण खण्डबाट हुनेछ । यस मार्गबाट प्रवेश गर्ने भक्तजनको जुत्ता गुरु मन्दिर अगाडिको खुला ठाउँमा राखिनेछ । यस क्षेत्रमा जुत्ता र चप्पल सुरक्षित राख्ने जिम्मा नवरथ स्काउट समूहले लिएको छ ।
प्रधानमन्त्री शेर बहादुर देउवाले आज बुटवल अन्तर्राष्ट्रिय सम्मेलन केन्द्रको उद्घाटन गर्नुभएको छ।
नेपाली सेनाको हेलिकप्टरबाट बुटवल पुग्नुभएका प्रधानमन्त्री देउवाले आज एक औपचारिक समारोहबीच सम्मेलन केन्द्रको उद्घाटन गर्नुभएको हो। प्रधानमन्त्रीसँगै गृहमन्त्री बालकृष्ण खांड, शहरी विकास मन्त्री मेटमणि चौधरी ,एमाले नेता विष्णु पौडेल र रामकुमारी झाँक्री लगायतको उपस्थिति रहेको छ।
रामनगरस्थित बुटवल मण्डपको ९ बिघा जमिनमा बनाइएको अन्तर्राष्ट्रिय सम्मेलन केन्द्रको मुख्य हलमा बालकोनी ४ सय सिट र तल्लो तहको ३ सय सिट गरि १ हजार सिट क्षमताको रहेको छ। मुख्य हल सहित गोष्ठी र सेमिनारको लागि बनाइएको अन्य १२ वटा हाल गरेर सम्मेलन केन्द्रको कुल सिट क्षमता २७ सय सिट रहेको छ।
१ अर्ब ११ करोडको लागतमा निर्माण गरिएको अन्तर्राष्ट्रिय सम्मेलन केन्द्रमा ५ वटा प्रवेशद्वार रहेका छन् भने, एउटा हेलिप्याड सहित ४ सय वटा चारचक्के गाडी र ४ सय वटा मोटरसाइकल पार्किङ गर्न मिल्ने व्यवस्था रहेको छ।
नेपाली साहित्य क्षेत्रका एक अजर-अमर व्यक्तित्व मोतीराम भट्टको आज १५६ औँ जन्म जयन्ती। कुशे औँसीको दिन जन्मनुभएकोले हरेक वर्ष कुशे औंसीको दिन साहित्यकार मोतीराम भट्टको स्मृतिमा मोती जयन्ती मनाउने गरिन्छ।
१९२३ साल, भाद्र २५ गते कुशे औँसीका दिन पिता दयाराम भट्ट र माता रिपुमर्दिनी देवीको कोखबाट काठमाडौँको भोसिको टोलमा मोतीराम भट्टको जन्म भएको थियो ।
दरबार हाइस्कुलमा पढ्दा पढ्दै ६ वर्षको कलिलो उमेरमा भारत पुगेका भट्टले भारतको बनारसमा आफ्नो अध्ययनलाई निरन्तरता दिनुभयो। १५ वर्षको उमेरमा नेपाल फर्कनु भएका भट्टले आफ्नो छिमेकी खड्ग दत्त पाण्डेको बिहेमा भानुभक्त आचार्यले वाचन गर्नुभएको कबिता सुनेपछि भानुभक्तका कबिता र कृतिहरूको बारेमा खोज अनुसन्धान सुरु गरेर त्यसलाई जनमानसमा उजागर गर्ने प्रयास गर्नुभएको थियो।नेपाली साहित्यमा भानुभक्तलाई चिनाउनुमा उहाँको ठुलो योगदान रहेको छ।
उहाँले ”कवि भानुभक्तको जीवन चरित्र” भानुभक्त आचार्यको जीवनी लेख्नुभयो, जसले आचार्यलाई नेपाली भाषाको प्रथम कवि (आदि कवि)को रूपमा स्थापित गर्नमा महत्वपूर्ण भूमिका खेलेको थियो। नेपालको राष्ट्रिय विभूति मानिएका भट्टलाई युवा कविको उपाधि समेत दिइएको थियो। नेपाली साहित्यको १९४० देखि १९४८ सम्मको अवधिलाई मोतीराम युग भनेर पनि भन्ने गरिन्छ।
भट्टलाई नेपाली साहित्य क्षेत्रमा कवि, गायक, निबन्धकार र प्रकाशकको रुपमा चिनिन्छ। उहाँलाई नेपाली साहित्यको पहिलो जीवनीकार र साहित्यिक समीक्षक पनि मानिन्छ। उहाँलाई नेपालको पहिलो गजलकार पनि मानिन्छ।
यता हेर्यो यतै मेरा नजरमा राम प्यारा छन् ।
उता हेर्यो उतै मेरा नजरमा राम प्यारा छन् ।।
गायकीको हिसाबले यो गज़ल नै नेपालको पहिलो गजल मानिन्छ। तर वाचनका हिसाबमा कहिँ कतै यो गजललाई पनि पहिलो भनेर भन्ने गरेको पाइन्छ।
दुई आँखी भौं त तयार छन् तरबार पो किन चाहियो
तिमि आँफै मालिक भै गयौ सरकार पो किन चाहियो।।
बहुभाषिक भट्ट नेपालीका साथसाथै संस्कृत, फारसी, अंग्रेजी,बंगाली, उर्दू र नेपाल भाषामा पनि निपुण हुनुहुन्थ्यो। भानुभक्तको जीवन चरित्र,शकुन्तला, प्रियःदर्शिका,मनोवेग प्रवाह, गजेन्द्र मोक्ष, प्रह्लाद भक्ति कथा लगायत उहाँका करिब २ दर्जन कृतिहरु प्रकाशित छन्।
१५ वर्षको उमेरमा नेपालमा आएर विवाह गरेको १ बर्षपछि उच्च शिक्षाको लागि भट्ट पुन: बनारस फर्किनुभयो। उहाँले भारतमै रहेर पनि गोर्खा भारत जीवन नामक नेपाली पत्रिकाको प्रकाशन गर्नु भएको थियो। त्योबिचमा, भट्ट पटक-पटक नेपाल आउने जाने गरिरहनुहुन्थ्यो। १९५२ मा भारत जाँदा बिरामी भएपछी नेपाल फर्कनुभएका भट्टको एक वर्षपछि १९५३ मा निधन भएको थियो। उहाँको अन्तिम संस्कार पशुपतिको आर्यघाटमा गरिएको थियो।
काठमाडौं, ललितपुर र भक्तपुरसहितका जिल्लालाई समेटर राष्ट्रिय स्वतन्त्र पार्टीले खुला मञ्चमा आज दिउँसो १ बजे उपत्यका भेला गर्ने भएको छ।
उक्त भेलाले उपत्यकाभित्रका ३ वटै जिल्लाका समितिहरू गठन गर्ने र परिवर्तनकाे लहरलाई स्थापित गर्न चाहने आकांक्षी उम्मेदवारले सोही मञ्चबाट पहिलो पटक बोल्ने राष्ट्रिय स्वतन्त्र पार्टीले जनाएको छ।
असार ७ गते राष्ट्रिय सभागृह काठमाडौंबाट पार्टी स्थापनाको घोषणा गरेर देश दौडाहामा निस्किएका पार्टीका अध्यक्ष रबी लामिछानेले अहिले राष्ट्रिय स्वतन्त्र पार्टीबाट उम्मेद्वारी दिन चाहने उम्मेद्वारहरुको खोजी अभियानलाई पनि तिब्रता साथ अगाडी बढाइरहनुभएको छ । ”हामी खुलामञ्च मा सभा मात्र होइन, एउटा सुनौलो युगको सुरुवात गर्न चाहन्छौं। युवा को युग , सक्षमहरु को युग र नयाँ राजनीतिक संस्कारको युग स्थापना गर्न चाहन्छौँ ” भन्दै ,आजको सभामा उपस्थित हुन सबैलाई अध्यक्ष लामिछानेले आग्रह गर्नुभएको छ।
उपत्यका भेलामा प्रदेश सांसद बिराज भक्त श्रेष्ठ, वातावरणविद डा. अरनिको पाँडे, सत्याग्रही अभियन्ता पुकार बम, युवा नेता डा. प्रणय शम्शेर राणा , शिक्षाविद शिशिर खनाल लगायतले सम्बोधन गर्ने कार्यक्रम रहेको छ।
वैदिक सनातन हिन्दु धर्म संस्कृतीमा कुशलाई जप स्नान गर्दा, दान गर्दा, पूजा- पाठ गर्दा र हरेक देव कर्म र पितृ कर्ममा निकै महत्वपूर्ण रअनिवार्य वनस्पतिको रुपमा प्रयोग गरिन्छ। आजको दिन हरेक नेपालीले आफ्नो घरमा कुश राख्ने गर्दछन।आफ्नो घरको मूल ढोका अगाडी कुश राख्नाले खराब शक्तिहरु नष्ट हुने विश्वास रहिआएको छ। त्यसैले आजको दिनलाई कुशे औँसी पर्व पनि भनिन्छ । आयुर्वेद शास्त्रले औषधिको रुपमा प्रयोग गर्ने गरेको कुश विज्ञानले पनि औषधिको रुपमा प्रमाणित गरिसकेको छ।कुशले सम्पूर्ण विकिरण परावर्तन गर्छ भन्ने कुरालाई पनि विज्ञानले प्रमाणित गरिसकेको छ। वैदिक सनातन धर्म संस्कारमा कुशको औंठी र जनैको निकै महत्व रहेको छ।
बुबाको मुख हेर्ने दिन कुशे औँसीलाई बुबाको मुख हेर्ने दिन पनि भनिन्छ । नेपालीहरु आजको दिनलाई पिताको सम्मान, सम्झना अनि विशेष समर्पण गर्ने दिनको रुपमा मनाउने गर्दछन । आज छोरा-छोरीले आफ्नो पिताको मुख हेरेर मिठाई, फलफूल, कपडा आदि उपहार दिने गर्दछन्। पिता नहुनेहरुले आज विभिन्न धार्मिक पीठ, देवालय वा पवित्र तीर्थस्थल पुगेर स्नान गरी, पितृहरूको नाममा श्राद्ध गरेर तर्पण दिने र सीधा दान गरेर आध्यात्मिक चिन्तनबाट आफ्नो पितालाई सम्झिएर उनको आत्माको शान्तिको कामना गर्दछन।
चीनको राष्ट्रिय रक्षा मन्त्रालयका प्रवक्ता कर्नेल तान केफेईले चीन र भारत बिचको सीमा विवादमा तेस्रो पक्षको कुनै पनि प्रकारको बाह्य हस्तक्षेप स्वीकार्य नहुने बताएका छन्।
विवादित चीन-भारत सीमा क्षेत्रमा अमेरिकी र भारतीय सेनाले संयुक्त सैन्य अभ्यास सुरु गरेको घटनाप्रति लक्षित गर्दै चिनियाँ रक्षा मन्त्रालयले सो कदमको विरोध गरेको हो।
भारतीय सञ्चार माध्यमका अनुसार,भारत-अमेरिका संयुक्त विशेष बल अभ्यास को १३ औं संस्करण “पूर्व वज्र प्रहार २०२२ “, हिमाचल प्रदेशको बाक्लोहको विशेष बल प्रशिक्षण स्कूलमा अगस्त ८ देखि सुरु भएको छ र यो करिब २० दिनसम्म चल्नेछ।
त्यसैगरी,दुई देशका सेनाले अक्टोबरको मध्यमा औलीमा १०,००० फिटको उचाइमा पुन:संयुक्त सैन्य अभ्यास गर्ने छन्, जुन विवादित चीन-भारत सीमा क्षेत्रबाट १०० किलोमिटरभन्दा कम दूरीमा रहेको छ।
भारत-अमेरिका संयुक्त सैन्य अभ्यासलाई चीनले नजिकबाट नियालिरहेको जनाएको छ। चीनले सम्बन्धित देशहरू बीचको सैन्य सहयोग विशेष गरी अभ्यास र तालिम गतिविधिहरू तेस्रो पक्षलाई लक्षित नगरी क्षेत्रीय शान्ति र स्थायित्वका लागि उपयुक्त हुनुपर्ने जनाएको छ।
तानले चीन र भारतले सबै तहमा प्रभावकारी सञ्चार कायम राखेको र द्विपक्षीय वार्तामार्फत विवादलाई सही ढंगले समाधान गर्न सहमत भएको टिप्पणी गर्दै,सन् १९९३ र १९९६ मा चीन र भारतबीच भएका सान्दर्भिक सम्झौताको मर्मअनुसार दुवै पक्षले वास्तविक नियन्त्रण रेखा नजिकका क्षेत्रमा एकअर्काविरुद्ध सैन्य अभ्यास गर्न नपाइने उल्लेख गरेका छन् । उनले दुई देशका नेताबीच भएका महत्वपूर्ण सहमतिको कडाइका साथ पालना गर्न, द्विपक्षीय वार्ताबाट सीमा समस्या समाधान गर्ने आफ्नो प्रतिबद्धतालाई सम्मान गर्न र सीमा क्षेत्रमा शान्ति कायम गर्न ठोस कदम चाल्न भारतीय पक्षलाई आग्रह समेत गरेका छन्
आगामी मंसिर ४ गते हुने प्रतिनिधिसभा र प्रदेशसभा सदस्य निर्वाचनका लागि नेपाली कांग्रेसले एक साताभित्र उम्मेदवारको नाम सिफारिस गर्न तल्लो तहलाई निर्देशन दिएको छ। ।
पार्टीको विधानबमोजिम प्रत्यक्षतर्फ सहमति नभए बहुमतको प्रक्रियाबाट बढीमा तीन जना र समानुपातिकतर्फ बढीमा दुई जनाको नाम भदौ १६ गतेसम्म निर्णय गरी, २० गतेभित्र केन्द्रमा पठाउन निर्देशन दिएको छ।
०७४ का समानुपातिक सांसद दोहोरिन नपाउने।
पार्टीले उम्मेदवारको नाम सिफारिस गर्न निर्देशन दिंदै गर्दा, यस अघि २०७४ को निर्वाचनमा समानुपातिकबाट निर्वाचित सांसदहरुले भने यस पटक पुन: समानुपातिक तर्फ उम्मेद्वारी दिन नपाउने भएका छन्।
नेपाली कांग्रेसले यस अघि २०७४ को निर्वाचनमा समानुपातिकतर्फ निर्वाचित प्रतिनिधिसभा सदस्य र प्रदेश सभा सदस्यहरूले दोहोरिएर उम्मेदवार बन्न नपाउने निर्णय गर्दै, दोहोर्याएर उम्मेदवारको सिफारिस नगर्न तल्ला तहलाई निर्देशन दिएको हो ।
कांग्रेसको विधानले, धारा ३३ (२) बमोजिम एकपटक समानुपातिकतर्फ निर्वाचित सदस्यले पुनः सोही निर्वाचन प्रणालीमा उम्मेदवार नै बन्न नपाउने व्यवस्था गरेको छ।
त्रिपुरेश्वरस्थित राहदानी विभागले आफ्नो भवनको अण्डरग्राउण्ड एरिया आइतबार देखि सेवाग्राहीको सवारी पार्किङका लागि खुल्ला गर्ने भएको छ ।
काठमाडौं महानगरपालिकाले शुक्रबार विभागको अण्डरग्राउण्ड एरियामा रहेको कुर्सीहरु हटाइदिएपछि विभागले एक सूचना जारी गर्दै, भवनको अण्डरग्राउण्ड एरिया आइतबार देखि सेवाग्राहीको सवारी पार्किङका लागि खुल्ला गरिने जानकारी दिएको हो।
यस अघि विभागले सो एरिया सेवाग्राहीलाई होल्डिङ एरियाको रुपमा प्रयोग गर्दै आएको थियो। विभागमा सेवा लिन आउने सेवाग्राहीहरुले विभाग अगाडिको सडकमा पार्किङ्ग गर्न थालेपछि ट्राफिक व्यवस्थापनमा समस्या भएको भन्दै महानगरले होल्डिङ्ग एरिया खालि गराएको हो।
महाभियोग सिफारिस समितिले आज एक सार्वजनिक सूचना जारी गर्दै,निलम्बित प्रधानन्यायाधीश चोलेन्द्र शमशेर जबराका विरुद्धमा कुनै प्रमाण, कागजात वा जानकारी भए ३ दिनभित्र उपलब्ध गराउन आग्रह गरेको छ।
समितिले जबराविरुद्धको महाभियोग प्रस्तावमाथि अध्ययन सुरु गरेलगत्तै प्रमाण सङ्कलनको प्रक्रियालाई पनि अगाडी बढाएको देखिन्छ। महाभियोग सिफारिस समितिले जारी गरेको सूचनामा,” प्रतिनिधि सभाबाट गठित महाभियोग सिफारिस समितिको मिति २०७९/५/८ को बैठकले ‘महाभियोग लगाइएको आरोपसँग सम्बन्धित विषयमा प्रमाण, कागजात तथा जानकारी समितिमा उपलब्ध गराइदिन यस विषयमा सरोकार राख्ने निकाय वा व्यक्ति सबैबाट सार्वजनिक सूचना प्राकशन गरी त्यस्तो प्रमाण, कागजात तथा जानकारी माग गर्ने’ निर्णय भएकाले त्यस्तो प्रमाण, कागजात तथा जानकारी भए यो सूचना प्रकाशन भएको मितिले तीन (३) दिनभित्र यस समितिमा आइपुग्ने गरी पठाइदिनुहुन अनुरोध छ।” भनि उल्लेख गरिएको छ।
नेकपा एमालेका नेता घनश्याम भुसालले, एमालेको विरुद्धमा काँग्रेसले कम्युनिष्टलाई नै प्रयोग गरेको बताउनुभएको छ।
बिहीबारदेखि सुरु भएको पोलिटव्युरो बैठकमा अध्यक्ष ओलीलाई सम्बोधन गरेर लेखिएको, नेकपा एमालेको नेतृत्वमा राष्ट्रिय राजनीतिमा वाम वर्चस्वको पुनस्थापनाका लागि प्रस्ताव विषयक चार पृष्ठ लामो दस्तावेजमा भूसालले नेकपाको विभाजन हुँदा नेपाली काँग्रेसले एमालेको विरुद्धमा कम्युनिष्टलाई नै प्रयोग गरेको बताउनुभएको छ।
कम्युनिष्ट पार्टीको बहुमतले मात्रै गुमेको अवसरलाई फिर्ता गर्नसक्ने भन्दै सबै कम्युनिष्टहरु एक हुनुपर्ने र त्यसका लागि नेकपा एमालेले पहल गर्नुपर्ने पनि उहाँले बताउनुभएको छ। विभाजन कै कारण स्थानिय निर्वाचनमा पछि परेको उल्लेख गर्दै, छलफलका विषयलाई खुल्ला र विचारमा आधारित बनाउन, बदलाको मानसिकताबाट प्रभावित नहुन पनि उहाँले आग्रह गर्नुभएको छ।
नेपाल र केन्याबीच भएको पहिलो टी-२० अन्तर्राष्ट्रिय खेलमा ५ विकेटले नेपाल विजयी भएको छ ।
टस हारेर पहिले ब्याटिङ गरेको केन्याले निर्धारित २० ओभरमा ८ विकेट गुमाउँदै १३० रन जोड्न सफल भएको थियो। १३१ रनको लक्ष लिएर मैदानमा उत्रिएको नेपाली टोलीले १९.२ ओभरमा ५ विकेट गुमाएर १३३ रन जोड्न सफल भएको हो ।
नवनियुक्त प्रशिक्षक मनोज प्रभाकरको नेतृत्वमा पहिलो अन्तर्राष्ट्रिय खेल जितेसँगै नेपालले पाँच खेलको शृंखलामा १-० को अग्रता लिएको छ । केन्या भ्रमणमा रहेको नेपाली टोलीले ५ टि-२० र ३ एक दिवशीय श्रृंखला खेल्ने छ।
नेपाल हाल विश्व टि–२० अन्तर्राष्ट्रिय वरीयतामा १४ औं स्थानमा रहेको छ । सन् २०२४ को टि–२० विश्वकपमा आयोजक राष्ट्र बाहेक शीर्ष १२ वरीयतामा पर्ने राष्ट्रहरु विश्वकपका लागि छनौट हुनेछन्।
आगामी मंसिर ४ गते हुने निर्वाचनमा ८७ वटा राजनीतिक दलले भाग लिने भएका छन् ।
निर्वाचन आयोगले निर्वाचनमा भाग लिनका लागि ८७ वटा दलहरु दर्ता भएको जानकारी दिएको छ । त्यसमध्ये एकल रूपमा सहभागी हुने दलको संख्या ७५ रहेको छ भने,संयुक्त समूहमा सहभागी हुने दलको संख्या ४ वटा रहेको आयोगले जनाएको छ । आयोगका अनुसार प्रतिनिधिसभा निर्वाचनका लागि ७९ वटा निर्वाचन चिह्न रहने छ ।
त्यस्तै प्रदेशतर्फ सबैभन्दा बढी ७५ वटा दल सहभागी हुने भएका छन् ।जस अन्तर्गत वाग्मती प्रदेशसभा चुनावमा ७२ दलले भाग लिनेछन् भने प्रदेश १ मा ७०, गण्डकीमा ६६, लुम्बिनीमा ६८, कर्णाली र सुदूरपश्चिम प्रदेशमा ६४/६४ दल सहभागी हुने भएका छन् । प्रदेशतर्फ पनि संयुक्त समूहमा सहभागी हुने दलको संख्या ४/४ वटा रहेको आयोगले जनाएको छ ।
भूमिगत पार्किङ्गको स्थलमा संचालन गरिएको अवैध संरचना हटाउने अभियानको क्रममा सोमबार नगरपालिकाको कर्मचारी र प्रहरीको टोलिसहित ड्रिलिङ्ग मसिन बोकेर बानेश्वर क्षेत्र पुगेका मेयर बालेन शाहले बुधबार एकै दिन काठमाडौँ मल र आर बि कम्प्लेक्समा अवैध रुपमा संचालन गरिएको पसल र टहराहरु धमाधम डोजर नै लगाएर हटाइदिए।
महानगरपालिकाले ३५ दिने सुचना जारी गरेर अवैध रुपमा संचालन गरिएका पसल र नक्शा पास गर्दा उल्लेख गरिएको प्रयोजन बाहेक अन्य प्रयोजनमा लगाइएको संरचना हटाउन गरेको आग्रहलाई व्यवास्ता गरेपछि, बिहिबार मेयर शाहले बानेश्वरको अल्फा-बेटा कम्प्लेक्सले नक्शा पास गरे भन्दा बाहेक निर्माण गरिएको संरचनामा डोजर लगाइदिए।
अवैधानिक संरचना हटाउने क्रममा अल्फा-बेटाका घर धनि र मेयर शाह बीच भएको दोहोरो चर्काचर्कीको दृश्य एकाएक सामाजिक सञ्जालमा भाइरल बन्यो। अवैध संरचना हटाउन महानगरको टोली सहित बानेश्वर पुगेका मेयर साहलाई घर धनीले आफ्नो संरचना वैधानिक भएको र मेयर शाहलाई नै नक्शा देखाउन भनेपछि चर्किएको विवादमा मेयर शाहले तपाइको घरको नक्शा तपाइसंग हुन्छ कि म सँग भनि आक्रोशित मुद्रामा दिएको अभिव्यक्ति बारे केहि समय अगाडी उनि आफैले सामाजिक सञ्जालमा पोष्ट समेत गरेका छन्।
उहाँले आफ्नो नक्शा मलाई माग्नुभयो मैले अफिस गएर नक्शा र डोजर लिएर गएँ। मैले के बिराएँ ?
मेयर शाह अगाडी लेख्नुहुन्छ : अब उपरान्त यस्तो गर्न नपरोस। सबैले आँफै बुझेर अवैधानिक रुपमा बनाइएको संरचना हटाइदिनुहोला। नक्शा जसरि पास भएको छ ,त्यहि अनुसार बनाइदिनुहोला।
सत्तारुढ गठबन्धनले देशको सबै निर्वाचन क्षेत्रको अवस्था अध्ययन गरी प्रतिवेदन बुझाउन कार्यदललाई निर्देशन दिएको छ । प्रधानमन्त्री निवास बालुवाटारमा बसेको गठबन्धन बैठकले सबै १६५ निर्वाचन क्षेत्रको अवस्था अध्ययन गरी विस्तृत प्रतिवेदन पेश गर्न निर्देशन दिएको हो ।
बैठकपछि कांग्रेस नेता ज्ञानेन्द्रबहादुर कार्कीले गठबन्धनका शीर्ष नेताहरुले दिएको निर्देशन अनुसार कार्यदलले छलफल गरी नेतृत्वलाई प्रतिवेदन बुझाउने जानकारी दिनुभएको छ ।
शीर्ष नेताहरुले दिएको निर्देशन अनुसार आज ४ बजे बैठक बसेर समग्रमा छलफल गरी प्रतिवेदन बुझाउने निर्णय भएको र १६५ निर्वाचन क्षेत्रको वर्तमान अवस्थाबारे आधार तयार गरी विस्तृत प्रतिवेदन पेश गर्न कार्यदललाई निर्देशन दिइएको कार्कीले बताउनुभएको छ।
उपत्यकाको फोहोर विसर्जन र फुटपाथ व्यापारीलाई सडकबाट हटाउने विषयलाई लिएर तिव्र आलोचना र समस्या खेपेका काठमाडौँका मेयर बालेन्द्र शाहलाई,स्वतन्त्र उम्मेदवार एक्लैले केहि गर्न सक्दैन भन्नेहरुलाई यतिखेर बालेन चुनौतीको रुपमा देखिएका छन्।
काठमाडौं महानगरपालिकाले काठमाडौँ क्षेत्रमा बनेका अवैध संरचनाहरु हटाउने कार्यको थालनी गरेको छ। नक्सा पास नगरिएका र नक्शा पास गर्दा उल्लेख गरिएको प्रयोजन बाहेक अन्य प्रयोजनमा प्रयोग गरिएका संरचना हटाउने क्रममा बालेन सबैभन्दा पहिला, नर्भिक अस्पतालले नक्शा पास गर्दा र उल्लेख गरिएको प्रयोजन बाहेक अन्य प्रयोजनमा प्रयोग गरिएको भन्दै नर्भिक अस्पतालको संरचना हटाउन पुगे। तर अदालतले अन्तरिम आदेश जारी गर्दै महानागरको सो कार्यमा रोक लगाइदियो । यो बिचमा फेरी एक पटक उनको आलोचना गर्नेहरु एक कदम अगाडी सरेर ”देखिस त ?” भन्ने शैलीमा उनको विरोध गर्न निस्किए। तर केहि गर्छु भन्ने युवा जोशको साथ राजनीतिमा होमिएका बालेन यतिकैमा रोकिएनन्।
सोमबार नगरपालिकाको कर्मचारी र प्रहरीको टोलिसहित बानेश्वर क्षेत्र पुगेका बालेनले भूमिगत पार्किङ्गको स्थलमा संचालन गरिएको पसलहरु र अवैध संरचना हटाउने अभियानको सुरुवात गरे।
आर बि कम्प्लेक्समा बनेको अवैध संरचना हटाउँदै
महानगरपालिकाले ३५ दिन अगावै सार्वजनिक सूचना जारी गर्दै नक्सामा जुन प्रयोजनका लागि निर्माण गरिएको हो सोहीअनुसार प्रयोग नगरेको पाइएमा संरचना हटाउने बताएको थियो । तर महानगरपालिकाको सूचनालाई व्यवास्ता गरेर जबर्जस्ति रुपमा प्रयोग गरिँदै आएका त्यस्ता संरचनाहरुमा बुधबार भने महानगरले धमाधम डोजर नै चलाइदियो ।
काठमाडौँ महानगरपालिकाले बुधबार एकै दिन सुन्धारास्थित काठमाडौं मल अगाडिको र आर बि कम्प्लेक्स र रन्जना गल्लीमा बनाइएको अवैध संरचना डोजर लगाएर भत्काइदियो । त्यसपछि लगत्तै दरबारमार्ग पुगेका बालेनाले त्यहाँ रहेका अवैध संरचनामा संचालन गरिएका पसलहरु हटाउन निर्देशन समेत दिएका छन्।
काठमाडौँ मल अगाडिको अवैध संरचना हटाउँदै
महानगरको कदमले साना व्यापारीहरू मारमा परेका र साना व्यापारीहरूलाई मात्र निशाना बनाएको भन्ने गुनासोको जवाफमा उनले, कानुन सबैलाई समान रूपमा लागु गर्ने र महानगरपालिकाले जिल्ला अदालत काठमाडौंलाई समेत भवनको नक्सा पास भएको प्रमाण पठाउन पत्र काटेको जानकारी गराए । बालेनले,नक्सा पास नगरी बनाएको पाइए काठमाडौं जिल्ला अदालतको अवैध संरचना समेत भत्काउने भन्दै कानून ठूलोलाई लाग्ने सानोलाई नलाग्ने हुँदैन भन्नेकुरा बताएका छन्।
महानगरपालिकाको अनुसार १० हजार स्क्वायर फिटको संरचना निर्माण गर्दा नक्सामा बेसमेन्ट पार्किङ अनिवार्य गरिए पनि निर्माण सम्पन्न गरिसकेपछि ति संरचनाहरु अन्य प्रयोजनका लागि प्रयोग गरिने गरेको छ। महानगरपालिकाले यस्ता संरचनाको नियमित अनुगमन गर्ने र भूमिगत पार्किङ रहनु पर्ने स्थानमा संचालन गरिएको त्यस्ता पसलहरु हटाउने जनाएको छ ।
दलीय आबद्धता त्याग्न काठमाडौं महानगरका कर्मचारीलाई आग्रह
मंगलबार एक सूचना जारी गर्दै मेयर शाहले राजनीतिक दलसम्बन्धी ऐनले बहालवाला प्राध्यापक, शिक्षक वा कर्मचारीले कुनै पनि राजनीतिक दलको सदस्यता लिन नपाइने र महानगरपालिका कर्मचारी सेवा ऐनले पनि सो विषयलाई निषेध गरेका उल्लेख गर्दै कर्मचारीलाई दलीय आबद्धता त्याग्न आग्रह गरेका छन्।उनले,दलीय आबद्धता नत्यागेका कर्मचारीहरुलाई कानुन बमोजिम कारबाही गर्ने चेतावनीसमेत दिएका छन्।
मलेसियाका पूर्वप्रधानमन्त्री नजिब रजाकलाई अदालतले १२ वर्षको जेल सजाय सुनाएको छ।
६९ वर्षीय पूर्वप्रधानमन्त्रीमाथि राज्यको स्वामित्वमा रहेको सम्पत्ति कोष १ मलेशिया डेभलपमेन्ट बर्हाड (१एमडीबी) को भ्रष्टाचार आरोप लागेको थियो ।उनलाई जुलाई २०२० मा दोषी ठहर गरिएको भएपनि पुनरावेदनका क्रममा उनी जमानतमा छुटेका थिए।
२०२० मा अदालतद्वारा सात वटा मुद्दाहरूमा दोषी करार गरिएका रजाकले – कुल ४२ मिलियन रिङ्गिट (९.४ मिलियन अमेरिकी डलर ) एसआरसी इन्टरनेशनल – १एमडीबी को पूर्व इकाईबाट आफ्नो निजी खाताहरूमा सारेको बताइएको छ। उनलाई १२ वर्षको जेल र २१ करोड रिङ्गिट जरिवानाको सजाय सुनाइएको थियो।
नजिबकी श्रीमती रोजमाह मन्सुरलाई पनि सोलार हाइब्रिड परियोजनासँग सम्बन्धित छुट्टै मनी लान्ड्रिंग र कर छलीको आरोपमा अनुसन्धान अगाडी बढाइएको छ। उच्च अदालतले सेप्टेम्बर १ मा सो मुद्दामा अन्तिम फैसला सुनाउने छ।
कर्मचारी समायोजन सम्बन्धी मुद्दामा सर्वोच्च अदालतले अन्तिम फैसला सुनाएको छ ।
कर्मचारी समायोजन सम्बन्धी दायर गरिएको ९८ वटा मुद्दामा कामु प्रधानन्यायाधीश दीपककुमार कार्की, न्यायाधीशहरु विश्वम्भरप्रसाद श्रेष्ठ, अनिलकुमार सिन्हा, बमकुमार श्रेष्ठ र टंकबहादुर मोक्तानको संवैधानिक इजलासले आज अन्तिम फैसला सुनाएको हो ।दायर गरिएको कतिपय मुद्दा खारेज गरिएको छ भने कतिपय मुद्दामा निवेदकको माग अनुसार नै रिट जारी गरिएको छ ।
सर्वोच्चको आजको फैसलासँगै लोकसेवा आयोगलाई रोकिएका सबै विज्ञापनको परीक्षा सञ्चालन गर्ने बाटो खुलेको छ।
काठमाडौं महानगरपालिकाको फोहोर व्यवस्थापनलाई सहज बनाउन सहजीकरण तथा अनुगमन समिति गठन गरिने भएको छ ।
सहरी विकासमन्त्री मेटमणि चौधरीको संयोजकत्वमा बसेको बैठकले समिति गठन गर्ने निर्णय गरेको हो ।काठमाडौं, नुवाकोट र धादिङका प्रतिनिधिसभा सदस्यहरु पनि रहने गरि समिति निर्माण गरिने बताइएको छ।
समिति गठनबारे जानकारी दिँदै नेपाली काँग्रेसका नेता गगन थापाले उपत्यकामा फोहोर उठ्न थालेको र समस्या दोहोरिन नदिन सबैको सहयोग आवश्यक रहेको बताउनुभएको छ ।महानगरपालिकाले फोहोर व्यवस्थापनका लागि गर्नुपर्ने काम निरन्तर गरिरहेको र सहमति अनुसारको काम समयमै सम्पन्न गर्न सरकार र सम्बन्धित निकायसँग समान तहमा समन्वय र सहजीकरण गर्ने पनि उहाँले बताउनुभएको छ ।
काठमाडौं महानगरपालिकाले फुटपाथ व्यापारमा कडाई गर्न थालेपछि व्यापारीहरुले आज काठमाडौँ महानगरपालिकालाई ज्ञापन पत्र बुझाएर महानागरको कार्यालय अगाडि प्रदर्शन गरेका छन्।
उनीहरुले आज स्वतन्त्र राष्ट्रवादी स्वरोजगार श्रमिक संघर्ष समितिको नाममा ३ बुँदे माग सहित महानगरपालिकालाई ज्ञापन पत्र बुझाएका छन्।
सडक किनारमा स्वरोजगार गरिरहेका श्रमिकको अभिलेखीकरण गरी परिचयपत्र उपलब्ध गराउनुपर्ने , सडक स्वरोजगार श्रमिकलाई मापदण्ड बनाई व्यवस्थापन गर्नुपर्ने,विना विकल्प उनीहरुलाई विस्थापित गर्न नपाइने र प्रशासनको तर्फबाट भइरहेको अमानवीय व्यवहार बन्द गरी यसअघि भएको सम्झौता कार्यान्वयन हुनुपर्ने माग गर्दै आज उनीहरुले महानगरपालिकाको कार्यालय अगाडी प्रदर्शन गरेका हुन्।
पाकिस्तानका पूर्व प्रधानमन्त्री इमरान खानलाई सार्वजनिक र्यालीमा गरेको टिप्पणीप्रति प्रहरीले आतंकवाद विरोधी कानून अन्तर्गत मुद्दा दायर गरेपछि यतिबेला पाकिस्तानको राजनैतिक माहोल तातिएको छ।
पुर्व प्रधानमन्त्री खानका वकिलहरूले सोमबार इस्लामाबाद उच्च अदालतमा पूर्व गिरफ्तारी जमानतको लागि अपील गरेर खानलाई बिहीबारसम्म सुरक्षात्मक जमानत दिलाए पनि उनलाई राजधानीको आतंकवाद विरोधी अदालतमा उपस्थित गराउने सम्भावना भने बढेको छ।
इस्लामावादमा शनिबार साँझ आफ्नो चीफ अफ स्टाफ शाहबाज गिलको गिरफ्तारी र कथित यातनाको विरोध गर्दै खानले राज्य अधिकारीहरूलाई “धम्की” दिएको र कानुनलाई चुनौती दिएको आरोप लगाइएको छ। गिललाई देशको शक्तिशाली सेना विरुद्ध विद्रोह उक्साएको आरोप लागेपछि देशद्रोहको आरोप लगाइएको थियो।
खानले , प्रहरीले गिललाई हिरासतमा यातना दिएको र सेनाको बिरूद्ध आफ्नो पार्टीलाई खडा गर्ने “षड्यन्त्र” को हिस्सा भएको बताएका छन् ।
इस्लामाबाद प्रहरीले भने प्रहरीलाई धम्की दिने वा झूटा आरोप लगाउनेलाई कानून अनुसार कारबाही गरिने जनाएको छ।
पाकिस्तानका मन्त्री राणा सनाउल्लाहले पनि सरकारले पूर्व प्रधानमन्त्रीलाई उनको “उत्तेजक भाषण” को लागि मुद्दा दायर गर्ने तयार गरेको बताएका छन्।
जनता समाजवादी पार्टीका अध्यक्ष उपेन्द्र यादवले मधेस प्रदेशका मुख्यमन्त्री लालबाबु राउतको राजीनामा मागेका छन् ।
मुख्यमन्त्री स्वच्छता अभियान र बेटी बचाऊ, बेटी पढाऊ अभियानमा अनियमितता भएको र सो विषयमा अख्तियारले नै भ्रष्टाचार मुद्दा अगाडि बढाएको भन्दै उनको राजिनामा माग गरिएको हो।
साइकल खरिदमा १० करोड ३३ लाख रुपैयाँ भ्रष्टाचार भएको ठहर गर्दै अख्तियार दुरुपयोग अनुसन्धान आयोगले, मुख्यमन्त्री कार्यालयका तत्कालीन प्रदेश सचिव यामप्रसाद भुसाल, उपसचिव दिलीपकुमार प्रधान, सिनियर डिभिजनल इन्जिनियर भगवान झा, अधिकृत आठौँ तहका सुरेन्द्रकुमार कर्ण, सहलेखापाल राजाराम मण्डल, भण्डार शाखा प्रमुख स्वार्थ महतो, भण्डार शाखाका खरिदार मोहनकुमार दास र ओम सत्य साई प्रालिका प्रबन्ध निर्देशक रेनु अग्रवाल विरुद्ध विशेष अदालतमा भ्रष्टाचार मुद्दा दायर गरेको छ।भ्रष्टाचार सम्बन्धि मुद्दामा मुख्यमन्त्री राउत र प्रमुख सचिवलाई उन्मुक्ति दिएको भन्दै अख्तियारमाथि प्रश्न समेत उठाइएको छ ।
अख्तियारले अनुसन्धान सुरु गरेपछी मुख्यमन्त्री स्वच्छता अभियान अन्तर्गत झण्डै ३ करोड रुपैयाँ खर्चेर बनाएको ३२ वटा योजनाको विस्तृत योजना प्रतिवेदन (डीपीआर) फाइल र साइकल खरिद सम्बन्धी फाइलसमेत कार्यालयबाट गायब गराइएको छ।
पूर्व राष्ट्रपति ट्रम्प र उनको कानूनी टोलीले मार-ए-लागोमा छापा मार्दा एफबीआईले जफत गरेको अभिलेखको स्वतन्त्र समीक्षाको माग गर्दै सोमबार साँझ मुद्दा दायर गरेको छ। २०२२ को मध्यावधि चुनावको अघि आफ्नो निवासमा छापा मारेर रिपब्लिकन पार्टीको प्रमुख आवाजलाई कम गर्ने उद्देश्यले राजनीति गरिएको ट्रम्पले बताएका छन्। फ्लोरिडाको अदालतमा दायर गरिएको २७ पृष्ठको कागजातमा, राष्ट्रपति ट्रम्पलाई फेरि उम्मेदवार हुनबाट रोक्ने प्रयास स्वरुप छापा मारिएको र कानुनलाई राजनीतिक उद्देश्यका लागि हतियारको रूपमा प्रयोग गर्न नहुने उल्लेख गरिएको छ।
फ्लोरिडाको दक्षिणी जिल्लाको लागि अमेरिकी जिल्ला अदालतमा सोमबार साँझ दायर गरिएको प्रस्ताव अनुसार, ट्रम्प र उनको कानुनी टोलीले खोजीका क्रममा प्राप्त अभिलेखहरूको समीक्षा गर्न विशेष व्यक्तिको नियुक्त गर्न आदेश माग गरेका छन्। विशेष व्यक्ति नियुक्त नगरेसम्म सरकारले जफत गरिएका सामग्रीहरूको थप समीक्षा गर्न रोक लगाउन र सरकारले जारी गरेको वारेन्टको दायरा भित्र नभएको कुनै पनि वस्तु फिर्ता गर्न माग गरेको छ।
न्याय विभाग (डीओजे) ले भने एक संक्षिप्त बयानमा ट्रम्पको मुद्दा बारे सम्बन्धित व्यक्ति र निकायहरु सचेत रहेको र यस विषयमा अदालतमा जवाफ दिने बताएको छ । मार्-ए-लागोमा छापा मार्न जारी गरिएको वारेन्टलाई संघीय अदालतले सम्भावित कारणको आधारमा अनुमति दिएको पनि बताएको छ।
एफबीआईले ८ अगस्टमा ट्रम्पको फ्लोरिडा एस्टेटमा छापा मारेर एघारौं सेट क्लासिफाइड फाइलहरू जफत गरेको थियो थियो।
चार कम्युनिष्ट पार्टीको संयुक्त मोर्चाले आवह्रान गरेको नेपाल बन्दको प्रभावमा देशभर छिटफुट तोडफोडको घटना भएको छ। काठमाडौँ उपत्यकामा भने बन्दको प्रभाव सामान्य देखिएको छ। सुरक्षाको लागि चोकचोकमा प्रहरीहरु खटाइएको छ।
उपत्यकामा विहानैदेखि नीजि तथा सार्वजनिक सवारी साधनहरु र पसलहरु सञ्चालनमै रहेको भएपनि कोटेश्वरमा बन्दको अवज्ञा गरेको भन्दै महासागर यातायात र थापागाउँमा नेपाल यातायात गाडी तोडफोड गरेका छन् । काठमाडौंमा बन्द गराउँदै हिँडेका बन्दकर्ताहरुलाई प्रहरीले पक्राउ गरेको छ।
त्यसैगरी दाङको घोराही उपमहानगरपालिका–३ मा मंगलबार बिहानै रा १ ख १६९४ नम्बरको टिपरमा बन्दकर्ताले आगजनी गरेको जिल्ला प्रहरी कार्यालय, दाङले जानकारी दिएको छ। काभ्रेको बनेपास्थित चारदोबाटोमा नेपाल प्रहरी र बन्द गराउन निस्किएका बन्दकर्ताबीच घम्साघम्सी समेत भएको छ।
बन्दकै क्रममा बैतडी, धुलिखेल र कैलालीको गोदावरी नगरपालिका–१ अत्तरियास्थित मोहनापुल अत्तरिया ६ लेन सडकखण्ड र पूर्वपश्चिम राजमार्ग अन्तर्गत हरैया शिविर नजिकै बम जस्तो देखिने शंकास्पद वस्तु फेला परेको छ।
नेत्रविक्रम चन्द विप्लव नेतृत्वको नेपाल कम्युनिष्ट पार्टी, ऋषि कट्टेल नेतृत्वको नेपाल कम्युनिष्ट पार्टी, आहुति नेतृृत्वको वैज्ञानिक समाजवादी कम्युनिष्ट पार्टी र कर्णजित बुढाथोकी नेतृत्वको नेकपा माओवादी समाजवादीले,देउवा नेतृत्वको गठबन्धन सरकारले एमसीसी सम्झौता गरेको,नेपाल कम्युनिष्ट पार्टीसँग भएको ३ बुँदे सहमतिको उलङ्घन गरेको,विप्लवल गायतका नेता कार्यकर्ताहरु विरुद्ध पक्राउ पुर्जी जारी गरेको लगायतका विषयहरुको विरुद्धमा बन्दको आवह्रान गरेका हुन् । चार कम्युनिष्ट पार्टीको संयुक्त मोर्चाले श्रावण २७ गते नै विज्ञप्ति जारी गरेर पूर्वनिर्धारित कार्यक्रम अन्तर्गत बन्दको आहवान गरेको थियो।
महाअभियोग सिफारिस समितिको बैठक आज दिउँसो २ बजे बस्ने तय भएको छ ।
महाअभियोग सिफारिस समितिका ज्येष्ठ सदस्य रामबहादुर विष्टका अनुसार आजको बैठकमा यसअघिको बैठकमा वितरण भएको समितिको आन्तरिक कार्यविधि पास गर्ने र प्रधानन्यायाधीश चोलेन्द्रशमशेर जबारामाथिको अध्ययन कार्यतालिका पेश गर्ने कार्यसूची रहेको छ ।
बैठकमा समितिको सभापति चयनको विषय र महाअभियोग उपर कुन दिन के गर्ने, कति दिनमा सक्ने भन्ने बारे छलफल हुने बताइएको छ ।
जिम्मेवारीविपरीतका कार्य गरेको,न्यायालयमा विचलन ल्याएको लगायतका २१ वटा आरोपहरु लगाउँदै गठबन्धन दलका ९८ जना सांसदहरुले हस्ताक्षर गरेर फागुन १ गते प्रतिनिधिसभामा जबरा विरुद्ध महाभियोग दर्ता गरेका थिए।
दर्या डुगिनाको हत्यामा युक्रेनको स्पेसल सर्भिसले कार बम विष्फोट गराएको रुसले आरोप लगाएको छ।
एफएसबीले युक्रेनी नागरिक नताल्या भोभकले हत्या गरेको र त्यसपछि इस्टोनिया भागेको बताएको छ ।
रुसको खुफिया एजेन्सीले कथित हत्याराको सिसिटिभी फुटेज र सैन्य आईडी सार्वजनिक गर्दै उनी युक्रेनको अजोभ रेजिमेन्टको भएको जनाएको छ।
अलेक्ज्याण्डर डुगिनकी २९ वर्षीय छोरी डुगिनाको टोयोटा ल्यान्ड क्रुजरमा राखिएको रिमोट-नियन्त्रित विस्फोटक पदार्थ विस्फोट हुँदा शनिबार उनको मृत्यु भएको थियो।
“पुटिनको मस्तिष्क” भनेर चिनिने रुसी दार्शनिक अलेक्ज्याण्डर डुगिनको हत्या गर्ने उद्देश्यले सो विस्फोट गराइएको हुनसक्ने अनुमान गरिएको छ।
सात सर्बियाली दूतावास र अमेरिकामा रहेको वाणिज्य दूतावासको अकाउन्ट ट्विटरले “निलम्बित” गरेको बेलग्रेडको विदेश मन्त्रालयले जनाएको छ ।
अभिव्यक्ति स्वतन्त्रतालाई समर्थन गर्ने युरोपेली लोकतन्त्रको यस्तो सेन्सरशिप अस्वीकार्य रहेको भन्दै सर्बियाले ट्वीटरलाई अकाउन्टहरू अनब्लक गर्न आग्रह गरेको छ
आर्मेनिया, घाना, इरान, इन्डोनेसिया, कुवेत, नाइजेरिया र जिम्बाब्वेमा रहेका दूतावासहरूको अकाउन्ट “निलम्बित” गरिएको सर्बियाको विदेश मन्त्रालयले जनाएको छ ।सामाजिक नेटवर्कको नियमहरूको सम्भावित उल्लङ्घनको कुनै स्पष्टीकरण वा पूर्व सूचना बिना नै ट्विटरले यस्तो गरेको बताइएको छ।
सत्तारुढ प्रगतिशील पार्टीका १३ सांसदसहित १६ जना कुटनीतिज्ञको खाता पनि गत साता विना स्पष्टीकरण बन्द गरिएको र ट्विटरले निलम्बनका लागि सर्बियाली खाताहरूलाई लक्षित गरेको बताइएको छ।
काठमाडौं महानगरपालिकाले भूमिगत पार्किङबाट पसल हटाउने कार्यको थालनी गरेको छ ।
सोमबार, महानगरका मेयर बलेन्द्र शाहसहितको टोलीले बानेश्वर कम्प्लेक्स पुगेर भूमिगत पार्किङबाट पसल हटाएको छ ।
३५ दिनअघि महानगरले सार्वजनिक सूचना जारी गर्दै नक्सामा जुन प्रयोजनका लागि निर्माण गरिएको हो सोहीअनुसार प्रयोग नगरेको पाइएमा संरचना हटाउने बताएको थियो । १० हजार स्क्वायर फिटको संरचना निर्माण गर्दा नक्सामा बेसमेन्ट पार्किङ अनिवार्य गरिएको भवन विभागका प्रमुख सुरज शाक्यले बताउनुभएको छ । काठमाडौं महानगरपालिकाले बर्सेनि १० हजार स्क्वायर फिटभन्दा बढीका सयभन्दा बढी भवनको नक्सा पास गर्ने गरेको पनि शाक्यले बताउनुभएको छ ।
१० हजार स्क्वायर फिटभन्दा बढीका ती संरचनाहरूमा बेसमेन्ट पार्किङ आवश्यक छ,तर निर्माण सम्पन्न गरिसकेपछि त्यस्ता संरचनाहरु अन्य प्रयोजनका लागि प्रयोग भइरहेको महानगरले जनाएको छ। महानगरपालिकाले यस्ता संरचनाको नियमित अनुगमन गर्ने र भूमिगत पार्किङ रहनु पर्ने स्थानमा संचालन गरिएको त्यस्ता पसलहरु हटाउने जनाएको छ ।
निर्वाचन आयोगले आज राजनीतिक दलका प्रतिनिधिसँग निर्वाचन आचारसंहिताबारे छलफल गरेको छ।
आयोगले व्यवस्था गरेको निर्वाचन आचारसंहितामा संघीय सरकार, प्रदेश सरकार र स्थानीय कार्यपालिकाका पदाधिकारी र कुनै पनि मन्त्रीलाई मुख्य प्रचारकको रुपमा अनुमति नदिने बताएको छ।
त्यसैगरी सवारी साधन प्रयोग गर्दा अपनाउनु पर्ने आचरणमा, प्रतिनिधिसभा र प्रदेशसभा निर्वाचनका लागि प्रत्येक राजनीतिक दलका दुई मुख्य प्रचारकले मात्र हेलिकप्टर प्रयोग गर्न पाउने बताएको छ। त्यसको लागि दुईजना मुख्य प्रचारकको नाम आयोगमा बुझाउनुपर्ने र आयोगले अनुमति दिएको मुख्य प्रचारकले मात्र हेलिकप्टर सेवा प्रयोग गर्न पाउने बताएको छ।
प्रचारप्रसारका क्रममा कुनैपनि उम्मेदवारले निर्वाचन अधिकृतको स्वीकृति लिएर सम्बन्धित निर्वाचन क्षेत्रमा दुई पाङ्ग्रे वा तीन पाङ्ग्रे वा चार पाङ्ग्रे विधुतीय तथा यान्त्रिक सवारी प्रयोग गर्न सक्ने बताएको छ। सवारी साधन नचल्ने ठाउँमा बढीमा चारवटा घोडा प्रयोग गर्न सकिने र प्रचारका क्रममा ‘विदेशी नम्बर प्लेट भएका सवारी साधनलाई अनुमति नदिइने जनाएको छ।
उम्मेदवारको नाममा अनुमति लिएको सवारी साधन अन्य दल वा उम्मेदवारले प्रयोग गर्न नहुने र उम्मेदवारले परयोग गर्ने सवारीमा मतदाता ओसारपसार गर्न नपाइने व्यवस्था गरेको छ ।
निर्वाचन आयोगले चुनाव प्रचारप्रसारमा २५ जनाभन्दा बढी व्यक्ति सहभागी हुन नपाउने प्रस्ताव समेत अघि सारेको छ ।
मनोनयनपत्र दर्ता गर्दा नै आफ्नो सम्पती विवरण बुझाउनुपर्ने
त्यसैगरी अनुमानीत चुनावी खर्च र स्रोतका बारेमा मनोनयनपत्र दर्ता गर्दा नै जानकारी गराउनुपर्ने जनाएको हो । उम्मेदवारहरुले मनोनयनपत्र दर्ता गर्दा नै आफ्नो सम्पती विवरण र व्यक्तिगत विवरण बुझाउनुपर्ने व्यवस्था समेत आयोगले गर्न लागेको छ ।
बलात्कारबाट जन्मिएको छोरा र बलात्कार आरोपी शिवराज श्रेष्ठको डीएनए परीक्षणको माग गर्दै आएकी निहारिका राजपुत (सोनालीकुमारी सिंह) ले आफ्नो अनसन तोडेकी छिन्।
१७ दिनदेखि अनसनरत निहारिका राजपुत ले सरकारसँग ३ बुँदे सहमति गरेर आफ्नो अनसन तोडेकी हुन् ।कानून,न्याय तथा संसदीय मामिला मन्त्रि गोबिन्द प्रसाद कोइरालाको उपस्थितिमा काठमाडौँका प्रमुख जिल्ला अधिकारी गोबिन्द प्रसाद रिजाल र निहारिकाबीच भएको सहमति अनुसार, उच्च अदालत जनकपुरमा विचाराधीन मुद्दाको डीएनए परीक्षण गर्न अदालत समक्ष जाहेरवालाको तर्फबाट सरकारी वकिलले माग गर्ने सहमती भएको छ।
त्यसैगरी ,डीएनए परीक्षणलाई विश्वसनीय बनाउन अदालत समक्ष आवश्यक प्रक्रिया अपनाउन माग गरिने भएको छ र यी माग पूरा भएसँगै निहारिकाले १७ दिनदेखि गरिरहेको अनशन तोड्ने सहमती पत्रमा उल्लेख गरिएको छ।
जिल्ला अदालत धनुषाले बलात्कार आरोपी श्रेष्ठलाई सफाइ दिएको भन्दै यसघि निहारिकाले उच्च अदालतमा दायर गरेको मुद्दाको पेसी यही भदौ ८ गतेलाई तोकिएको छ।
निहारिकाले बलात्कारको आरोप लगाएका श्रेष्ठलाई प्रहरीले केहि दिन अघि अभद्र व्यवहारको आरोपमा पक्राउ गरेर थुनामा राखेको छ।
आगामी प्रतिनिधिसभा र प्रदेशसभा निर्वाचनका लागि निर्वाचन आयोगले १० अर्ब रुपैयाँको बजेट प्रस्ताव गरेको छ ।
निर्वाचन आयोगले आगामी निर्वाचनको लागि १० अर्ब बजेट प्रस्ताव गरेर स्वीकृतिका लागि अर्थ मन्त्रालयमा पठाइएको जनाएको छ। निर्वाचनमा आवश्यक सामग्रीको खरिद प्रक्रिया पनि सुरु भइसकेको आयोगले जानकारी दिएको छ।
आयोगले निर्वाचन आचारसंहिता, २०७८ लाई परिमार्जन गर्न दलहरुसंग छिट्टै परामर्श गर्ने जनाएको छ भने अनुगमनका लागि अनुगमन निर्देशिका र पर्यवेक्षणका लागि पर्यवेक्षण निर्देशिका पनि जारी गर्ने तयारी गरेको आयोगले जनाएको छ।
सुन तस्करी सेटिङको आरोप लागेपछि गृहमन्त्री बालकृष्ण खाँणका पीएसओ (व्यक्तिगत सुरक्षा अधिकारी) प्रहरी वरिष्ठ नायव निरीक्षक (वरिष्ठ सई) टंक कार्कीलाई अनुसन्धानका लागि प्रहरी प्रधान कार्यालय तानिएको छ।
उनलाई जिम्मेवारीबाट हटाएर छानबिन थालिएको र सत्यतथ्य पत्ता लगाएर संलग्नता देखिए त्यहीअनुसार कारबाही हुने प्रहरी प्रधान कार्यालयले जानकारी दिएको छ।
कार्की उपर प्रहरी महानिरीक्षकको प्रत्यक्ष मातहतमा रहेको निरीक्षणालयले समिति बनाएर अनुसन्धान अघि बढाएको छ ।
कार्कीले दुबईबाट आएको तस्करीको सुन गन्तव्यसम्म पुर्याउने सेटिङ गर्ने गरेको र यसबापत उनले रकम लिने गरेको आरोप छ।
रुसका राष्ट्रपति भ्लादिमिर पुटिनका निकट सहयोगीकी छोरीको एक संदिग्ध कार बम विष्फोटमा मृत्यु भएको छ ।
रुसको अनुसन्धान समितिको अनुसार विस्फोटमा अलेक्ज्याण्डर डुगिनकी २९ वर्षीय छोरी दर्या डुगिनको मृत्यु भएको हो।
“पुटिनको मस्तिष्क” भनेर चिनिने रुसी दार्शनिक अलेक्ज्याण्डर डुगिनको हत्या गर्ने उद्देश्यले सो विस्फोट गराइएको हुनसक्ने अनुमान गरिएको छ।
अलेक्जेन्डर डुगिन र उनकी छोरी मस्को नजिकैको एक उत्सवमा सहभागी हुन गएका र साँझ उत्सवबाट एउटै कारमा फर्किने तय गरिएपनि अन्तिम मिनेटमा अलग्गै यात्रा गर्ने निर्णय गरेको बताइएको छ। उक्त कार उनको बुबा अलेक्ज्याण्डर डुगिनको रहेको बताइएको छ ।
अनुसन्धान समितिको अनुसार अहिले विज्ञहरुले घटनास्थलको निरीक्षण गरिरहेको र थप परीक्षणका लागि गाडीलाई घटनास्थलबाट हटाएको जनाएको छ । अनुसन्धान समितिले कारको ड्यास क्यामबाट रेकर्डिङ प्राप्त गरेको र दोषी पत्ता लगाउनको लागि अनुसन्धान जारी राखेको बताएको छ।
डुगिन आफ्नो कट्टर विरोधी पश्चिमी र ‘नव-युरेशियन’ विचारहरूको लागि परिचित छन्। पश्चिमाहरु डुगिनालाई रूसी राष्ट्रपतिको निकटका एक प्रमुख अति-राष्ट्रवादी विचारधाराका व्यक्ति भनेर व्याख्या गर्दछन । पश्चिमी सञ्चारमाध्यमले उनलाई राष्ट्रपति भ्लादिमिर पुटिनको विदेश नीतिका प्रमुख पक्षहरू पछाडिको प्रमुख शक्तिको रूपमा चित्रित गरेका छन्। यद्यपि, पश्चिममा उनको प्रतिष्ठाको बावजुद, रूसमा उनले कहिल्यै क्रेमलिनबाट आधिकारिक समर्थन पाएका छैनन् र धेरै हदसम्म उनी एक सीमान्त व्यक्ति मानिन्छन् ।
नेपाली कांग्रेसका स्वर्गीय नेता प्रदीप गिरीको पार्थिव शरीरलाई आज पशुपति आर्यघाटमा अन्त्येष्टि गरिएको छ।
घाँटीको क्यान्सरबाट पीडित गिरीको ७४ वर्षको उमेरमा उपचारको क्रममा शनिबार राती ९.३० बजे ललितपुरको मेडिसिटी अस्पतालमा निधन भएको हो ।
अन्त्येष्टि अघि प्रधानमन्त्री एवम् कांग्रेस सभापति शेरबहादुर देउवाले गिरिको पार्थिव शरीरमा पार्टीको झण्डा ओढाउनुभएको थियो भने, नेता गिरीलाई अन्तिम श्रद्धान्जली स्वरुप नेपाल प्रहरीले सलामी अर्पण गरेको थियो।
आगामी प्रतिनिधिसभा र प्रदेशसभा सदस्यको निर्वाचनमा उम्मेदवारी दिने दल र उम्मेदवारको मात्रै निर्वाचन चिह्न राखिने निर्वाचन आयोगले जनाएको छ।
गत वैशाख ३० गते भएको स्थानीय तहको निर्वाचनमा निर्वाचनका लागि दर्ता भएको दल र स्वतन्त्र उम्मेदवारका लागि समेत अतिरिक्त निर्वाचन चिह्न राखेर मतपत्र छपाइ गरिएको थियो ।
आयोगले उम्मेदवारी दिने उम्मेदवार र समानुपातिक प्रणालीतर्फ उम्मेदवारी दिने दलको निर्वाचन चिह्न मात्र समावेश गरेर मतपत्र छापिने जनाएको छ। स्थानिय तहको निर्वाचनमा दर्ता भएका दल र स्वतन्त्र उम्मेदवारको लागि समेत निर्वाचन चिह्न राखेर मतपत्र छाप्दा धेरै मत बदर भएकोले आगामी निर्वाचनमा उम्मेद्वारी दिने उम्मेदवारको चिन्ह मात्रै राखेर मतपत्र छापिने आयोगले बताएको छ।
आगामी निर्वाचनका लागि चार वटा अलग अलग मतपत्र, मतसंकेत गर्ने स्थान र मतपेटिकाको व्यवस्था गरिने आयोगले जानकारी दिएको छ।
सर्बिया र कोसोभो नेताहरू बीचको वार्ता असफल भएपछि अमेरिकी सेनाहरू उत्तरी कोसोभोमा पठाइएको बताइएको छ।
नेटोको नेतृत्वमा रहेको कोसोभो फोर्स (केएफओआर ) ले बेलग्रेड र प्रिस्टिनाबीच जारी तनावको बीचमा प्रान्तको उत्तरी भागमा आफ्नो गस्ती बढाएको छ। सर्बिया र कोसोभो बीचको सिमानामा दुईवटा चेकपोस्टहरूमा सेनाहरू उल्लेखनीय संख्यामा तैनाथ गरिएको छ भने आवश्यक भएमा केएफओआरले “हस्तक्षेप” गर्ने जनाएको छ।
बिहीबार सर्बियाका राष्ट्रपति अलेक्सान्डर भुकिक र कोसोभोका प्रधानमन्त्री अल्बिन कुर्तीबीचको वार्ता असफल भएपछी यो कदम चालिएको हो।
नेटो नेतृत्वको सैन्य बलले सबैलाई आश्वस्त पार्दै आवश्यक भएमा केएफओआरले हस्तक्षेप गर्न तयार रहेको बताएको छ । नेटोका महासचिव जेन्स स्टोल्टेनबर्गले कोसोभोको “स्थिरता” खतरामा परेको खण्डमा सैन्य समूहले कारबाही गर्ने वाचा गरेको तीन दिनपछि यो घटना भएको हो।
यता मस्कोले भने, पश्चिमले बेलग्रेड र प्रिस्टिना बीचको द्वन्द्वलाई उकास्न र सर्बियालाई रुस विरोधी प्रतिबन्धहरू अपनाउन दबाब दिएको आरोप लगाएको छ।
जल तथा मौसम विज्ञान विभाग,मौसम पूर्वानुमान महाशाखाका अनुसार हाल मनसुनको न्यून चापीय रेखा पश्चिमतर्फ सरदर स्थानमा र पूर्वतर्फ सरदर स्थानभन्दा दक्षिण दिशामा अवस्थित रहेको छ।
हाल देशभर आंशिक देखि सामान्य बदली रहेको छ। प्रदेश १ का केही स्थानहरुमा तथा बाँकी प्रदेशहरूका एक-दुई स्थानमा मेघ गर्जन/चट्याङ्ग सहित हल्का देखि मध्यम वर्षा भइरहेको छ।
२०७९ भदौ ५ गते (आइतबार)
दिउँसो : लुम्बिनी प्रदेश, कर्णाली प्रदेश र सुदूरपश्चिम प्रदेशमा सामान्य बदली रही अन्य प्रदेशहरूमा आंशिक देखि सामान्य बदली रहनेछ। देशका पहाडी भू-भागका केहि स्थानहरुमा र बाँकी भू-भागका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ।
राती : देशभर आंशिक देखि सामान्य बदली रहनेछ। बागमती प्रदेश, गण्डकी प्रदेश र लुम्बिनी प्रदेशका थोरै स्थानहरूमा तथा बाँकी प्रदेशका एक-दुई स्थानमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ।
२०७९ भदौ ६ गते (सोमबार)
दिउँसो : देशभर आंशिक देखि सामान्य बदली रहनेछ। देशका पहाडी भू-भागका केहि स्थानहरुमा र बाँकी भू-भागका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ ।
राती : देशभर आंशिक देखि सामान्य बदली रहनेछ। प्रदेश १, बागमती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेशका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ।
२०७९ भदौ ७ गते (मंगलबार)
दिउँसो : देशभर आंशिक देखि सामान्य बदली रहनेछ। प्रदेश १, मधेश प्रदेश र बागमती प्रदेशका केही स्थानहरुमा र बाँकी भू-भागका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ ।
राती : देशभर आंशिक देखि सामान्य बदली रहनेछ। प्रदेश १, मधेश प्रदेश र बागमती प्रदेशका केही तथा बाँकी प्रदेशहरूका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। साथै प्रदेश १ का एक वा दुई स्थानहरुमा भारी वर्षाको पनि सम्भावना रहेको देखिन्छ ।
आगामी २४ घण्टाका लागि चेतावनी तथा परामर्श : देशभर आंशिक देखि सामान्य बदली रहनेछ। पहाडी भू-भागका केही तथा बाँकी भू-भागका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेकोले उक्त भू-भागहरूमा भू-क्षय, पहिरो तथा गेग्रान बहावको जोखिम रहेको छ। साथै नदी नाला तथा खहरे खोलाहरूमा पानीको सतह हल्का बढ्न सक्ने र दैनिक जनजीवन/ यातायात क्षेत्र समेत प्रभावित हुन सक्ने भएकोले आवश्यक सतर्कता अपनाउनु हुन अनुरोध छ।
नेपाली कांग्रेसका नेता एवम् प्रतिनिधिसभा सदस्य प्रदीप गिरीको निधन भएको छ ।
घाँटीको क्यान्सरबाट पीडित गिरीको ७४ वर्षको उमेरमा उपचारको क्रममा शनिबार राती ९.३० बजे ललितपुरको मेडिसिटी अस्पतालमा निधन भएको हो ।
विगत लामो समयदेखि भारतमा घाँटीको क्यान्सरको उपचार गराइरहेका गिरीलाई नेपाल फ़र्किएपछि उपचारको क्रममा मेडिसिटी अस्पतालमा भर्ना गरिएको थियो ।
२००४ सालमा बुवा मित्रलाल गिरी र पुण्यप्रभा गिरीको सन्तानका रुपमा सिरहाको बस्तीपुरमा जन्मिएका गिरीले भारतको जवाहरलाल नेहरु विश्वविद्यालयबाट दर्शनशास्त्र र अर्थशास्त्रमा स्नातकोत्तर गरेका थिए ।वीपी कोइरालाका सहयात्रीसमेत रहेका नेता गिरी नेपालको समकालीन राजनीतिका एक प्रखर विचारक थिए। राजनीतिक जीवनको क्रममा उनले करिब चार वर्षको जेल जीवन समेत बिताएका थिए ।
अध्ययन, अनुसन्धान र लेखनमा रुचि राख्ने गिरीका लेलिनको जीवनी, नारी, मार्क्सवाद र अर्थशास्त्र लगायत विषयमा एक दर्जनभन्दा बढी पुस्तक प्रकाशित छन् ।
२०५१ सालदेखि संसदीय राजनीतिमा सक्रिय बनेका गरी पटक-पटक सांसद बनेका भए पनि मन्त्री भने बनेनन् । २०५१ को संसदीय निर्वाचनमा सिरहा ५ बाट निर्वाचित गिरी, २०६४ ,२०७० र २०७४ को निर्वाचनमा पनि सांसदको रुपमा विजयी भएका थिए।
नेकपा माओवादी केन्द्रको स्थायी समिति बैठकले देव गुरुङलाई महासचिवमा नियुक्त गरेको हो ।
पार्टी केन्द्रीय कार्यालय कोटेश्वर पेरिसडाँडामा बसेको स्थायी समिति बैठकमा अध्यक्ष पुष्पकमल दाहालले गुरुङसहित २१ पदाधिकारीको नाम प्रस्ताव गरेका हुन् ।
वरिष्ठ उपाध्यक्षमा नारायणकाजी श्रेष्ठ र उपाध्यक्षमा कृष्णबहादुर महराको नाम प्रस्ताव गरिएको छ। यस्तै उपमहासचिवमा गिरिराजमणि पोखरेल, वर्षमान पुन, हरिबोल गजुरेल, पम्फा भुसाल, जनार्दन शर्मा, मातृका यादव र शक्ति बस्नेतको नाम प्रस्ताव गरिएको छ।
यस्तै, सचिवमा दीनानाथ शर्मा, चक्रपाणि खनाल, देवेन्द्र पौडेल, लीलामणि पोखरेल, गणेश शाह, हितमान शाक्य, हितराज पाण्डे, दिलाराम शर्मा र राम कार्की र कोषाध्यक्षमा श्रीराम ढकालको नाम प्रस्ताव गरिएको छ।
प्रधानमन्त्री निवास बालुवाटारमा बसेको गठबन्धनको बैठकमा सिट बाँडफाँड गर्न बनेको कार्यदललाई नै त्यसबारे साझा धारणा तय गरेर आउन निर्देशन दिइएको छ ।
सत्ता गठबन्धनका शीर्ष नेताहरूले सिट बाँडफाँड गर्न बनेको कार्यदलका संयोजक कृष्णप्रसाद सिटौलालाई सिट बाँडफाँड बारे साझा धारणा तय गर्न निर्देशन दिएको छ। बैठकमा सिटौलाले शीर्ष नेताहरूलाई कार्यदलमा भएको छलफल र प्रगतिबारे जानकारी गराएका थिए भने कार्यदलमा भएको छलफलमा शीर्ष नेताहरूले समेत आफ्नो सुझाव प्रस्तुत गरेका थिए ।
कार्यदलमा भएको छलफलको प्रगति विवरण सार्वजनिक गर्दै सञ्चारमन्त्री ज्ञानेन्द्रबहादुर कार्कीले शिर्ष नेताहरुले नै सिट बांडफांड बारे कार्यदललाई अन्तिम रुप दिन निर्देशन गरेको बताउनुभएको हो ।
यस अघि नै सत्ता गठबन्धनमा सिट बाँडफाँडका लागि कांग्रेस नेता कृष्णप्रसाद सिटौला नेतृत्वमा ११ सदस्यीय कार्यदल निर्माण गरिएको थियो भने, सो कार्यदलले शिर्ष नेताको चुनावी क्षेत्र,२०७४ को निर्वाचनमा प्राप्त प्रत्यक्ष र समानुपातिकको मत परिणाम र २०७९ को स्थानिय निर्वाचनको परिणामको आधारमा सिट बाँडफाँड गरेर अघि बढ्ने मापदण्ड तय गरेको छ ।
कार्यदलमा कांग्रेसबाट नेता सिटौला, महामन्त्री गगन थापा, सञ्चारमन्त्री कार्की, नेकपा माओवादी केन्द्रबाट वर्षमान पुन र देव गुरुङ, नेकपा एकीकृत समाजवादीबाट उपाध्यक्ष प्रमेश हमाल र महासचिव बेदुराम भुसाल, जसपाबाट रामसहायप्रसाद यादव र रकम चेम्जोङ तथा राष्ट्रिय जनमोर्चाबाट हिमलाल पुरी र आनन्द शर्मा रहेका छन्।
जल तथा मौसम विज्ञान विभाग,मौसम पूर्वानुमान महाशाखाका अनुसार हाल मनसुनको न्यून चापीय रेखा पश्चिमतिर सरदर स्थान भन्दा उत्तर तिर र पूर्वतिर सरदर स्थानमा अवस्थित रहेको छ।
आज देशभर आंशिक देखि सामान्य बदली रहनेछ। बागमती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेशका केहि स्थानहरुमा र बाँकी प्रदेशका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। लुम्बिनी र सुदूरपश्चिम प्रदेशका एक वा दुई स्थानमा मेघ गर्जन/चट्याङ्ग सहित भारी वर्षाको समेत सम्भावना रहेको छ।
राती भने देशभर आंशिक देखि सामान्य बदली रहनेछ। बागमती प्रदेश,गण्डकी प्रदेश र लुम्बिनी प्रदेशका थोरै स्थानहरूमा तथा बाँकी प्रदेशका एक-दुई स्थानमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। गण्डकी प्रदेशको एक वा दुई स्थानमा मेघ गर्जन/चट्याङ्ग सहित भारी वर्षाको सम्भावना रहेको छ।
भारी वर्षाको कारण उच्च पहाडी भू-भागहरूमा भू-क्षय, पहिरो तथा गेग्रान बहावको जोखिम रहेको छ। साथै नदी नाला तथा खहरे खोलाहरूमा पानीको सतह बढ्न सक्ने र दैनिक जनजीवन/ यातायात क्षेत्र समेत प्रभावित हुन सक्ने भएकोले आवश्यक सतर्कता अपनाउनु हुन अनुरोध छ।
निर्वाचन आयोगले गण्डकी प्रदेश र प्रदेश १ लाई निर्वाचन क्षेत्र पूर्वाधार विशेष कार्यक्रमअन्तर्गत सांसदलाई पैसा नबाँड्न निर्देशन दिएको छ ।
कार्यकाल सकिन लागेको बेला गण्डकी प्रदेश र प्रदेश १ ले निर्वाचन क्षेत्र पूर्वाधार विशेष कार्यक्रम मार्फत बजेट दिन एवं कार्यविधि बनाएर सांसदलाई योजना छनौट गर्न लगाइएको र योजना बाँड्ने तयारी गरेकोप्रति आयोगको ध्यानाकर्षण भएको बताएको छ।
निर्वाचन प्रक्रिया सुरु भइसकेको अवस्थामा निर्वाचनको निष्पक्षतालाई असर पुग्ने गरी कुनै पनि कार्यक्रम सञ्चालन गर्नु स्वभाविक मान्न नसकिने र अझ वितरणमुखी कार्यक्रमले त निर्वाचनको स्वच्छतामा नै प्रश्न उठाउन सक्ने भन्दै, आयोगले उपर्युक्त प्रदेश सरकारहरूलाई उल्लिखित काम कारबाहीहरू नगर्न नगराउन हुन् भनि निर्देशन दिएर स्पष्टिकरण माग गरेको छ।
रुसको सरकारी स्वामित्वमा रहेको ग्यास कम्पनी गाजप्रोमले पाइपलाइनमा मर्मतसम्भार गर्नुपर्ने भएको भन्दै अगस्ट ३१ देखि सेप्टेम्बर २ सम्म नर्ड स्ट्रिम १ पाइपलाइन तीन दिनका लागि बन्द गर्ने भएको छ
नर्ड स्ट्रिम १ पाइपलाइन तीन दिनसम्म बन्द हुँदा युरोपको ऊर्जा अवरोध थप बढ्ने अनुमान गरिएको छ।गाजप्रोमको यो घोषणा लगत्तै युरोपेली ग्यासको मूल्य ७% ले बढेर $२६०० प्रति हजार घनमिटर माथि पुगेको छ।
गाजप्रोम जारि गरेको विज्ञप्ति अनुसार , पश्चिमी रूस र जर्मनीलाई जोड्ने पाइपलाइनको साथ प्रमुख कम्प्रेसर स्टेशनमा टर्बाइन ममर्त गर्नुपर्ने र हालको मर्मतसम्भार सम्झौता अनुसार जर्मन निर्माता, सिमेन्सका विशेषज्ञहरूसँग संयुक्त रूपमा गरिनेछ।
ग्याजप्रोमका अनुसार पूर्ण क्षमतामा ग्यास पम्प गर्न पाँचवटा टर्बाइन सञ्चालन गर्नुपर्ने हुन्छ ।पाइपलाइनको ६ वटा टर्बाइनहरू मध्ये यो अन्तिम एक हो जुन सञ्चालनमा रहेको थियो । रुसमाथि लगाइएको प्रतिबन्धका कारण क्यानडामा मर्मत गराएर ल्याइएको एउटा टर्बाइन भने हाल जर्मनीमा फसेको छ।
युरोपेली युनियन सम्बद्ध राष्ट्रहरुले भने रुसको यो कदमलाई रुसले गरेको उर्जाको राजनीति भन्दै उक्त कदमको निन्दा गरेका छन्।
दक्षिण कोरियाका राष्ट्रपति युन सुक-योलले ,उत्तर कोरियाले आफ्नो आणविक हतियार कार्यक्रम त्यागेमा ठूलो आर्थिक सहायता प्याकेज उपलब्ध गराउने भनि गरेको प्रस्तावको खण्डन गर्दै किम जोङ-उनकी बहिनीले उनलाई आफ्नो मुख बन्द गर्न र बकवास कुरा नगर्न चेतावनी दिएकि छिन्।
उत्तर कोरियाली नेता किम जोङ उनका भाइ र देशको सत्तारूढ दलका एक वरिष्ठ अधिकारी किम यो जोङले आफ्नो आणविक हतियार त्यागको बदलामा सियोलले गर्ने आर्थिक सहायताको प्रस्तावलाई बेतुकको सपना बताएका छन्।
किमले सरकारी सञ्चारमाध्यमले युन सुक येओलको प्रस्तावप्रति गरेको टिप्पणीमा आक्रोश प्रकट गर्दै,कसैले मकैको केकको लागि आफ्नो भाग्य नसाट्ने बताएकी छन्।
”बकवास कुरा गर्नु भन्दा उनको मुख बन्द गर्नु उनको छविको लागि उपयुक्त हुने थियो किनकि उनीसँग भन्नको लागि राम्रो केहि थिएन,” उनले भनिन्।
वैदिक सनातन धर्मावलम्बीहरुले आज हिन्दु धर्म संस्कृती अनुसार श्रीकृष्णको पूजा–आराधना गरी श्रद्धा–भक्तिपूर्वक श्रीकृष्ण जन्माष्टमी पर्व मनाउँदैछन् ।
द्वापरयुगमा भाद्र कृष्ण अष्टमीको मध्यरातमा वासुदेव र देवकीको सन्तानका रुपमा मामा कंशको कैदमा जन्मिएका ज्ञानयोग, कर्मयोग र भक्तियोगका प्रणेता भगवान् श्रीकृष्णको जन्म भएको आजको दिनलाई ‘श्रीकृष्ण जन्माष्टमी’ पर्वको रुपमा मनाउने गरिन्छ।
आजको दिन देशभरिका कृष्णमन्दिरमा भगवान् श्रीकृष्णको पूजा–आराधना गर्न श्रादालु भक्तजनहरुको घुइंचो लाग्ने गरेको छ। हिन्दु धर्म संस्कृती अनुसार अन्याय, अत्याचार र दैत्य प्रवृत्तिबाट सम्पूर्ण मानवको रक्षा गर्न भगवान् विष्णुको आठौँ अवतारका रूपमा श्रीकृष्णको जन्म भएको मानिन्छ।मथुरा नरेश कृष्णलाई उनको जन्मको रात नै मामा कंशबाट बचाउन उनको पिताले यमुना नदि पार गरि गोकुलमा लगेर राखेको धार्मिक ग्रन्थहरुमा उल्लेख गरेको पाइन्छ।
आजको दिन भगवान् कृष्ण सँग-सँगै राधाको पनि पुजा अर्चना गरिन्छ। रुकमिणीसंग वैवाहिक बन्धनमा बाँधीए पनि भगवान् कृष्ण र राधाको प्रेम सम्बन्धको वर्णन गर्ने गरिन्छ।
पाण्डव र कौरवहरूबीच कुरुक्षेत्रमा भएको युद्धको क्रममा अर्जुनलाई उपदेश दिने क्रममा पवित्र ग्रन्थ श्रीमद्भागवत गीताको उत्पति भएको धार्मिक विश्वाश रही आएको छ। श्री मद्भाग्वत गीतामा कृष्णलेअर्जुनलाई भनेका छन्ः यदा यदा ही धर्मस्य, ग्लानिर्भवति भारत अभ्युत्थानम् धर्मस्य, तदात्मनं सृजाम्यहम्
अर्थात्ः जब जब संसारमा धर्मको नाश हुँदै गएर अधर्म हावी हुँदै जान्छ, तब तब धर्मको रक्षाकालागि म स्वयम यस धर्तीमा नयाँ अवतार लिएर आउनेछुँ ।
राष्ट्रपति विद्यादेवी भण्डारीको सन्देशसहित फिर्ता भएको ‘नेपाल नागरिकता (पहिलो संशोधन) विधेयक–२०७९’ पारित भएको छ ।
राष्ट्रपति भण्डारीले फिर्ता लिएको ‘नेपाल नागरिकता विधेयक, २०७९’ पारित गर्ने गृहमन्त्री बालकृष्ण खाँणको प्रस्ताव बहुमतले पारित भएको हो ।
प्रमुख प्रतिपक्षी दल नेकपा एमालेले मत विभाजनको माग गरेपछि सभामुख अग्निप्रसाद सापकोटाले नागरिकता विधेयकमाथि मतदान गर्न आह्वान गरेका थिए । त्यसको पक्षमा १३५ मत परेको थियो भने विपक्षमा ६० मत परेको थियो ।
विधेयकमाथिको छलफलमा सत्तारुढ दल र प्रतिपक्षका ७७ जनाभन्दा बढी सांसदले आफ्नो धारणा राखेका थिए ।
संविधानमा राष्ट्रपतिलाई एकपटक मात्रै विधेयक फिर्ता लिने अधिकार दिइएको छ । विधेयक दुवै सदनबाट पारित भएमा राष्ट्रपतिले प्रमाणीकरण गर्नुपर्ने संवैधानिक व्यवस्था छ । राष्ट्रपतिले प्रमाणीकरण गरेपछि विधेयक ऐन बन्नेछ ।
राष्ट्रिय स्वतन्त्र पार्टीले आगामी प्रतिनिधि सभा निर्वाचनको लागि देशभरबाट उम्मेदवार आव्हान गरेको छ।
केन्द्रिय कार्यालय बसुन्धारामा पत्रकार सम्मेलन गर्दै राजनीतिमा आउन चाहने नागरिकलाई प्रतिनिधि सभामा आ- आफ्नो निर्वाचन क्षेत्रबाट उम्मेद्वारी फर्म भर्न राष्ट्रिय स्वतन्त्र पार्टीले आग्रह गरेको छ। राष्ट्रिय स्वतन्त्र पार्टीको वेबसाइट www.rspnepal.org मा गएर सो फारम जो कोहीले पनि भर्न सक्ने बताइएको छ ।
पहुँच भएकाले मात्र टिकट पाउने, पैसा खर्च गर्न सक्नेले मात्र राजनीति गर्ने, पार्टीको उच्च नेतृत्वका नेता र ती नेताको परिवारको नजिक हुनेले मात्र निर्वाचनमा टिकट पाउने, मिडियामा पहुँज हुनेको उम्मेदवारी मात्र चर्चित हुने जस्ता प्रचलन लोकतन्त्रको स्वस्थकर अभ्यास नरहेको बताउँदै,पैसा हुने-नहुने, पहुँच हुने-नहुने जो कोहीले पनि क्षमता, योग्यता र इमान्दारिताका आधारमा चुनाव लड्न सकून् भनेर राष्ट्रिय स्वतन्त्र पार्टीले सबैका लागि उम्मेद्वारीको आवेदन खुल्ला गरेको बताएको छ ।
म आफैं पनि यसै गरी फारम भरेर आफ्नो उम्मेद्वारीको आवेदन पेश गर्दैछु र मैले उमेदवारी दिने क्षेत्रमा अरु व्यक्तिले पनि उम्मेदवारी दिन पाउने पार्टीका अध्यक्ष रवी लामिछानेले बताउनुभएको छ । राष्ट्रिय स्वतन्त्र पार्टीले कसलाई उम्मेदवार छान्ने भन्ने निर्णय कुनै पनि नेतालाई सुम्पेको छैन । यो निर्णय जनताले गर्नेछन्। प्रारम्भिक निर्वाचन मार्फत् जनताले जसलाई भोट हालेर चुन्छन् उही नै कुनै पनि निर्वाचन क्षेत्रको उम्मेदवार बन्ने छ र डिजिटल डिमोक्रेसीको यो अभ्यास राष्ट्रिय स्वतन्त्र पार्टीले यसै पटकबाट सुरु गरेको पनि उहाँले बताउनुभएको छ।
अहिलेकालागि देशको कुनैपनि क्षेत्रबाट संघीय निर्वाचनमा प्रत्यक्ष वा समानुपातिकतर्फ उम्मेदवार बन्न चाहनु हुने सबैले www.rspnepal.org मा गई, त्यहाँ राखिएको फारम भर्न सकिने लामिछानेले बताउनुभएको छ । राष्ट्रिय राजनीति आम मान्छेको पहुँचमा पुर्याउन राष्ट्रिय स्वतन्त्र पार्टीले अन्य विधि सहित यो विधि पनि अपनाएको र बन्द कोठामा २-४ जना नेता बसेर टिकट बाँड्ने प्रणालीको अन्त्य गर्न सकिन्छ भनेर यो प्रणालीलाई अनिवार्य गरेको लामिछानेले बताउनुभएको छ।
संघीय निर्वाचनमा समानुपातिक उम्मेद्वारको दाबेदारी प्रस्तुत गर्न चाहनेले यही भदौ १५ गते भित्र र प्रत्यक्ष उम्मेदवारको दाबेदारी प्रस्तुत गर्न चाहनेले असोज ७ गते भित्र फारम भरी पेश गरिसक्नुपर्ने राष्ट्रिय स्वतन्त्र पार्टीले जनाएको छ।
प्रतिनिधि सभाको आजको बैठकमा राष्ट्रपतिबाट सन्देश सहित फिर्ता गरिएको नागरिकता विधेयकमाथि पुर्नविचार गरियोस् भनी प्रस्ताव पेश गरिएको छ। नागरिकता विधेयक विषयमा जारि संसदको छलफलमा सांसदहरुले विधेयक सम्बन्धि आ-आफ्नो धारणा व्यक्त गरेका छन्।
लोकतान्त्रिक समाजवादी पार्टीका सांसद लक्ष्मणलाल कर्ण लोकतान्त्रिक समाजवादी पार्टीका सांसद लक्ष्मणलाल कर्णले राष्ट्रपति विद्यादेवी भण्डारीले नागरिकता विधेयक फिर्ता गर्न लेखेको सन्देश असान्दर्भिक रहेको र असम्बन्धित कुरा सन्देशमा लेखेकाले संसदमा छलफल गर्न पनि आवश्यक नभएको बताएका छन्। उनले,राष्ट्रपतिले सन्देश सहित फिर्ता गर्नुभएको कुरा पढ्दै गर्दा बडो राम्रो निबन्ध लेख्नुभएको जस्तो लागेको बताएका छन्।
माओवादी केन्द्रका सांसद वर्षमान पुन राष्ट्रपति विद्यादेवी भण्डारीले नागरिकता विधेयकको सन्दर्भमा पठाएको सन्देशमा आफ्नो धारणा राख्दै,माओवादी केन्द्रका सांसद वर्षमान पुनले कार्यकारी वा सरकारका दैनिक काममा प्रश्न उठाउनका लागि राष्ट्रपतिलाई संवैधानिक अधिकार नभएको बताएका छन् । साथै,नागरिकता विधेयकमाथि प्रमुख प्रतिपक्ष एमालेले राजनीतिक गरिरहेको बताउँदै विधेयक संसदबाट पारित गराउन सहयोग गर्न आग्रह गरेका छन् ।
कांग्रेस सचेतक मीनबहादुर विश्वकर्मा कांग्रेस सचेतक मीनबहादुर विश्वकर्माले नागरिकता कानुन निर्माणका क्रममा राजनीतिक दलहरूको मौसमअनुसारको अडान देखिएको बताएका छन् । उत्तर र दक्षिण फर्किँदा फरक-फरक राष्ट्रियता देखिएको भन्दै उनले प्रमुख प्रतिपक्षप्रति कटाक्ष गरेका छन्। साथै राष्ट्रपतिले विधेयक प्रमाणीकरण नगरेकोप्रति असन्तुष्टि जनाएका छन्। विश्वकर्माले नागरिकता विधेयकलाई पारित गर्नका लागि सबै दल तयार हुनुपर्ने बताएका छन्।
एमाले सांसद प्रदीप ज्ञवाली एमाले सांसद प्रदीप ज्ञवालीले राष्ट्रपति विद्यादेवी भण्डारीले नागरिकता विधेयक पुनर्विचार गर्नका लागि संसदमा फिर्ता गरेर सर्व-स्वीकार्य बनाउने अवसर दिएको र त्यो अवसरलाई सदुपयोग गर्नुपर्ने र सांसदहरूको टाउको गणना गरेर विधेयकको टुंगो लगाउन नहुने बताएका छन्।
नागरिकता विधेयकलाई राजनीतिकरण गरिएको र नागरिकता विधेयक मधेसी समुदायसँग मात्रै जोडिएको विषय नभएको भन्दै नागरिकता विधेयकमा समाज विभाजित भयो भने दुष्परिणाम पछिसम्म रहने पनि ज्ञवालीले बताएका छन्। साथै नागरिकता विधेयक टुंगो लगाउन प्रमुख प्रतिपक्ष तयार रहेको तर सत्तापक्षले यस विषयमा जबर्जस्ती गर्न नहुने उनले बताएका छन्। सन्देश सहित फिर्ता आएको विधेयकलाई जस्ताको तस्तै पारित गरेर गठबन्धन सरकारले संसदीय व्यवस्थाको खिल्ली उडाउन खोजेको उनले बताएका छन्।
नेकपा एमालेका सांसद भीम रावल नेकपा एमालेका सांसद भीम रावलले नेपालमा विदेशी नागरिकलाई हुलेर नेपालको अस्तित्व समाप्त गर्ने कुरा मान्य नहुने र नागरिकताजस्तो संवेदनशिल विषयमा संसदीय दलमा छलफल नगरेको प्रति आक्रोश व्यक्त गरेका छन्। उनले गैरकानुनी नागरिकताको छानविन हुनुपर्ने माग राख्दै बालुवाटारमा गठबन्धन सरकारले जे फैसला गरेपनि के त्यो संविधान भन्दा माथि हुने हो भनेर प्रश्न समेत गरेका छन्।
नेपाल मजदुर किसान पार्टीका सांसद प्रेम सुवाल नेपाल मजदुर किसान पार्टीका सांसद प्रेम सुवालले विदेशीलाई नेपाली नागरिकता दिनु देशघाती हुने भन्दै कुनैपनि निहुँमा विदेशीलाई नेपाली नागरिकता दिन नहुने बताएका छन्। विदेशीलाई धमाधम नागरिकता दिँदा एक दुईवटा निर्वाचनपछि लेन्डुप दोर्जेहरु सांसद र मन्त्री हुने र नेपाल सिक्कीम र फिजी बन्ने खतरा हुनसक्ने बताएका छन्।
राष्ट्रिय जनमोर्चाकी उपाध्यक्ष दुर्गा पौडेल राष्ट्रिय जनमोर्चाकी उपाध्यक्ष दुर्गा पौडेलले राष्ट्रपतिलाई धन्यवाद दिँदै,राष्ट्रपति भण्डारीले सन्देशसहित फिर्ता गरेको नागरिकता विधेयक खारेज गर्नुपर्ने बताएकी छन्। पौडेलले यो विधेयकलाई खारेज गरेर नागरिकताका विषयमा व्यापक छलफल गरि अर्को विधेयक ल्याउनुपर्ने धारणा व्यक्त गरेकी छन्। वास्तविक नेपालीलाई नागरिकता दिन समस्या छ भने त्यसमा सुधार गर्नुपर्ने तर छिमेकीलाई विवाह गर्ने बित्तिकै तत्कालै नागरिकता दिन नहुने र ७ वर्षको उमेर हद तोक्नै पर्ने उनले बताएकि छन्।
नेपाली कांग्रेसकी सांसद पार्वता डीसी चौधरी नेपाली कांग्रेसकी सांसद पार्वता डीसी चौधरीले नागरिकता विधेयक ठिक नभएको र सत्तारुढ दलका अरु सांसदहरूलाई पनि नागरिकता विधेयक ठिक नभएको भन्ने लाग्दा-लाग्दै पनि पार्टीको बन्धनले विरोधमा बोल्न नसकेको बताएकी छन्।
उनले दलको हिसाबले नागरिकता विधेयकलाई समर्थन गरेपनि आफ्नो आत्माले ठिक नमानेको बताएकि छन् । वैवाहिक अंगीकृत नागरिकताबारे समयसीमा राख्नैपर्ने भन्दै राष्ट्रपतिको कदम ठीक र संवैधानिक रहेको बताएकी छन्।
प्रतिनिधिसभा सदस्य हृदयेश त्रिपाठी प्रतिनिधिसभा सदस्य हृदयेश त्रिपाठीले राष्ट्रपतिले पठाएको सन्देश निबन्ध मात्र भएको बताएका छन् । जन्मका आधारमा नेपाली नागरिकता लिएका आमाबाबुको सन्तानले ७ वर्षदेखि नागरिकता पाउन नसकेकाले यो विधेयक छिटो ल्याउनु परेको उनले बताएका छन् ।
सहरी विकास मन्त्रालयको इन्जिनियरिङ सेवा समूहका कर्मचारीले सिंहदरबारमा मन्त्रालय अगाडि प्रदर्शन गरेका छन् ।इन्जिनियरिङ मन्त्रालयको सिभिल ग्रुप, भवन तथा आर्किटेक्ट उपसमूहका कर्मचारीले आज सिंहदरबारमा सांकेतिक विरोध स्वरुप धर्ना दिएका हुन्।
सरकारले संघीय मामिला तथा सामान्य प्रशासन मन्त्रालयअन्तर्गतको डोली विभागलाई बस्ती विकास तथा पूर्वाधार सहजीकरण विभागको नाममा सहरी विकास मन्त्रालयमा ल्याएर सहरी विभागको क्षेत्राधिकार ओगटेपछि कर्मचारी आन्दोलनमा उत्रेका हुन् । आन्दोलनका संयोजक तथा शहरी विकास मन्त्रालयका सहसचिव एकराज अधिकारीले मन्त्रिपरिषद्ले गरेको निर्णय तत्काल सच्याउन प्रधानमन्त्री तथा मन्त्रिपरिषद्को कार्यालय, अर्थ मन्त्रालय, संघीय मामिला तथा सामान्य मन्त्रालयमा ज्ञापनपत्र बुझाएको जानकारी दिएका छन् ।
सहसचिव अधिकारीका अनुसार सरकारले इन्जिनियरहरूको माग तत्काल सुनुवाइ नगरे देशभरका सहरी विभागको काम रोकिने र प्राविधिकहरूले सामूहिक राजीनामा दिने चेतावनी दिएका छन् । उनीहरुले आर्थिक वर्षको बजेटको बुँदा नम्बर ३०५ मा व्यवस्था गरेको स्थानीय पूर्वाधार विभाग खारेज गरी विभागमा रहेका प्राविधिक कर्मचारीमध्ये बढीमा १० प्रतिशत संघीय मामिला तथा सामान्य प्रशासन मन्त्रालयअन्तर्गत स्थानीय पूर्वाधार विकास सहजीकरण इकाइमा रहने तथा बाँकी कर्मचारी प्रदेश र भौतिक पूर्वाधार सम्बद्ध संघीय मन्त्रालयमा समायोजन हुने व्यवस्था कार्यान्वयन गर्नुपर्ने माग गरेका छन् । माग सुनुवाइ नभए देशैभर काम ठप्प पारेर सामूहिक राजीनामा दिने चेतावनी कर्मचारीहरुले दिएका छन् ।
क्रिप्टोकरेन्सीलाई मान्यता दिन माग गर्दै सर्वोच्च अदालतमा आज रिट दायर भएको छ ।
नेपाल राष्ट्र बैंकले क्रिप्टोकरेन्सी कारोबारलाई प्रतिबन्ध लगाउँदै जारी गरेको सूचना बदरको माग गर्दै अधिवक्ता सागर बराल लगायतले बुधबार सर्वोच्च अदालतमा रिट निवेदन दायर गरेका छन् ।राष्ट्र बैंकले प्रतिबन्ध लगाएको क्रिप्टोलगायत डिजिटल मुद्रालाई कानुनी मान्यता दिनुपर्ने माग गर्दै सर्वोच्च अदालतमा रिट दायर गरिएको हो।
रिटमा प्रधानमन्त्री तथा मन्त्रिपरिषद्को कार्यालय, नेपाल राष्ट्र बैंक, कानून, न्याय तथा संसदीय मामिला मन्त्रालय, अर्थ मन्त्रालय, गृह मन्त्रालय र नेपाल प्रहरी प्रधान कार्यालयलाई विपक्षी बनाइएको छ । निवेदनमाथिको प्रारम्भिक सुनुवाइ आगामी सोमबार हुनेछ ।
बेलायतका लागि चिनियाँ राजदूतले लन्डनलाई ताइवानको स्वतन्त्रताको मुद्दामा अमेरिकी नेतृत्वलाई नपछ्याउन आग्रह गरेका छन्।
चिनियाँ राजदूतले ताइवानमा बेलायती र अमेरिकी हस्तक्षेपले युद्ध निम्त्याउन सक्ने चेतावनी दिँदै, ताइवानको स्वतन्त्रताको मुद्दामा लन्डनसँग बेइजिङको सम्बन्ध अब चौबाटोमा पुगेको दाबी गरेका छन्।
बेलायतका लागि चिनियाँ राजदूत झेङ जेगुआङले ताइवान मामलामा आफ्नो सरकारको अडान प्रस्तुत गर्दै ताइवान चीन, अमेरिका र बेलायतका लागि “टच स्टोन मुद्दा” भएको घोषणा गरेका छन् ।
बेलायतका लागि चिनियाँ राजदूतले, वर्षौंदेखि, अमेरिकाले ताइवानमा हतियार बिक्रीको स्वीकृति दिएर एक चीन नीतिको सिद्धान्तलाई खोक्रो बनाएको र चीनलाई नियन्त्रणमा राख्न ‘ताइवान कार्ड’ खेल्दै आएको बताएका छन्।
बेइजिङको रक्षा मन्त्रालयले यस महिनाको अन्त्यमा सुरु हुने संयुक्त सैन्य अभ्यासमा भाग लिन चिनियाँ सेना रसिया जाने जनाएको छ।भोस्टोक सैन्य अभ्यासमा भारत, बेलारुस, मंगोलिया र ताजिकिस्तान पनि समावेश हुनेछन्।
बेइजिङ र मस्कोबीच घनिष्ठ प्रतिरक्षा सम्बन्ध छ र मस्कोले फेब्रुअरी २४ मा युक्रेनमाथि गरेको आक्रमणलाई लिएर अन्तर्राष्ट्रिय प्रतिबन्ध र व्यापक निन्दाको सामना गर्नुपर्दा पनि चीनले द्विपक्षीय सम्बन्धलाई “उच्च तहमा” पुर्याउन चाहेको बताएको छ।
चीनको रक्षा मन्त्रालयले जारी गरेको विज्ञप्तिमा भनिएको छ, “सहभागी देशका सेनाहरूसँग व्यावहारिक र मैत्रीपूर्ण सहयोगलाई प्रगाढ बनाउनु, सहभागी पक्षहरूबीच रणनीतिक सहयोगको स्तर बढाउनु र विभिन्न सुरक्षा खतराहरूको सामना गर्ने क्षमतालाई सुदृढ पार्ने उद्देश्य रहेको छ”।
चिनियाँ राष्ट्रपति सी जिनपिङ र उनका रुसी समकक्षी भ्लादिमिर पुटिनको नेतृत्वमा रुस र चीनबीचको सम्बन्ध झन्झन् घनिष्ट भएको छ र युद्धका कारण धेरै पश्चिमी देशहरूले लगाएको प्रतिबन्धको विरोधमा बेइजिङ दबाबमा परेको छ। बेइजिङले संयुक्त अभ्यासमा भाग लिने आफ्नो निर्णय “वर्तमान अन्तर्राष्ट्रिय र क्षेत्रीय परिस्थितिसँग असंबद्ध” भएको बताएको छ।
एक वर्ष अघि रुस र चीनले उत्तर-मध्य चीनमा संयुक्त सैन्य अभ्यास गरेका थिए जसमा १०,००० भन्दा बढी सेना थिए। रुसी रक्षामन्त्री सर्गेई शोइगुले चीनको निङ्जियामा गरिएको अभ्यासको प्रशंसा गर्दै यसलाई अझ विकसित गर्न सकिने सुझाव दिएका थिए ।
अक्टोबरमा रुस र चीनले जापानको सागरमा संयुक्त नौसैनिक अभ्यास गरेका थिए।।भोस्टोक अभ्यास यस वर्ष चिनियाँ र रुसी सेनाले गरेको दोस्रो संयुक्त सैन्य अभ्यास हो।
प्रतिनिधि सभाको आज बस्ने बैठकले राष्ट्रपतिबाट सन्देश सहित फिर्ता आएको नागरिकता विधेयक जस्ताको तस्तै पारित गर्ने तयारि गरेको छ।
सत्तारुढ गठबन्धनले यस अघि नै गठबन्धनको बैठकमा, फिर्ता भएको नागरिकता विधेयक हुबहु पुन: प्रमाणिकरणको लागि पठाउने निर्णय गरेको थियो। विवादित नागरिकता विधेयक फास्ट ट्रयाकबाट पास गर्न आजको संसद बैठकमा प्रस्तुत गरिंदैछ।
गृहमन्त्री बालकृष्ण खाणले राष्ट्रपतिबाट सन्देशसहित फिर्ता भएको नागरिकता विधेयकमाथि पुर्नविचार गरियोस् भनी आजको प्रतिनिधि सभाको बैठकमा प्रस्ताव प्रस्तुत गर्ने संसदको आजको सम्भावित कार्यसूचीमा उल्लेख गरिएको छ।
राष्ट्रपति कार्यालय अगाडि आत्मदाह गर्ने प्रयास गरेकी निहारिका यतिबेला नेपाल प्रहरीको अस्पतालमा छिन्। अस्पतालमा पनि निहारिकाले आफ्नो अनसन जारी नै राखेकी छिन्। बुधबार निहारिकालाई भेट्न अस्पताल पुगेका कानुनमन्त्री बन्दी र महान्यायाधिवक्ता खम्मबहादुर खातीसँग निहारिका राजपुतले १० वटा मागहरु प्रस्तुत गरेकी छिन्।
निहारिकाका १० बुँदे माग: १) २०७९ साल भाद्र ८ गतेको पेशीमा डीएनए परीक्षणको आदेश हुनै पर्ने यदि सो पेशी स¥यो वा आदेश नभएमा ९ गते बिहान १० बजेदेखि सर्वोच्च अदालत अगाडी नै पुनः आमरण अनसन सुरु गर्नेछु।
२) डीएनए परीक्षणको नमुना लिँदाखेरि विपक्षी र मेरो बाबु (छोरा) को रगतको नमूना मेरै अगाडि लिइनुपर्छ। यो परीक्षण गर्दा प्रहरीको ल्याब र राष्ट्रिय विधि विज्ञान प्रयोगशाला खुमलटारमा पनि गर्नुपर्ने र सो कार्य गर्दा म लगायत मेरो मान्छेको उपस्थिति हुनुपर्छ।
४) मेरो मुद्दामा सुरुमा अनुसन्धान गर्ने प्रहरीमाथि छानविन गरी दोषी ठहरिएमा तुरुन्तै कारबाही गर्नुपर्यो।
५) महान्यायाधिवक्ताको कार्यालयबाट दुई जना वरिष्ठ सरकारी वकिलहरु भदौ ८ गतेको पेशी र अन्तिम फैसलाको बहसमा जनकपुरको उच्च अदालतमा पठाउने व्यवस्था हुनुपर्यो र सो वकिलहरु मलाई चित्त बुझेको हुनुपर्यो।
६) मेरो मुद्दाका सुनुवाई ‘फस्ट ट्रयाक’मा हुनुपर्यो।
७) जनकपुर जिल्लाको मेरो मुद्दाको फैसला गर्ने न्यायाधीशलाई छानविन गरी कारबाही गर्नुपर्यो।
८) म लगायत म जस्ता सम्पूर्ण पीडित कुमारी आमाहरुबाट जन्मिएका बच्चाहरुको स–सम्मान बाँच्न पाउने अधिकारहरु कानुनमा सुनिश्चित हुनुपर्यो।
९) कानुन मन्त्री र महान्यायाधिवक्ता दुवैजनाले यस सहमतिमा हस्ताक्षर गरी कानुनी प्रक्रिया अगाडि बढाइदिनुपर्यो।
१०) यदि माथि उल्लेखित सम्पूर्ण मागहरु पूरा नभएको अवस्थामा मैले सर्वोच्च अदालत अगाडि पुनः आमरण अनसन सुरुवात गर्नेछु र मलाई त्यहाँबाट प्रहरी वा सरकारी पक्षले हटाउन पाउने छैन।
यसअघि गृहमन्त्री बालकृष्ण खाँणले उनका ५ बुँदे माग सम्बोधन गर्ने प्रतिवद्धता जनाउँदै अनसन तोडाएका थिए। तर सरकारले गरेको वाचा कार्यन्वयन नभएपछी उनले माइतिघर,सर्वोच्च अदालत,सिंहदरबार लगायत विभिन्न ठाउँमा अनसन जारि राखिन्। यो बिचमा उनलाई प्रहरीले अनसन स्थालबाटै पटक-पटक पक्राउ समेत गरेको थियो। कसै गरेपनि राज्यले न्याय दिन नसकेको भन्दै,अन्त्यमा उनले राष्ट्रपति निवास अगाडी नै शरीरमा पेट्रोल छर्किएर आत्मदाहको प्रयास गरेको थिईन।
निलम्बित प्रधानन्यायाधीश चोलेन्द्रशमशेर जबराविरुद्धको महाअभियोग प्रस्तावमाथि अध्ययन सुरु गर्न प्रतिनिधिसभाको महाअभियोग सिफारिस समितिले कार्यविधि टुंगो लगाउने गरी मस्यौदा तयार पारेको छ।
करिव ६ महिनापछि आज सिंहदरबारमा बसेको समितिको पहिलो बैठकले अर्को बैठकमा महाअभियोग टुंगो लगाउने गरी कार्यतालिकाको मस्यौदा तयार गर्ने अधिकार सचिवालयलाई दिने निर्णय पनि गरेको छ।
आगामी बैठकमा कार्यविधिको मस्यौदामाथि छलफल गरी निर्णय गर्ने समितिको आज बसेको बैठकले जनाएको छ । समितिका सबैको समन्वयमा सचिवालयको तर्फबाट आगामी बैठकमा कार्यतालिका प्रस्तुत गर्ने र प्रतिनिधिसभा नियमावली‚ २०७५ को नियम १६३ को उपनियम (५) ले दिएको अधिकार प्रयोग गरी कार्यविधिको मस्यौदा तयार गरिएको समितिले जनाएको छ।
आजदेखि सिंहदरबारभित्र ग्यास सिलिन्डर लैजान तथा प्रयोग गर्न निषेध गरिएको छ ।
विजुलीको प्रयोगलाई प्रोत्साहन गर्ने सरकारको नीतिअनुसार आजदेखि सिंहदरबारभित्र रहेका मन्त्रालय र अन्य निकायका चमेना गृहमा खाना पकाउने प्रयोजनका लागि ग्यास सिलिन्डर प्रयोग गर्न निषेध गरिएको छ ।
सरकारले आर्थिक वर्ष २०७९/८० को बजेटमार्फत विधुतको प्रयोगलाई प्रोत्साहन गर्ने र सो कार्यको सुरुवात सिंहदरबारबाटै सुरु गर्ने बताएको थियो । सरकारको सो कार्यनीति अनुरुप नै आजबाट सिंहदरबारमा ग्याँस सिलिण्डरको प्रयोगमा प्रतिबन्ध लगाइएको हो। सिंहदरबारमा अब खाना पकाउने प्रयोजनका लागि विधुतिय चुलोको प्रयोग गर्नुपर्नेछ।
उद्योग, वाणिज्य तथा आपूर्ति मन्त्रालयले सिंहदरबारभित्रका सबै मन्त्रालय र निकायलाई पत्राचार गरी बजेट नं. २५३ लाई प्रभावकारी रुपमा कार्यान्वयन गर्न र सिंहदरबारभित्र ग्याँस सिलिण्डर प्रयोग नगर्न निर्देशन समेत दिएको थियो ।
निलम्बित प्रधानन्यायाधीश चोलेन्द्रशम्शेर जबराविरुद्धको महाअभियोगबारे छलफल गर्न बनेको महाअभियोग सिफारिस समितिको पहिलो बैठक आज बिहान ११:३० बजे सिंहदरवारस्थित कानून, न्याय तथा मानव अधिकार समितिको सभाकक्षमा बस्ने भएको छ।
जिम्मेवारीविपरीतका कार्य गरेको,न्यायालयमा विचलन ल्याएको लगायतका २१ वटा आरोपहरु लगाउँदै गठबन्धन दलका ९८ जना सांसदहरुले हस्ताक्षर गरेर फागुन १ गते प्रतिनिधिसभामा जबरा विरुद्ध महाभियोग दर्ता गरेका थिए।
फाल्गुन २२ गते बसेको प्रतिनिधिसभा बैठकले प्रधानन्यायाधीश चोलेन्द्रशम्शेर जबराविरुद्धको महाभियोगमा छानविन गर्न ११ सदस्यीय समिति समेत गठन गरेको थियो। त्यसैगरी,श्रावण २२ गते बसेको प्रतिनिधिसभाको बैठकले जबराविरुद्धको महाभियोग प्रस्तावमाथि सैद्धान्तिक छलफल गरेर महाभियोग सिफारिस समितिमा पठाउने निर्णयलाई बहुमतले पारित गरेको थियो।
आज बस्ने समितिको बैठकमा प्रधानन्यायाधीश जबराविरुद्धको महाभियोगका सम्बन्धमा कार्यविधिका विषयमा छलफल गरेर प्रारम्भिक अध्ययन सुरु गरिने समितिले जनाएको छ।
पेट्रोलियम पदार्थमा कर घटाएर जनतालाई राहत दिने सरकारको निर्णय अर्थ मन्त्रालयले कार्यन्वयन नगर्दा नेपाल आयल निगमले बढेको मूल्यमा नै उपभोक्तालाई पेट्रोलियम पदार्थको बिक्रि गरिरहेको छ।
देउवा सरकारले आफ्नो एक वर्षे उपलब्धि अन्तर्गत, बजारमा पेट्रोलियम पदार्थको मुल्य बढिरहेको सन्दर्भमा कर कटाएर भए पनि पेट्रोलियम पदार्थको मुल्य घटाउँदै मुल्यबृद्धि नियन्त्रणको प्रयास गरिएको भनेर उल्लेख गरेको छ। सरकारले असार ११ मा पेट्रोलमा प्रतिलिटर २० र डिजेलमा २९ रुपैयाँ कर समायोजन गर्ने निर्णय गरेको थियो। तर सरकारले गरेको निर्णय सरकारको उपलब्धि भनेर सार्वजनिक भैसक्दा पनि कार्यान्वयन भने हुन सकेको छैन।
श्रावण १ गते भारतले पठाएको पेट्रोलियम पदार्थको नयाँ मूल्यसूची अनुसार पेट्रोलमा प्रतिलिटर १५.७६ र डिजेलमा १६.५६ रुपैयाँ मूल्य घटेर आएको थियो। त्यसैगरी, श्रावण १६ गते डिजेल प्रतिलिटर १२ रुपैयाँ ४५ पैसा र पेट्रोल प्रतिलिटर १६ रुपैयाँ ८० पैसाले घटेको नयाँ मूल्यसूचीमा निगमले पेट्रोलियम पदार्थको आपूर्ति गरेको थियो भने श्रावण ३१ गते पेट्रोलमा १ रुपैयाँ ९४ पैसा र डिजेलमा ४ रुपैयाँ ८४ पैसाले मूल्य घटेर आएको छ। यसरी १ महिनाको अन्तरालमा ३-३ पटकसम्म मूल्य घटेर आएको भएपनि सरकारको निर्णय कार्यान्वयन हुन नसक्दा नेपाल आयल निगमले बढेको मूल्यमा नै उपभोक्तालाई पेट्रोलियम पदार्थको बिक्रि गरिरहेको छ।
मूल्य बढ्दा तुरुन्तै बढाउने तर मूल्य घट्दा समायोजन नगर्ने सरकार र निगमको बेइमानीले आम उपभोक्ता मारमा परेका छन्।
यता आयल निगमले भने अर्थ मन्त्रालयले सरकारको निर्णय अनुसार कर घटाउन कुनै चासो नदिएको र इन्डियन आयल कर्पोरेसनलाई तिर्नुपर्ने बक्यौताको रकम र निगमको ऋण चुक्ता नभएसम्म आफुहरुले मूल्य घटाउन नसक्ने बताएको छ।
काठमाडौं उपत्यकाको फोहोर बोकेर बञ्चरेडाँँडा गएको गाडीलाई स्थानिय बासिन्दाले अवरोध गरेपछि प्रहरीले अश्रुग्याँस र हवाईफायर गरेको छ ।
फोहोर बोकेर गएको गाडीलाई अवरोध गरेपछि प्रहरी र स्थानीयबासिन्दाबीच सुरु भएको तनावको क्रममा स्थानीयबासिन्दाले प्रहरीमाथि नै ढुङ्गा प्रहार गर्न थालेपछि प्रहरीले अश्रुग्याँस र हवाई फायर गरेको थियो। स्थानीयबासिन्दाले ढुङ्गा र गुलेलीले प्रहरीमाथि प्रहार गर्न थालेपछि सुरु भएको झडपको क्रममा प्रदर्शनमा उत्रिएका स्थानिय बासिन्दाको भिडलाई तितर-वितर पार्न प्रहरीले अश्रुग्याँस र हवाई फायर प्रयोग गरेको प्रहरीले जनाएको छ।
सन्देश सहित राष्ट्रपतिबाट फिर्ता भएको नागरिकता विधेयक सत्तारुढ गठबन्धनको आज बसेको बैठकले हुबहु पुन: राष्ट्रपतिकोमा प्रमाणिकरणको लागि पठाउने निर्णय गरेको छ।
राष्ट्रपति विद्यादेवी भण्डारीले पुनर्विचार गरियोस भनि संसदमा फिर्ता गरिएको नागरिकता विधेयक आज बसेको संसद बैठकमा प्रस्तुत गरिएको छ। संसदमा जानकारी गराइएको उक्त विधेयक बालुवाटारमा बसेको सत्ता गठबन्धनको बैठकले हुबहु राष्ट्रपतिकहाँ पठाउने निर्णय गरेको छ।
नेपाल नागरिकता ऐन, २०६३ लाई संशोधन गर्न बनेको ‘नेपाल नागरिकता (पहिलो संशोधन) ऐन, २०७९’को विधेयक राष्ट्रपतिले पुनर्विचार गर्नुपर्ने आवश्यक लागेमा १५ दिनभित्र फिर्ता गर्ने सक्ने कानुनि प्रावधान रहेको र कानुनले निर्दिष्ट गरेको सोहि बुंदामा टेकेर नागरिकता ऐन पुनर्विचारको लागि संसदमा नै फिर्ता पठाइएको थियो। यसरी फिर्ता गरिएको विधेयक संसदले हुबहु या संसोधन सहित पुन: प्रमाणिकरणको लागि राष्ट्रपतिकोमा पठाउन सक्छ। तर पुन: प्रमाणिकरणको लागि पेश गरिएको विधेयक फिर्ता गर्ने संवैधानिक अधिकार भने राष्ट्रपतिलाई दिइएको छैन।
रुसले अमेरिकासँग ‘सीधा सैन्य भिडन्त’ हुनसक्ने चेतावनी दिएको छ।
विश्व मञ्चमा देखिएको अमेरिकाको व्यवहारले आणविक राष्ट्रहरूबीच प्रत्यक्ष द्वन्द्वको खतरा हुनसक्ने अमेरिकीस्थित रुसी दूतावासले चेतावनी दिएको छ ।
दूतावासले आफ्नो टेलिग्राम च्यानलमार्फत सार्वजनिक गरेको विज्ञप्तिमा, संयुक्त राज्य अमेरिकाले अन्य देशहरूको सुरक्षा र चासोको ख्याल नगरी जारी राखेको कार्यले आणविक द्वन्दको खतरालाई योगदान पुर्याउने जनाएको छ।
साथै,युक्रेनी संकटको सन्दर्भमा रसियासँग हाइब्रिड टकरावमा थप संलग्न हुने अमेरिकी कदमले आणविक शक्ति राष्ट्रहरूको प्रत्यक्ष सैन्य टकरावलाई अप्रत्याशित रुपमा वृद्धि गरेको पनि बताएको छ।
अमेरिकाले भर्खरै दुई प्रमुख हतियार नियन्त्रण सम्झौता ,केही वर्गका भू-आधारित मिसाइलहरूलाई प्रतिबन्ध लगाएको १९८७ को मध्यवर्ती-रेंज आणविक बल सन्धि र एकअर्काको इलाकामा निगरानी उडानहरूको लागि अनुमति प्रदान गर्ने १९९२ को खुला आकाश सन्धि बाट पछि हटेको समेत विज्ञप्तिमा उल्लेख गरिएको छ।
दूतावासले, विश्वलाई हेर्ने दृष्टिकोण मेल नखाने देशहरु विरुद्ध निराधार आरोप लगाउनुको सट्टा आफ्नै आणविक नीतिलाई नजिकबाट नियाल्न समेत अमेरिकालाई आग्रह गरेको छ।
दुतावासका कुटनीतिज्ञले,हामीले आणविक हतियार राष्ट्रको रूपमा आफ्नो दायित्वहरू इमानदारीपूर्वक पूरा गर्नेछौँ र आणविक जोखिमहरू कम गर्न हरसम्भव प्रयास गर्ने पनि बताएका छन्।
अमेरिकाले, दक्षिणी युक्रेनमा रहेको जापोरोजे आणविक उर्जा केन्द्रलाई मस्कोले आफ्ना सैनिकहरूको कभरको रूपमा प्रयोग गरेको आरोप लगाएपछि दुतावासले यस्तो विज्ञप्ति जारी गरेको हो । अमेरिकी विदेश मन्त्री एन्टोनी ब्लिन्केनले रुसको उक्त कार्यलाई “गैरजिम्मेवारीको चरम सीमा” भनेका थिए ।
अमेरिकी विदेश मन्त्री एन्टोनी ब्लिन्केनको उक्त भनाइको खण्डन गर्दै मस्कोले भने, युक्रेनी सेनाले गरेको आफ्नै तोपको फायरले यो महिना धेरै आगलागी भएको र धेरै ठाउँमा बिजुली अवरुद्ध भएको जनाएको छ।
रुसले जापोरोज्ये पावर प्लान्ट वरपरको अवस्थाको बारेमा गत हप्ता संयुक्त राष्ट्र सुरक्षा परिषद्को बैठकको लागि पहल गरेको थियो। रुसी राजदूत भासिली नेबेन्जियाले, अन्तर्राष्ट्रिय आणविक ऊर्जा एजेन्सी (आईएईए) लाई सकेसम्म चाँडो आणविक उर्जा केन्द्र निरीक्षण गर्न आग्रह गर्दै यसमा रुसको पूर्ण सहयोग रहने समेत बताएका थिए ।
आगामी प्रतिनिधि र प्रदेशसभा निर्वाचनको तयारी र सिट बाँडफाँडका विषयमा छलफल गर्न सत्तारुढ गठबन्धनको बैठक अहिले प्रधानमन्त्री निवास बालुवाटारमा बसिरहेको छ ।
बैठकमा राष्ट्रपतिबाट फिर्ता गरिएको नागरिकता विधेयकका विषयमा पनि छलफल भएको छ । त्यसैगरी नेकपा माओवादी केन्द्रका अध्यक्ष पुष्पकमल दाहालले वामदेव गौतम र बाबुराम भट्टराई आगामी निर्वाचनमा माओवादी केन्द्रबाट उम्मेदवार बन्ने विषयमा पनि गठबन्धनका अन्य दललाई जानकारी गराउनुभएको छ ।
मंसिर ४ गते हुने निर्वाचनका लागि दल दर्ताको म्याद आज सकिँदैछ ।
निर्वाचन आयोगले श्रावण २२ गतेदेखि दल दर्ता कार्यक्रम सुरु गरेको थियो ।आयोगले जारी गरेको सूचना अनुसार आज पार्टी दर्ताको अन्तिम दिन हो । निर्वाचन आयोगका प्रवक्ता शालिग्राम शर्मा पौडेलले निर्वाचनमा भाग लिन चाहने राजनीतिक दलले आजै कार्यालय समयभित्र दल दर्ता गरिसक्नुपर्ने बताउनुभएको छ । पौडेलका अनुसार श्रावण १९ गतेसम्म आयोगमा दर्ता भएका राजनीतिक दललाई प्रत्यक्ष र समानुपातिक निर्वाचनका लागि दर्ता गर्न दिइनेछ ।
आयोगका अनुसार हालसम्म ६२ दल दर्ता भइसकेको छ । दल दर्ताका लागि निवेदन दिँदा राजनीतिक दलको पूरा र छोटो नाम, स्थापना मिति, आयोगमा दर्ता भएको मिति, केन्द्रीय कार्यालयको ठेगाना, मेलिङ ठेगाना, टेलिफोन नम्बर, इमेल, वेबसाइट र सामाजिक सञ्जाल खाता निर्वाचन आयोगले पार्टीको केन्द्रीय कार्यसमिति, प्रदेश तथा जिल्ला कमिटीका पदाधिकारी तथा सदस्य संख्या, पार्टीले आयोगमा वार्षिक लेखापरीक्षण प्रतिवेदन बुझाएको मिति, पार्टीको पछिल्लो निर्वाचनको मिति उल्लेख गर्नुपर्नेछ । दल दर्ताका लागि केन्द्रीय तह र प्रदेश कार्यकारिणी समिति र पार्टीको केन्द्रीय स्तर तथा केन्द्रीय कार्यसमिति, प्रदेश तथा जिल्ला कार्यसमितिका पदाधिकारी तथा सदस्य संख्या समेत खुलाउनुपर्ने आयोगले जानेको छ ।
प्रतिनिधि सभाको एघारौँ अधिवेशन अन्तर्गतको ५५ औँ बैठक आज बिहान ११ बजे बस्दैछ। प्रतिनिधि सभाको आजको बैठकमा राष्ट्रपतिबाट सन्देश सहित फिर्ता भएको नागरिकता विधेयक सम्बन्धी जानकारी गराउने विषय आजको संसद बैठकको कार्यसूचीमा समावेश गरिएको संसद सचिवालयले जनाएको छ।
प्रतिनिधि सभाको आजको बैठकको सम्भावित कार्यसूचीको पहिलो नम्बरमा नै, प्रतिनिधि सभाको सचिवले सम्माननिय राष्ट्रपतिबाट पुनर्विचारका लागि नागरिकता विधेयक संदेश सहित फिर्ता भएको सम्बन्धमा राष्ट्रपतिको कार्यालयको पत्र जानकारी गराउनु हुने भन्ने विषय उल्लेख गरिएको छ।
राष्ट्रपतिबाट फिर्ता सन्देश सहितको नागरिकता विधेयकको पूर्णपाठ :
नेपाली सेना र अमेरिकी सेनाले आजदेखि एकमहिने संयुक्त सैन्य अभ्यास सुरु गर्ने भएको छ।
नेपाली सेनाको रेञ्जर गण र अमेरिकी सेनाको टुकडीबीच आजदेखि भाद्र ३१ गतेसम्म संयुक्त सैन्य अभ्यास हुने नेपाली सेनाको जनसम्पर्क तथा सूचना निर्देशनालयले जनाएको छ। छाउनी र नगरकोट इलाकामा नेपाली सेनाका ८० जना तथा अमेरिकी सेनाका १६ जना गरी जम्मा ९६ जनाले उक्त सैन्य अभ्यासमा सशस्त्र द्वन्द्वसम्बन्धी कानुन र सैन्य निर्णय प्रक्रिया लगायतका विषयमा सैन्य अभ्यास गर्नेछन्।
सन् २०१५ देखि नेपाली सेनासंग ‘ब्यालेन्स नेल’ र ‘टेकनेल’ सैन्य अभ्यास सुरु गरेको अमेरिकी सेनाको टुकडी क्याप्टेन ब्लेक डकाटेलको नेतृत्वमा सोमबार नेपाल आइसकेको छ ।
जल तथा मौसम विज्ञान विभाग,मौसम पूर्वानुमान महाशाखाका अनुसार हाल मनसुनको न्यून चापीय रेखा सरदर स्थान भन्दा दक्षिणमा अवस्थित रहेको छ।हाल देशका अधिकांश भू-भागमा आंशिक बदली रहको छ। प्रदेश १, बागमती प्रदेश र गण्डकी प्रदेशका एक-दुई स्थानमा हल्का वर्षा भइरहेको छ।
२०७९ श्रावण ३१ गते (मंगलबार)
दिउँसो : देशका पहाडी भू-भागमा आंशिक देखि सामान्य बदली रही बाँकी भू-भागमा आंशिक बदली रहनेछ। देशका पहाडी भू-भागका थोरै स्थानहरूमा र बाँकी भू-भागका एक-दुई स्थानमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ।
राती : देशका पहाडी भू-भागमा आंशिक देखि सामान्य बदली रही बाँकी भू-भागमा आंशिक बदली रहनेछ। देशका पहाडी भू-भागका थोरै र बाँकी भू-भागका एक-दुई स्थानहरुमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ।
२०७९ भदौ १ गते (बुधबार)
दिउँसो : देशका पहाडी भू-भागमा आंशिक देखि सामान्य बदली रही बाँकी भू-भागमा आंशिक बदली रहनेछ। प्रदेश १, बागमती प्रदेश र गण्डकी प्रदेशका केहि र बाँकी प्रदेशका एक-दुई स्थानमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ।
राती : देशभर आंशिक देखि सामान्य बदली रहनेछ। प्रदेश १, बागमती प्रदेश र गण्डकी प्रदेशका केहि तथा बाँकी प्रदेशका एक-दुई स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। गण्डकी प्रदेशका एक-दुई स्थानमा मेघ गर्जन/चट्याङ्ग सहित भारी वर्षाको समेत सम्भावना रहेको छ।
२०७९ भदौ २ गते (बिहीबार)
दिउँसो : देशभर आंशिक देखि सामान्य बदली रहनेछ। देशका पहाडी भू-भागका केहि र बाँकी भू-भागका थोरै स्थानहरुमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ । गण्डकी र लुम्विनी प्रदेशका एक-दुई स्थानमा मेघ गर्जन/चट्याङ्ग सहित भारी वर्षाको समेत सम्भावना रहेको छ।
राती : देशभर आंशिक देखि सामान्य बदली रहनेछ। प्रदेश १, मधेश प्रदेश, बागमती प्रदेश, गण्डकी प्रदेश र कर्णाली प्रदेशका केहि तथा बाँकी प्रदेशका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। गण्डकी, लुम्विनी र सुदूर-पश्चिम प्रदेशका एक-दुई स्थानमा मेघ गर्जन/चट्याङ्ग सहित भारी वर्षाको समेत सम्भावना रहेको छ।
आगामी २४ घण्टाका लागि चेतावनी तथा परामर्श
देशका पहाडी भू-भागमा आंशिक देखि सामान्य बदली रही बाँकी भू-भागमा आंशिक बदली रहनेछ। देशका पहाडी भू-भागका थोरै स्थानहरूमा र बाँकी प्रदेशका एक-दुई स्थानमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेकोले उक्त भू-भागहरूमा भू-क्षय, पहिरो तथा गेग्रान बहावको जोखिम रहेको छ। साथै नदी नाला तथा खहरे खोलाहरूमा पानीको सतह बढ्न सक्ने र दैनिक जनजीवन/ यातायात क्षेत्र समेत प्रभावित हुन सक्ने भएकोले आवश्यक सतर्कता अपनाउनु हुन अनुरोध छ।
नेपाल समाजवादी पार्टीका अध्यक्ष डा. बाबुराम भट्टराई र माओवादी केन्द्रका अध्यक्ष प्रचण्डबीच आइतबार खुमलटारमा भएको लामो छलफलपछि नेता भट्टराई पुन: एकपटक आलोचित बन्न पुगेका छन्। यतिबेला नेता भट्टराईको आलोचना गर्नेहरुले सामाजिक सञ्जाल भरिएको छ। तत्कालिन समयमा माओवादी पार्टी छोड्दा उनले दिएका अभिव्यक्तिहरुको भिडियोले सामाजिक सञ्जाल तताएको छ।आगामी निर्वाचनमा नेकपा माओवादी केन्द्रको चुनाव चिह्न र एउटै घोषणापत्रमा सहमति गरेर चुनाव लड्ने कुरा बाहिरिएपछि राजनीतिमा देखिएको भट्टराईको सैद्धान्तिक र वैचारिक विचलन छताछुल्ल भएको छ।
२०७० सालको दोस्रो संविधानसभा निर्वाचनमा माओवादीको चुनाव चिह्न हँसिया हथौडा लिएर अन्तिम पटक माओवादी पार्टीबाट चुनाव लडेका बाबुराम भट्टराई झण्डै एक दशकपछि पुन माओवादीकै गोलाकार भित्रको हँसिया हथौडा चिन्ह लिएर आगामी निर्वाचनमा जाने परिदृश्य खडा भएको छ। भत्किएर चुहिएको घरमा फर्केर जाने होइन, नयाँ घर बनाउने हो भनेर नयाँ शक्ति पार्टी खोलेर राजनीतिमा अगाडी बढेका भट्टराई फेरी त्यहि पुरानो भत्किएको र चुहिएको घर अगाडी झोली बोकेर उभिएका छन्।
माओवादीको राजनीतिक औचित्य सकिएको दाबी गरेका भट्टराईले नयाँ शक्ति पार्टीको स्थापनापछि पनि २०७४ को निर्वाचनमा गोरखाबाट नेपाली कांग्रेससँग गठबन्धन गरेर चुनाव जितेका थिए। त्यसपछि नयाँ शक्ति पार्टीलाई नै मधेसवादी दलहरुसंग विलय गराएर उनले वैकल्पिक राजनीतिक शक्ति निर्माणको अभियानमा क्रमिक रुपमा अशोक राई, उपेन्द्र यादव, राजेन्द्र महतो र महन्थ ठाकुरहरुसंग एकीकृत हुँदै जसपाको निर्माण गरे। अन्त्यमा आएर करिब एक महिना अघि मात्र उनले जसपाबाट पनि अलग्गिएर नेपाल समाजवादी पार्टीको स्थापना गरे।
हुन त राजनीतिमा आज असम्भव भनिएको कुरा नै भोलिको दिनमा सम्भव हुन्छ भनिन्छ। तर, शान्ति प्रक्रियामा आइसकेपछि पनि प्रचण्डले जनमुक्ति सेनाले प्रयोग गर्ने द्वन्दकालको हतियार विदेशी खुफिया एजेन्सीलाई बेचेर करोडौँ रुपैयाँ कुम्ल्याउन खोजेको, जनमुक्ति सेनालाई दिएको अर्बौं रुपैयाँ अपचलन गरेको र बाहिर-बाहिर राष्ट्रियताको कुरा गरेर भित्र-भित्रै विदेशी प्रभुको शरण परेको आरोप लगाएर माओवादी पार्टीबाट बाहिरिएका भट्टराई, कुनैबेला आफ़ुलेनै देशद्रोही र गद्दारको आरोप लगाएको प्रचण्डको खुमलटार दरबारमा शरण पर्न जानु र पटक- पटक आफैंले औँला उठाउँदै र विरोध गर्दै आएको माओवादीको त्यहि पुरानो वैचारिक धारमा टेकेर गोलाकार भित्रको हँसिया हथौडा लिएर चुनाव लड्ने सहमति जनाउनुले आजको दिनमा उनको विक्षिप्त राजनीतिक मानसिकतालाई भने प्रष्ट पारेको छ।
भीरबाट खस्न लागेका बाबुराम
माओवादी पार्टीबाट अलग भएपछी पनि बाबुराम भट्टराईले २०७४ को निर्वाचनमा गोरखाबाट नेपाली कांग्रेससँग गठबन्धन गरेर चुनाव जितेका थिए। चुनाव जितेको महिना दिन नबित्दै काँग्रेसको अस्तित्व सकियो अब रुखलाई जरै देखि उखेलेर फ्याँक्नुपर्छ भन्ने अभिव्यक्ति दिएका भट्टराई अन्त्यमा जसपाबाट काँग्रेसले नै नेतृत्व गरेको गठबन्धन सरकारमा सामेल भए। तर जसपाबाट अलग्गिएपछि गठबन्धनबाट स्वतः बाहिरिएका भट्टराईले आगामी निर्वाचनमा आफ्नो सिट सुरक्षीत गर्न शेरबहादुर देउवासंग गठबन्धनमा नै रहने गरि छलफल अगाडी बढाए। तर गठबन्धनमा काँग्रेसले चुनावि सहयोग नगर्ने संकेत पाएका भट्टराई अन्तत पुन: माओवादीकै शरणमा पुगेका छन्। २०७४ को चुनावमा गोरखा–२ बाट उम्मेदवार बनेका माओवादी केन्द्रका उपाध्यक्ष नारायणकाजी श्रेष्ठलाई ६८७४ मतको फराकिलो अन्तरले पराजित गरेका तत्कालिन नयाँ शक्ति पार्टीका अध्यक्ष डा. बाबुराम भट्टराईलाई आगामी निर्वाचनमा अन्य कुनै राजनीतिक दलको समर्थन बिना चुनाव जित्नु भनेको विल्कुलै असम्भव बनेको छ। बदलिँदो राजनीतिको यो परिवेशमा अब बाबुराम भट्टराईलाई आफ्नो राजनीतिक अस्तित्व जोगाउन पनि हम्मे- हम्मे परेको छ। राजनीतिक अस्तित्व जोगाउनकै निम्ति भनेपनि अब उनलाई प्रचण्डको फेर समातेर संसद भवन छिर्ने बाहेक अन्य कुनै विकल्प छैन। मधेशवादी दलको ढोका सदाका लागि बन्द गरेर निस्किएका बाबुराम भट्टराईको अगाडि अब मात्र दुई वटा विकल्प छ। पहिलो भनेको काँग्रेस,एमाले वा माओवादी पार्टीमा प्रवेश गर्नु र दोस्रो विकल्प भनेको प्रचण्डलाई रिझाएर गठबन्धनको फेर समातेर हिंड्नु । यी दुई विकल्प बिना बाबुराम भट्टराईको संसदीय राजनीति सदाको लागि अन्त्य हुने निश्चित छ ।
भट्टराईले जनतालाई बेवकुफ बनाए !
द्वन्दकालमा लामो समय सँगै सहयात्रा गरेर छुट्टिएका प्रचण्ड र बाबुराम राजनीतक स्वार्थको लागि पुन: एक आपसमा मिल्नुलाई नेपालको राजनीतिमा कुनै ठुलो संयोग र आश्चार्य मान्नुपर्दैन। तर हिजो पार्टीभित्रको जुन विचार र सिद्धान्त खराब भयो भनेर आलोचना गर्दै पार्टीबाट नै बाहिरीए, आज आएर एक्कासी त्यहि विचार बोकेको पार्टीको घोषणापत्र च्यापेर हिंड्दै गर्दा माओवादी सुध्रिएको हो कि बाबुराम भट्टराई बिग्रिएका हुन् ,यसको जवाफ उनले जनतालाई दिनुपर्छ। जङ्गलबाट मुलधारको राजनीतिमा आइसकेपछि पनि, हिजो देश र जनताको लागि माओवादीले अङ्गीकार गरेका नीति र विचारहरु ठिक छैनन् भनेर देश र जनताको निम्ति नयाँ शक्तिको निर्माणमा निस्किएका बाबुराम भट्टराई फेरी कुन नैतिकताले त्यहि पुरानै वाद र सिद्धान्तको झोला बोकेर जनताको घर दैलोमा भोट माग्न जाने ? जनतालाई माओवादीको विचारधारा ठिक भएन भनेर वर्षै पिच्छे नयाँ-नयाँ पार्टीको नुहारन गरेर हिंड्ने अनि अहिले आएर राजनीतिप्रतिको आम नागरिकको आस्था र विश्वाशमा खेलबाड गर्ने ? यो बीचमा माओवादीको विचार र सिद्धान्त फेरिएको हो कि बाबुराम भट्टराई फेरिएका हुन्, यसको जवाफ जनतालाई दिनुपर्छ। होइन भने विचार र सिद्धान्तबाट नै स्खलित भएर आफ्नो स्वार्थको निम्ति इमान बन्दकी राख्दै देश र जनताको विश्वाश लिलाम गर्न निस्किएका भट्टराईहरुलाई जनताले बहिष्कार किन नगर्ने ? बाबुराम भट्टराईले भन्ने गरेको माओवादीको नीति र विचार साँच्चिकै देश र जनताको लागि बेठिक थियो कि भट्टराई स्वयंको लागि बेठिक थियो अब जनताले जवाफ खोज्नुपर्ने बेला आएको छ।
प्रचण्डले राम-राम भन्लान् कि काँध थाप्लान् ?
बुलेटदेखि ब्यालेटसम्मको लामो संघर्षपूर्ण यात्रा तय गरेर २०६४ को निर्वाचनमा सबैभन्दा ठुलो पार्टी बनेर नेपालको राजनीतिमा उदाएको नेकपा माओवादी २०७४ को निर्वाचनसम्म आइपुग्दा विभिन्न टुक्रामा विभाजित हुनपुग्यो। पार्टीकै शिर्ष नेता मानिएका मोहन वैध,विप्लव,बाबुराम र बादलहरु विस्तारै पार्टीबाट अलग हुँदै गए। पार्टीभित्रको एकतन्त्रीय शासन, सत्ता मोह र परिवारवादको आरोप खेप्दै आएका प्रचण्डलाई पछिल्लो समय पार्टीको अस्तित्व जोगाइराख्न पनि अन्य राजनीतिक दलको फेर समातेर हिंड्नु परेको छ। यो अवस्थामा हिजो लामो समय सँगै सहयात्रा गरेका बाबुराम भट्टराई पुन: पार्टीमा आए भने यो एक हिसाबले माओवादीको लागि राजनीतिक रुपमा र वैचारिक रुपमा पनि ठुलो जित हुनेछ। यसले पार्टीबाट निराश भएर अलग्गिएको आम कार्यकर्ताको एउटा ठुलो पंक्ति फेरी पार्टीमा फर्केर आउने वातावरण निर्माण गर्न सहज भूमिका खेल्नेछ। तर द्वन्दकालमा लामो समय संगै विताएका प्रचण्ड र बाबुराम दुवैलाई एक अर्काको कम्जोरी र नराम्रो बानि राम्रोसंग थाहा छ। द्वन्दकालमै बाबुराम भट्टराईमाथि भएको पार्टीको आन्तरिक कारवाहीको कुरादेखि, अलग्गिएर नयाँ शक्ति स्थापनाको कुरासम्म आइपुग्दा देखिएका अन्तरविरोधले अझै पनि कता कता दुवै जना एक-अर्काप्रति शसंकित हुने परिवेशको अन्त्य भने भएको छैन। त्यसमाथी पनि बाबुराम भट्टराईलाई संगै लैजान हुँदैन भन्ने माओवादी केन्द्र भित्रको एउटा तप्का अझै पनि छ, जसले बाबुराम भट्टराईलाई माओवादीमा फर्किनबाट रोक्न सक्छ। अब यी तमाम घटनाक्रमहरुबीच प्रचण्डले बाबुरामलाई अप्ठेरो परेको बेला जे भएपनि पुरानो सहकर्मी हो भनेर काँध थाप्छन् या पार्टीभित्रै अन्तरविरोधको सिर्जनाले फेरी एक्लो हुने र भएको पार्टी पनि टुक्रिने डरले राम-राम मात्र भनेर बस्छन् त्यो भने हेर्न बाँकी नै छ।
सत्तारुढ दल नेपाली काँग्रेस, माओवादी केन्द्र र एकीकृत समाजवादीले बञ्चरेडाँडामा फोहोर फाल्न नदिने घोषणा गरेका छन्।
धादिङ धुनिवेशी नगरपालिका–१ का कांग्रेस सभापति पूर्णबहादुर तामाङ, माओवादी केद्रका अध्यक्ष विष्णु तामाङ र एकीकृत समाजवादीका अध्यक्ष भीषण धितालले संयुक्त रुपमा व्यक्तव्य जारी गर्दै बञ्चरेडाँडामा फोहोर फाल्न नदिन घोषणा गरेका हुन्।
विगत १७ वर्षदेखि राज्यले काठमाडौँ उपत्यकाको फोहोर सिसडोल र बञ्चरेडाँडामा अव्यवस्थित तरिकाले फाल्दै आएको र फोहोरको कारण स्थानिय बासिन्दाको जीवन कष्टकर बन्नुका साथै उनीहरु दीर्घरोगले पीडित भएको विज्ञप्तिमा उल्लेख गरिएको छ। साथै स्थानीय बासिन्दाले उचित माग राख्दै विभिन्न समयमा गरेको आन्दोलन पश्चात काठमाडौं महानगर लगायत राज्यको विभिन्न अङ्गसंग पटक पटक गरेर अहिले सम्म १७४ वटा सहमति भएको तर सम्बन्धित निकायले सहमति कार्यान्वयन गर्न नचाहेको र राज्यको आफ्नै निकायले गरेको सम्झौता पूरा गर्नुको साटो उल्टै राज्य शक्तिको दुरुपयोग गरेर पीडित जनतामाथि प्रहरी प्रशासन घरभित्रै पसेर ज्यादती गरेको र झुट्टो अभियोग लगाएर दुख दिन खोजेको पनि विज्ञप्तिमा उल्लेख गरिएको छ। यी तमाम घटनाहरुकोबीच महानगर र राज्यसंग आफ्नो विश्वास गुमेको भन्दै स्थानिय बासिन्दाले फोहोर मैला दिर्घकालिन रुपमा बन्द गर्न राजनैतिक दलले नेतृत्व लिनुपर्ने माग गरेकाले सत्ता गठबन्धनको तर्फबाट आफुहरुले सो विषयमा सहमति गरेको बताइएको छ। आफुहरुको मागलाई गम्भीरताको साथ नलिए आगामी संघ र प्रदेशको निर्वाचन बहिष्कार अभियानमा लाग्ने चेतावनी दिंदै, पिडित जनताहरु अहिले पनि आन्दोलनमा नै भएकोले हामीपनि आजकै दिनबाट उक्त आन्दोलनमा सहभागी जनाउने निर्णय गरेका छौँ भनि सत्तारुढ तिनै दलका नेताहरुले सहमति गरेका छन्।
प्रतिनिधिसभा र राष्ट्रिय सभाले पारित गरेर सभामुख अग्निप्रसाद सापकोटाले प्रमाणीकरणका लागि राष्ट्रपति समक्ष पेश गर्नुभएको नागरिकता विधेयक पुन: संसदमै फिर्ता पठाइएको छ। राष्ट्रपति विद्यादेवी भण्डारीले नागरिकता विधेयकमाथि पुनर्विचार गर्न आवश्यक रहेको भन्दै पुन: संसदमा फिर्ता पठाइएको नागरिकता विधेयक अब के हुन्छ भन्ने प्रश्न उठेको छ। तर नेपालको संविधानले निर्दिष्ट गरेको कानुनि प्रावधान अनुसार राष्ट्रपतिलाई प्रमाणीकरणको लागि पेश गरिएको अर्थ विधेयक बाहेक अन्य कुनै पनि विधेयकमा पुनर्विचार हुनु आवश्यक छ भन्ने लागेमा राष्ट्रपतिले संविधानको धारा ११३ को उपधारा ३ बमोजिम उक्त विधेयक संसदमा फिर्ता पठाउन सक्ने व्यवस्था रहेको छ।
अब राष्ट्रपतिले यसरि फिर्ता पठाएको विधेयकको बारेमा पनि नेपालको संविधानको धारा ११३ को उपधारा ४ मा ”राष्ट्रपतिले कुनै विधेयक सन्देश सहित फिर्ता गरेमा त्यस्तो विधेयकमाथि दुवै सदनले पुनर्विचार गरी त्यस्तोे विधेयक प्रस्तुत रूपमा वा संशोधन सहित पारित गरी पुनः पेश गरेमा त्यसरी पेश भएको पन्ध्र दिनभित्र राष्ट्रपतिले प्रमाणीकरण गर्नेछ। ” भन्ने व्याख्या गरेको छ। अब संविधानको यहि प्रावधानलाई टेकेर प्रतिनिधि सभा र राष्ट्रिय सभाले सो विधेयकलाई पुरानै ढाँचा वा संसोधन सहित पुन: राष्ट्रपति समक्ष प्रमाणिकरणको लागि पेश गर्न सक्नेछ। त्यसरी पुन: प्रमाणिकरणको लागि आएको विधेयक राष्ट्रपतिले १५ दिन भित्र प्रमाणिकरण गर्ने भनेर व्याख्या गरिएको छ। यसरी पुन:प्रमाणिकरणको लागि आएको विधेयक फिर्ता गर्ने कानुनि अधिकार भने राष्ट्रपतिलाई दीइएको छैन।
प्रतिनिधिसभा र राष्ट्रिय सभाले पारित गरेर सभामुख अग्निप्रसाद सापकोटाले प्रमाणीकरणका लागि राष्ट्रपति समक्ष पेश गर्नुभएको नागरिकता विधेयक पुन: संसदमै फिर्ता पठाइएको छ।
राष्ट्रपति विद्यादेवी भण्डारीले नागरिकता विधेयकमाथि पुनर्विचार गर्न आवश्यक रहेको भन्दै पुन: संसदमा फिर्ता पठाउनुभएको राष्ट्रपति कार्यालयले जारी गरेको विज्ञप्तिमा उल्लेख गरिएको छ।
राष्ट्रपति कार्यालयले जारी गरेको विज्ञप्तिमा नेपालको संविधानको धारा ११३ को उपधारा २ बमोजिम प्रमाणीकरणका लागि पेश हुन आएको नेपालको नागरिकता ऐन २०६३ लाई संसोधन गर्न बनेको विधेयकमा संघिय संसदबाट पुनर्विचार हुनु आवश्यक देखिएकोले नेपालको संविधानको धारा ११३ को उपधारा ३ बमोजिम संदेश सहित उक्त विधेयक प्रतिनिधि सभामा नै फिर्ता पठाइएको उल्लेख गरिएको छ।
इतिहासको कुनै एक कालखण्डमा राजा महाराजाहरुको कानुनी व्यवस्था यति न्यायोचित र लोकप्रिय थिए कि,कसैलाई अन्यायपूर्ण व्यवहार भएमा उचित न्यायको लागि गोरखा जानु ” न्याय नपाए गोर्खा जानु ” भन्ने त्यो बेलाको बोली आज पनि हाम्रो समाजमा उत्तिकै प्रख्यात छ। सुन्दा पनि कथा जस्तो लाग्ने नेपाली इतिहासमा यस्ता दिनहरु पनि थिए, कि कुनै समय यहाँ दौडिएर राजा हुनेहरुले पनि शाषन चलाए। त्यो बेला आजको जस्तो अड्डा अदालत र न्यायलय थिएन। दरबारमा बसेर शाषन गरेका ति राजा महाराजाहरुले पनि धर्म चौतारा मुनि बसेर झुपडीमा बस्नेहरुलाई न्याय दिलाए। तर गणतन्त्रका छोटे राजाहरुले शाषन गरेको आजको देशमा नयायका नाममा मुर्दा शून्य कंक्रिटका ठुला ठुला इमारतहरु मात्र खडा गरिए, न्याय स्थापना गर्न सकिएन। विधिको शाषन कानुनि राज्यको उपहास बनेको छ। ” न्याय नपाए गोर्खा जानु ” भन्ने त्यो बेलाको बोली फेरिएर अहिले त ”ठुलालाई चैन र सानालाई ऐन” बनेको छ। न्यायलयभित्रै पनि हुनेखाने र भए खानेहरुबिच एउटा ठुलो खाडल बनेको छ।
झण्डै तिन बर्ष लामो समय सम्म न्यायलयको ढोको घचघच्याउँदा-घचघच्याउँदै थाकेर जीवनदेखि नै हार मानेकी एक निरिह आमाले राज्यकै ठुलो र सर्वश्रेष्ठ निकाय राष्ट्रपति भवन अगाडी आत्मदाहको प्रयास गरिन। काखमा दुधे बालक च्यापेर न्यायको शितल छहारी खोज्दै शितल निवास पुगेकी निहारिका राजपुत अन्तत जिन्दगीसंगै हार मानेर तातो आगोमा आफुलाई जलाउन तयार भइन। शुक्रबार शितल निवास अगाडि देखिएको त्यो दृश्य निकै टिठ लाग्दो र कारुणिक थियो ।
यो घटना २०७६ साल कात्तिकको हो ।महोत्तरी जलेश्वरकी १७ वर्षिया निहारिका राजपुत कक्षा ११ मा पढ्दै गर्दा, सधैंको जस्तै एकदिन उनि आफूसँगै पढ्ने साथीको घरमा गृहकार्य गर्न गएको बेला, आफ्नै साथीको दाई धनुषा क्षीरेश्वरनाथ नगरपालिका– ३ का २३ वर्षीय शिवराज श्रेष्ठले नसालु पदार्थ पिलाएर बलात्कार गरेको र सो घटनाको तस्वीर र भिडियो पनि बनाएको भन्दै घटना भएको १४ दिनमै जाहेरी दिन प्रहरी कार्यालय पुगिन। यो बिचमा श्रेष्ठले घटनाको अश्लील फोटो र भिडियो सबैका सामुन्ने देखाइदिने भन्दै उनलाई डर र धम्की दिन थालेको थियो भने, इज्जत जाला भन्ने डरले उनको आफ्नै परिवारले पनि घटना लुकाउने प्रयास गर्यो । मेडिकल जाँचको क्रममा उनी गर्भवती भएको पत्ता लागेपछि उनलाई गर्भपतन गराउन चौतर्फी दबाव आउन थाल्यो । तर निहारिकाले यी सबका बाबजुद पनि कानुनि बाटो रोजिन र २०७६ माघ १९ गते ‘नारी अस्मिताको रक्षा गरी जीवन रक्षा गरी पाऊँ’ भनि जिल्ला प्रहरी कार्यालय धनुषामा निवेदन दीइन् र ‘हक–अधिकार दिलाइ पाऊँ’ भनि पुन: अर्को निवेदन २०७६ फाल्गुन ११ गते जिल्ला प्रहरी कार्यालय धनुषामा नै दर्ता गरिन। यहिबीच २०७७ साल भदौ ५ गते उनले छोरालाई जन्म दिइन् । अन्तत निहारिकाको मुद्दामा जिल्ला अदालत धनुषाका तत्कालिन जिल्ला न्यायाधीश परशुराम भट्टराईले २४ माघ २०७८ मा श्रेष्ठविरुद्ध जबर्जस्ती करणीको अभियोग दाबी नपुग्ने भन्दै शिवराज श्रेष्ठलाई सफाइ दिए।
त्यसपछि पीडकलाई अदालतले सफाइ दिएको भन्दै उनले पुन:उच्च अदालत जनकपुरमा पुनरावेदन दर्ता गराइन। तर पुनरावेदन चढाएको ६ महिना बितिसक्दा पनि पेसी सरेको–सर्यै भएपछि न्यायको मागसहित उनि पहिलोपटक गत २७ जेठमा सात दिन अनशन बसिन। सो क्रममा सरकारसंग,
१. प्रतिवादी शिवराज श्रेष्ठ र अनशनकर्ता निहारिकाका छोराको डिएनए परीक्षणको कानुनी प्रक्रिया अघि बढाउन पहल गर्ने।
२. अनशनकर्ता र उनको छोराको सुरक्षा।
३. आवास व्यवस्थापनका लागि गृह मन्त्रालय र महिला, बालबालिका तथा ज्येष्ठ नागरिक मन्त्रालयमार्फत पहल गर्ने।
४. अनशनकर्ताको आर्थिक सहायताका लागि गृह मन्त्रालयमार्फत पहल गर्ने।
५. राज्यका सम्पूर्ण निकायका कानुन पीडित मैत्री बनाउन पहल गर्ने।
लगायतका सहमति गरेर राष्ट्रिय महिला आयोगको पहलमा गृहमन्त्री बालकृष्ण खाणले उनलाई जुस पिलाएर अनशन तोडाएका थिए ।
तर यता सरकारले सहमति कार्यान्वयन नगर्ने र उता उच्च अदालत जनकपुरले पेसी सारेको सार्यै गर्ने गरेपछि दोस्रोपटक उनले पुन: अनशन सुरु गरिन। सर्वोच्च अदालत अगाडि अनशनमा बस्दा प्रहरीले उनलाई जबर्जस्ती बल प्रयोग गरेर हटायो भने सिंहदरबार अगाडि धर्ना बसेको बेलामा पनि उनलाई प्रहरीले पक्राउ गर्यो। त्यसो त माइतीघर मण्डलामा अनसन बसेको समय रातिको १० बजे उनलाई अपराधि सरह हत्कडी नै लगाएर प्रहरीले पक्राउ गरेको थियो। सो क्रममा प्रहरीले उनलाई र बच्चालाई समेत कुटपिट गरेको उनको आरोप रहेको छ।
अन्तत न्यायका खातिर गरिएका यी तमाम प्रयासहरुबाट हार मानेर निहारिकाले बाँच्न भन्दा मर्नु नै उत्तम र सजिलो मानिन सायद, शुक्रबार सितल निवास अगाडी उनले आफ्नै शरीरमा पेट्रोल खनाएर आत्मदाहको प्रयास गरिन। गणतन्त्रका छोटे राजाहरुको न्याय प्रणालीमा न्यायलयबाटै अन्याय भोगेकी निहारिकाले के अब साँच्चिकै बाँच्न पनि नपाउने हो त ? न्यायका खातिर आवाज उठाउँदै गर्दा माइतिघर बाट लखेटिएर बसन्तपुर र सिंहदरबार हुँदै अन्त्यमा शितल निवास पुगेकी निहारिकाले न्यायको लागि अझ क-कसको चौखट धाउनुपर्ने हो ? कति दिन अझै सडकमा दुधे बालक लिएर भोक भोकै संघर्ष गर्नुपर्ने हो ? अझै कति पटक प्रहरीको निर्मम यातना भोग्नुपर्ने हो ?
नेपाली कांग्रेसले आगामी प्रतिनिधि सभा र प्रदेश सभाको निर्वाचनमा उम्मेदवार मनोनयनको औपचारिक पत्र पठाउने जिम्मा पार्टी सभापति शेरबहादुर देउवालाई दिएको छ ।
पार्टी केन्द्रीय कार्यालय सानेपामा बसेको केन्द्रीय कार्यसम्पादन समितिको बैठकले प्रतिनिध सभा र प्रदेश सभाको निर्वाचनका लागि प्रत्यक्ष र समानुपातिक उम्मेदवारको नाम प्रस्ताव र सिफारिश गर्न केन्द्रीय कार्यालयमार्फत निर्देशन दिने तर मनोनयनको पत्र पठाउने अन्तिम जिम्मा सभापति देउवालाई प्रदान गर्ने निर्णय गरेको छ।
त्यसैगरी,आजको बैठकले निर्वाचनमा भाग लिन पार्टी दर्ता गर्ने प्रक्रियाको जिम्मा कार्यालयका मुख्य सचिव कृष्ण पौडेललाई दिएको छ । बैठकले निर्वाचन केन्द्रित राष्ट्रव्यापी अभियान भदौ १० गतेदेखि २४ गतेसम्म सञ्चालन गर्ने निर्णय पनि गरेको छ।
नेपाली कांग्रेसका थारु नेताहरुको दबाबपछि प्रधानमन्त्री देउवाले टीकापुर घटनाबारे आवश्यक प्रक्रिया अगाडि बढाउन गृहमन्त्रीलाई निर्देशन दिएका छन् ।
टीकापुर घटनाका विषयमा सरकारले थारु कल्याणकारी सभाका पदाधिकारीसँग छलफल समेत अगाडी बढाएको छ । गृह मन्त्रालयका प्रवक्ता फनिन्द्रमणि पोखरेलले केपी शर्मा ओली नेतृत्वको सरकारसँग भएको ६ बुँदे सहमति कार्यान्वयन गर्ने विषयमा छलफल भएको समेत बताउनुभएको छ ।
टीकापुर घटना र रेशम चौधरीलगायत कैदीबन्दीको रिहाइका विषयमा छलफल केन्द्रित भएको र टीकापुर घटना राजनीतिक मुद्दा भएकाले राजनीतिक रुपमा समाधान गर्न आग्रह गरेको काँग्रेस निकट थारु नेताहरुले बताएका छन्। कांग्रेसका थारु नेताहरूले संघीय र प्रदेशको निर्वाचनमा रेशम चौधरीको पार्टी ठूलो फ्याक्टर बनेको र कांग्रेसको नेतृत्वमा उनी रिहा भए चुनावमा फाइदा पुग्ने र थारु नेताहरुको भोट सुरक्षित हुने समेत बताएका छन् ।
पूर्वसभासद तथा केन्द्रीय सदस्य रुक्मिणी चौधरीले पनि केपी ओली नेतृत्वको सरकारमा भएको सम्झौता वर्तमान सरकारले कार्यान्वयन गर्नुपर्ने बताउनुभएको छ। काङ्ग्रेसका थारु नेताहरूले टीकापुर घटनाको सम्बन्धमा अघिल्लो सरकारले गरेको सम्झौतालाई पालना गर्न प्रधानमन्त्रीलाई सुझाव दिएका थिए । प्रधानमन्त्री देउवाले पनि पार्टी निकटका थारु नेताहरुलाई कानुनी प्रक्रियाबाटै समाधान गर्ने आश्वासन पनि दिनुभएको छ ।
मंसिर ४ गते हुने प्रतिनिधिसभा र प्रदेशसभा निर्वाचनका लागि १ लाख २० हजार म्यादी प्रहरी भर्नाको प्रस्ताव गरिएको छ ।
निर्वाचन सुरक्षार्थ ४० दिनको म्याद/ करार अवधि रहने गरि प्रहरी प्रधान कार्यालयले म्यादी प्रहरी भर्नाको प्रस्ताव गृह मन्त्रालयमा पेस गरेको छ। प्रतिनिधिसभा र प्रदेशसभाका मतपेटिका छुट्टाछुट्टै हुने भएकाले स्थानीय तह निर्वाचनमा भन्दा बढी संख्यामा म्यादी प्रहरी भर्ना गर्न आवश्यक देखिएको र सोही अनुसार संख्या निर्धारण गरेर गृह मन्त्रालयमा प्रस्ताव पेस गरिएको प्रहरी प्रधान कार्यालयले जनाएको छ।
यसअघिका निर्वाचनमा खटिएका म्यादी प्रहरी र पूर्व-सुरक्षाकर्मीलाई पहिलो प्राथमिकतामा राखिने पनि प्रहरी प्रधान कार्यालले जनाएको छ। स्थानिय निर्वाचनलाई नै आधार मानेर आगामी निर्वाचनमा खटिने सुरक्षाकर्मीको सुविधा निर्धारण गरिने पनि जनाइएको छ। स्थानिय निर्वाचनमा म्यादी प्रहरीको लागि ४० दिनको एकमुष्ट ३० हजार २ सय ४० रुपैयाँ, पोसाकभत्तावापत ६ हजार रुपैयाँ, रासन भत्ताबपत एकमुष्ट ७ हजार २ सय रुपैयाँ र यातायात भाडाबाट एक पटकका लागि १ हजार रुपैयाँ उपलव्ध गराउने गरी सुविधा निर्धारण गरिएको थियो । तर श्रावण १ गते बाट सबै राष्ट्रसेवक कर्मचारीको तलब १५ प्रतिशतले वृद्धि भएका कारण म्यादी प्रहरीको तलब पनि सोहीअनुसार निर्धारण गर्न सकिने उल्लेख गरिएको छ।
नेपाली कांग्रेसको केन्द्रीय कार्य सम्पादन समितिको बैठक आज सानेपास्थित पार्टी केन्द्रीय कार्यालयमा बस्ने भएको छ।
सभापति शेरबहादुर देउवाले बिहान ९ बजे केन्द्रीय कार्य सम्पादन समितिको बैठक आहवान गर्नुभएको प्रवक्ता डा. प्रकाशशरण महतले जानकारी दिनुभएको छ।
आगामी मंसिर ४ गते हुने निर्वाचन प्रयोजनका लागि दल दर्ताको निर्णय गर्न ,निर्वाचनको तयारीको विषयमा छलफल गर्न र श्रावण ३० र ३१ गते गर्ने भनिएको जनप्रतिनिधिको प्रशिक्षणको विषयमा छलफल गर्न बैठक आहवान गरिएको समेत प्रवक्ता महतले जानकारी दिनुभएको छ।
जल तथा मौसम विज्ञान विभाग,मौसम पूर्वानुमान महाशाखाका अनुसारआज देशभर आंशिक देखि सामान्य बदली रहनेछ। देशका पहाडी भू-भागका केही र बाँकी भू-भागका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। प्रदेश नं १ र बागमती प्रदेशका एक-दुई स्थानमा भारी वर्षाको सम्भावना रहेको छ।
त्यसैगरी,आज राति देशका पहाडी भू-भागमा सामान्य बदली रही बाँकी भू-भागमा आंशिक बदली देखि सामान्य बदली रहनेछ। प्रदेश नं १, बागमती प्रदेश, गण्डकी प्रदेशका केही र बाँकी प्रदेशका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। गण्डकी प्रदेशको थोरै र प्रदेश नं १, बागमती प्रदेश र लुम्बिनी प्रदेशका एक-दुई स्थानमा भारी वर्षाको सम्भावना रहेको छ।
सत्तारुढ गठबन्धनले आगामी निर्वाचनको लागि सिट बांडफांड गर्न कृष्ण प्रसाद सिटौला संयोजक रहने गरि गठन गरेको ११ सदस्यीय कार्यदलले सिट बांडफांडको लागि सैदान्तिक सहमतिको आधारहरु तय गरेको छ।
प्रधानमन्त्रीको सरकारी निवास बालुवाटारमा बसेको कार्यदलको बैठकले २०७४ को निर्वाचनमा प्रत्यक्ष र समानुपातिकमा पाएको मत र शीर्ष नेताहरूको निर्वाचन क्षेत्रको संवेदनशीलतालाई ख्याल गरेर सिट बांडफांडको मोडालिटी तय गरिने सैदान्तिक सहमति गरेको हो ।
२०७४ को निर्वाचनमा पार्टीका शीर्ष भनिएका नेताहरु नै पराजित भएर संसद बाहिर रहनुपरेको वर्तमान अवस्थालाई ध्यानमा राख्दै शीर्ष नेताहरुलाई जित दिलाउने गरि सिट बांडफांडको मोडालिटी तय गरिने सहमति गरिएको हो। कांग्रेसका विमलेन्द्र निधि, पूर्णबहादुर खड्का, डा. शेखर कोइराला, कृष्ण सिटौला, विश्वप्रकाश शर्मा, आरजु राणा, रमेश लेखक, डा. प्रकाशशरण महतलगायतका नेताहरु अहिले संसद बाहिर रहेका छन् भने गठबन्धन दलका अन्य महत्वपूर्ण मानिएका नेताहरु पनि संसद बाहिर छन्।
वैदिक सनातन धर्म र संस्कृती अनुसार हिन्दु धर्मावलम्बीहरुले हरेक वर्ष श्रावण शुक्ल पूर्णिमाका दिन जनै पूर्णिमा (ऋषि तर्पणी), रक्षाबन्धन पर्व मनाउने गरेका छन्। आज देशभरका विभिन्न मन्दिर र तिर्थस्थलहरुमा मेला लाग्ने गरेको छ। आजको दिन नजिकैको तिर्थस्थल,नदी, ताल, तलाउ, पोखरीमा गई स्नान गरेर गुरु पुरोहितबाट जनै तथा डोरो धारण गर्ने गरिन्छ। यसरि आजको दिनमा धारण गरेको जनै र पुरोहितले,” येन बद्धो वलीराजा दानवेन्द्रो महावलस्, तेन त्वां प्रतिबध्नामि रक्षे मा चल मा चल” भन्ने मंत्रोच्चारण गरेर नाडीमा बाँधीदिने डोरोले नकारात्मक तत्वबाट सुरक्षा प्रदान गर्ने धार्मिक विश्वास रहिआएको छ। सत्ययुगमा दानवद्वारा लखेटिएका देवगणलाई दानवहरुबाट रक्षा गर्न गुरु वृहस्पतिले डोरो बाँधिदिएको भन्ने पौराणिक कथन पनि रहेको छ। आजको दिन नाडीमा बाँधेको डोरो, गाई तिहारका दिन गाइको पुच्छरमा बांधिदिनाले वैतरणी पार गरिने विश्वाश पनि रहिआएको छ।
येन बद्धो वलीराजा दानवेन्द्रो महावलस् तेन त्वां प्रतिबध्नामि रक्षे मा चल मा चल अर्थात्: “जुन रक्षा (काँचो धागोबाट बनेको डोरो )ले दानवहरूको महान् राजा बलिलाई बाँधिएको थियो, म तिमीलाई त्यही धागोले बाँध्दछु, यो रक्षा बन्धनले तिम्रो सदैव रक्षा गर्नेछ ।”
बाल्यकाल पश्चात् विधिपूर्वक व्रतबन्ध कर्म गरेका ब्राह्मण र क्षत्रिय पुरुषहरूले आजको दिन जनै फेर्ने प्रचलन रहेको छ। जनैमा रहने दुई वटा शिखाका छ वटा डोरा मध्ये एउटा शिखामा रहेका तीन डोरालाई ब्रह्मा, विष्णु र महेश्वर तथा अर्को शिखाको तीन डोरालाई कर्म, उपासना र ज्ञानको योग मानिन्छ । जनै फेरेर अरुन्धतीसहित कश्यप, अत्रि, भारद्वाज, विश्वामित्र, गौतम, जमदग्नि, वशिष्ठ र अगस्त्य गरी आठ ऋषिको पूजा-आराधना गरी तर्पण दिने भएकाले आजको दिनलाई ऋषितर्पणी पनि भन्ने गरिन्छ।
आज दिदीवहिनीहरुले आफ्ना दाजु-भाइको दिर्घायू र सफलताको कामना गर्दै हातको नाडीमा रक्षा बन्धन अर्थात राखी लगाईदिने चलन पनि रहेको छ । विशेष गरि नेपालको तराई क्षेत्रमा राखीको महत्त्व बढी रहेको छ ।
आजको दिन, दुई दिन अघिदेखि पानीमा भिजाई राखिएको ९ प्रकारका गेंडागूडिहरु (मुंग, मास, भटमास, केराउ, चना, सिमी, बोडी,राजमा र बकुल्लो लगायतका गेडागूडिहरु ) टुसा उमारेर पकाएर क्वाँटी बनाएर खाने गरिन्छ। यसरी विभिन्न थरी गेडागुडी मिसाएर बनाइएको क्वाँटीको रस खाएमा शरीरमा रोग प्रतिरोधी क्षमता वृद्धि हुने र शरीर स्वस्थ र बलियो रहने धार्मिक एवं आयुर्वेद शास्त्रीय मान्यता पनि रहेको छ ।
जल तथा मौसम विज्ञान विभाग,मौसम पूर्वानुमान महाशाखाका अनुसार हाल मनसुनको न्यून चापीय रेखा पूर्वतर्फ सरदर स्थानको आसपास तथा पश्चिमतर्फ सरदर स्थान भन्दा दक्षिणमा अवस्थित रहेको छ।
हाल देशको प्रदेश नं १, मधेस प्रदेश र बागमती प्रदेशमा आंशिक बदली तथा बाँकी प्रदेशका भू-भागहरुमा सामान्य देखि पूर्ण बदली रही गण्डकी प्रदेश, लुम्बिनी प्रदेश, कर्णाली प्रदेश र सुदूर पश्चिम प्रदेशका पहाडी भू-भागका थोरै स्थानहरुमा मेघ गर्जन/चट्याङ्ग सहित हल्का देखि मध्यम वर्षा भइरहेको छ।
२०७९ श्रावण २६ गते (बिहीबार)
दिउँसो : देशभर आंशिक देखि सामान्य बदली रहनेछ। देशका पहाडी भू-भागका केही र बाँकी भू-भागका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। बागमती र कर्णाली प्रदेशका एक-दुई स्थानमा भारी वर्षाको सम्भावना रहेको छ।
राती : देशका पहाडी भू-भागमा आंशिक देखि सामान्य बदली र बाँकी भू-भागमा आंशिक बदली रहनेछ। प्रदेश १, बागमती र गण्डकी प्रदेशको थोरै स्थानहरूमा र बाँकी भू-भागका एक-दुई स्थानमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ ।
२०७९ श्रावण २७ गते (शुक्रबार)
दिउँसो : देशभर आंशिक देखि सामान्य बदली रहनेछ। देशका थोरै स्थानहरूमा र बाँकी भू-भागमा एक-दुई स्थानमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ।
राती : देशका पहाडी भू-भागमा आंशिक देखि सामान्य बदली र बाँकी भू-भागमा आंशिक बदली रहनेछ। देशको पहाडी भू-भागको थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ।
२०७९ श्रावण २८ गते (शनिबार)
दिउँसो : देशभर आंशिक देखि सामान्य बदली रहनेछ। देशका पहाडी भू-भागका केही र बाँकी भू-भागका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। प्रदेश नं १ र बागमती प्रदेशका एक-दुई स्थानमा भारी वर्षाको सम्भावना रहेको छ।
राती : देशका पहाडी भू-भागमा सामान्य बदली रही बाँकी भू-भागमा आंशिक बदली देखि सामान्य बदली रहनेछ। प्रदेश नं १, बागमती प्रदेश, गण्डकी प्रदेशका केही र बाँकी प्रदेशका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। गण्डकी प्रदेशको थोरै र प्रदेश नं १, बागमती प्रदेश र लुम्बिनी प्रदेशका एक-दुई स्थानमा भारी वर्षाको सम्भावना रहेको छ।
आगामी २४ घण्टाका लागि चेतावनी तथा परामर्श :
देशका पहाडी भू-भागका केही र बाँकी भू-भागका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाका साथै प्रदेश नं १, बागमती प्रदेश, गण्डकी प्रदेश र कर्णाली प्रदेशका एक वा दुई स्थानमा भारी वर्षाको सम्भावना रहेकोले उक्त भू-भागहरूमा भू-क्षय, पहिरो तथा गेग्रान बहावको जोखिम रहेको छ। साथै नदी नाला तथा खहरे खोलाहरूमा पानीको सतह बढ्न सक्ने र दैनिक जनजीवन/ यातायात क्षेत्र समेत प्रभावित हुन सक्ने भएकोले आवश्यक सतर्कता अपनाउनु हुन सबैमा अनुरोध छ।
परराष्ट्रमन्त्री नारायण खड्काको चिन भ्रमणको क्रममा हिजो नेपाल र चीनबीच आर्थिक सहयोग र पूर्वाधार विकासको क्षेत्रमा महत्वपूर्ण सम्झौता भएको छ ।
नारायण खड्का र उहाँका समकक्षी वाङ यीबीच बुधबार भएको प्रतिनिधिमण्डलस्तरीय वार्तामा परराष्ट्र मन्त्रालयले व्यापार, कनेक्टिभिटी, लगानी, स्वास्थ्य, पर्यटन, गरिबी निवारण, विपद् व्यवस्थापन, शिक्षा र कृषिलगायतका क्षेत्रमा सहयोग अभिवृद्धि गर्ने सहमति भएको जनाएको छ ।
परराष्ट्रमन्त्री खड्कासँगको भेटमा चिनियाँ परराष्ट्रमन्त्रीले केरुङ–काठमाडौं रेलमार्गको पूर्वसम्भाव्यता अध्ययन अनुदानमा सम्पन्न गर्ने घोषणा गरेको मन्त्रालयले जनाएको छ । त्यसैगरी बैठकमा नेपाल–चीन सीमापार विधुतीय प्रसारण निर्माणका विषयमा पनि छलफल भएको जनाएको छ।
परराष्ट्र मन्त्रालयका अनुसार वाङले विधुतीय प्रसारण लाइन निर्माणका लागि आर्थिक सहयोग गर्ने पनि वाचा गरेका छन् । यसअघि वाङको नेपाल भ्रमणका क्रममा नेपाल–चीन अन्तरदेशीय विधुतीय प्रसारण लाइनको पूर्वसम्भाव्यता अध्ययनको अवधि दुई वर्ष बढाउने सहमति भएको थियो । नेपाल विधुत प्राधिकरणका अनुसार पूर्वसम्भाव्यता अध्ययनलाई अगाडि बढाउन गृहकार्य भइरहेको छ ।
वार्ताका क्रममा चिनियाँ विदेशमन्त्री वाङले नेपाललाई सन् २०२२ का लागि १५ अर्ब ५० करोड रुपैयाँ सहयोग गर्ने घोषणा समेत गरेका छन् ।
नेपाल एक चीन नीतिप्रति प्रतिबद्ध छ
द्विपक्षीय भेटमा परराष्ट्रमन्त्री खड्काले नेपालले एक चीन नीतिलाई दृढतापूर्वक समर्थन गर्ने बताउनुभएको छ । उनले नेपाली भूमि चीनविरुद्ध प्रयोग हुन नदिने पनि बताउनुभएको छ ।
त्यस्तै, वाङले नेपालको सार्वभौमसत्ता, स्वतन्त्रता र भौगोलिक अखण्डताप्रति आफ्नो निःशर्त समर्थन रहने बताएका छन् । उनले नेपाल सरकारको विकासको आवश्यकता र प्राथमिकताका आधारमा चीनले सहयोग गरिरहने पनि बताएका छन् ।
अमेरिकी सदनकी सभामुख न्यान्सी पेलोसीको ताइपेईको विवादास्पद भ्रमणपछि सुरु गरिएको ताइवान वरपरको अभूतपूर्व सैन्य अभ्यासलाई चीनले अन्त्य गरेको घोषणा गरेको छ।
चिनियाँ जनमुक्ति सेनाले टापुको वरिपरि असाइनमेन्टहरू सफलतापूर्वक सम्पन्न गरेको घोषणा गरेपनि नियमित गस्ती भने जारी राख्ने जनाएको छ। पीपुल्स लिबरेशन आर्मी (पीएलए) को पूर्वी थिएटर कमाण्डका प्रवक्ता, कर्नल शि यीले, सैन्य प्रशिक्षण र तयारी” जारी राख्ने र “राष्ट्रिय सार्वभौमसत्ता र क्षेत्रीय अखण्डताको दृढतापूर्वक रक्षा गर्न ताइवान स्ट्रेटमा गस्तीहरू व्यवस्थित गर्ने बताएका छन्।
बेइजिङले जारि गरेको श्वेतपत्रमा भनिएको छ,”हामी सबैभन्दा ठूलो इमानदारीका साथ काम गर्नेछौं र शान्तिपूर्ण पुनर्मिलन हासिल गर्न हाम्रो सक्दो प्रयास गर्नेछौं। तर हामी बलको प्रयोग त्याग्ने छैनौं, र हामी सबै आवश्यक उपायहरू लिने विकल्प आरक्षित राख्छौं ” । साथै, बाह्य हस्तक्षेप र पृथकतावादी गतिविधिहरू रोक्नको लागि यो आकस्मिकता आवश्यक भएको पनि श्वेतपत्रमा उल्लेख गरिएको छ।
निर्वाचन आयोगले विगतमा अवलम्बन गरेको असल अभ्यासलाई आत्मसाथ गर्दै थप जनताको सहभागितामा निष्पक्ष, भरपर्दो, मितव्ययी र भयरहित रुपमा निर्वाचन सम्पन्न गर्न प्रतिबद्धता व्यक्त गरेको छ ।
आयोगले स्थानीय तह निर्वाचन, २०७९ निर्वाचन अभियान र मतदाता शिक्षा कार्यक्रमको प्रगति समीक्षा गर्दै आयोगले निर्वाचनका क्रममा प्राप्त सुझाव, प्रतिक्रिया र असल अभ्यासलाई समेटेर निर्वाचनलाई सफल बनाउने दृढता व्यक्त गरेको छ । गत स्थानीय तहको निर्वाचनमा दुर्गम गाउँका अशिक्षित जनताको तुलनामा सहरी क्षेत्रका शिक्षित जनताको मतदान कम भएकोमा आयोगले चिन्ता व्यक्त गरेको छ ।
प्रमुख निर्वाचन आयुक्त दिनेशकुमार थपलियाले छोटो समयका कारण गत स्थानीय तहको निर्वाचनमा अपेक्षा गरेअनुरुप काम गर्न नसकेको स्पष्ट पार्दै प्रतिनिधिसभाको निर्वाचनमा भने विगतको निर्वाचनका राम्रा पक्षहरुलाई समेटेर सफलतापुर्वक सम्पन्न गर्ने दृढता व्यक्त गर्नुभयो । प्रमुख निर्वाचन आयुक्त थपलियाले सञ्चारमाध्यमलगायत राज्यका सबै जिम्मेवार निकायसँगको साझेदारी र सहकार्यमा आगामी निर्वाचन गराउन आयोग तयार रहेको स्पष्ट पार्नुभएको छ । निर्वाचन प्रचारप्रसारमा राज्य सञ्चालित सञ्चारमाध्यमले महत्वपूर्ण भूमिका निर्वाह गर्ने उल्लेख गर्दै उनले आ–आफ्नो स्रोत साधनको अधिकतम उपयोग गरी निर्वाचनमा सहभागी हुन सबैलाई आग्रह समेत गरेका छन् ।
सरकारले निजामती कर्मचारीको सेवा अवधि ६० वर्षसम्म कायम गर्ने कानुनी व्यवस्था गर्ने तयारी गरेको छ । संघीय मामिला तथा सामान्य प्रशासन मन्त्रालयले तयार पारेको संघीय निजामती सेवा ऐन, २०४९ संशोधन विधेयकमा सेवा अवधि ५८ वर्षबाट बढाएर ६० वर्ष पुर्याउन माग गरिएको छ । विधेयकको मस्यौदा स्वीकृतिका लागि अर्थ मन्त्रालयमा पठाइएको छ ।
विधेयकले अघिल्लो निजामती सेवा ऐन र स्वास्थ्य सेवा ऐनलाई एकीकृत गरी एकीकृत निजामती सेवा ऐन ल्याउने र स्वास्थ्य सेवा ऐन खारेज गर्ने प्रस्ताव अगाडी सारेको छ ।
अर्थ मन्त्रालय स्रोतले उपलब्ध गराएको विधेयकको मस्यौदामा ऐन जारी भएपछि ५८ वर्षको सेवा अवधि दुई वर्ष ५९ कायम हुने र दुई वर्षपछि बढाएर ६० पुग्ने उल्लेख गरिएको छ । उमेर हद ५८ बाट ६० वर्ष तोकेपछि नयाँ कर्मचारीले सेवामा प्रवेश गर्न नपाउने भएकाले दुई चरणमा उमेर हद बढाउन मन्त्रालयले प्रस्ताव गरेको छ ।
प्रस्तावित संशोधन विधेयकमा संघीय निजामती सेवामा स्थायी कर्मचारीलाई प्रदेश वा स्थानीय सेवाको पदमा उम्मेदवार हुन उमेरको हद नलाग्ने व्यवस्था गरिएको छ । र, प्रदेशका निजामती कर्मचारीलाई स्थानीय सेवामा उम्मेदवार हुन उमेरको हद नपर्ने प्रस्ताव छ । स्थानीय सेवाका कर्मचारीहरू पनि राज्य सेवाको लागि उम्मेदवार हुन सक्छन्। यदि तिनीहरूले सेवा परिवर्तन गरे, पुरानो अवधि पनि गणना गरिनेछ।
तर माथिल्लो तहमा आउनका लागि कर्मचारीले सीमित कोटामा अन्तर-स्तर प्रतियोगितामा प्रतिस्पर्धा गर्नुपर्नेछ । विधेयकमा भनिएको छ, ‘अन्तरस्तरीय प्रतिस्पर्धाबाट स्तर परिवर्तन गर्ने अवसर दिने प्रणाली’ । अन्तर-स्तर प्रतियोगितामा कुनै पनि तहबाट अर्को तहमा प्रतिस्पर्धा गर्न कुनै प्रतिबन्ध छैन।
विधेयकमा प्रदेशभित्रका स्थानीय तहमा दरबन्दी रिक्त भएमा र बढुवाबाट पूर्ति गर्नुपर्ने भएमा प्रदेशभित्रका सबै स्थानीय तहका एक तह मुनीका कर्मचारीले बढुवाका लागि प्रतिस्पर्धा गर्न सक्नेछन् ।
विधेयकमा स्थानीय तहमा कार्यरत कर्मचारीलाई प्रदेशभित्रै अर्को स्थानीय तहमा सरुवा गर्ने व्यवस्था पनि प्रस्ताव गरिएको छ । तर त्यसका लागि प्रत्येक राज्य सरकारले निश्चित आधार र मापदण्ड बनाउनुपर्छ ।
सोमबार १७. ६८ अङ्कले घटेको नेप्से आज पनि ४५.४२ अङ्कले घटेर २०६० .७३ विन्दुमा मा रोकिएको छ। त्यसैगरी सेन्सेटिभ परिसूचक पनि ९.६८ अङ्कले घटेर ३९६.४२ पुगेको छ।
आज २२२ वटा कम्पनीको ६,६४,६०३६ कित्ता सेयर कारोबार हुँदा कुल कारोबार रकम भने २,८१,५१,४४,५९८ रुपैयाँ पुगेको छ। आज भएको कारोबारमा सबै उपसूचक समुहको कारोबार घटेर रातो भएको छ।
अर्थ मन्त्रालयले बजेट वक्तव्यमा उल्लेख गरिएभन्दा नयाँ र फरक खालको तलबमान सार्वजनिक गरेको भन्दै काठमाडौं उपत्यकाका नायब सुब्बाहरुले आज सिंहदरबारभित्र धर्ना दिएका छन्।
अर्थ मन्त्रालयको छाप र जिम्मेवार अधिकारीको दस्तखतसहितको राष्ट्रसेवक कर्मचारीहरूको नयाँ र फरक—फरक तलबमान उल्लेख भएबाट आम राष्ट्रसेवक कर्मचारीहरूमा अन्योल बढाएको र एउटा जिम्मेवार संस्थाबाट दुई फरक फरक कागजात सार्वजनिक भएको भन्दै निजामती कर्मचारी संगठनले मन्त्रालयको सो कदमको विरोध समेत गरेको छ। बजेट घोषणाविपरीत उच्च तहको कर्मचारीहरूको तलब धेरै वृद्धि गरेको भन्दै तल्लो तहका कर्मचारीहरुले विरोध स्वरुप हिजो पेन डाउन समेत गरेका थिए।
सिहंदरबारभित्रका निजामती कर्मचारीहरू नै यसरी आन्दोलनमा उत्रिंदा मन्त्रालयका नियमित काम कारवाहीहरु प्रभावित बनेको छ।
फोहोर बोकेर गएका काठमाडौं महानगरपालिकाका गाडीहरू सिस्डोल-बञ्चरेडाँडा सडकखण्डको आलेटार भन्ने ठाउँमा अज्ञात समूहले तोडफोड गरेको छ।
पार्किङ गरेर राखिएका महानगरका १४ वटा फोहोर बोक्ने गाडी, २ वटा फोहोर ब्यवस्थापन गर्ने डोजर र एउटा स्काभेटरमा तोडफोड भएको महानगरले जनाएको छ। स्थानीयले सोमबार सडक मर्मत गर्नुपर्ने भन्दै आन्दोलन गरेको र महानगरपालिकाले बल प्रयोग गरेर बञ्चरेडाँडामा फोहोर विसर्जन गरेको घटना लगत्तै राति ति सवारी तोडफोड गरिएको हो। घटनामा कसको संग्लाग्नता रहेको र कसले तोडफोड गरेको हो भन्ने कुरा यकिन नभएपनि प्रहरीले घटनाको अनुसन्धान प्रक्रिया अगाडि बढाएको छ।
विवादित पूर्व भारतीय क्रिकेटर मनोज प्रभाकर नेपाली राष्ट्रिय क्रिकेट टोलीको मुख्य प्रशिक्षकमा नियुक्त भएका छन् ।५९ वर्षीय प्रभाकरलाई नेपाल क्रिकेट संघ (क्यान)ले सोमबार नियुक्त गरेको छ ।
भारतीय क्रिकेटर मनोज प्रभाकरलाई म्याच फिक्सिङको आरोपमा बीसीसीआईले भारतीय राष्ट्रिय टोलीबाट क्रिकेट खेल्न प्रतिबन्ध लगाएको थियो। २०११-१२ को रणजी ट्रफी सिजन सुरु हुनुभन्दा दुई दिनअघि प्रभाकरलाई दिल्लीको क्रिकेट टिमको प्रशिक्षकबाट पनि बर्खास्त गरिएको थियो। उनी अफगानिस्तान क्रिकेट टोलीका बलिङ प्रशिक्षक र राजस्थान क्रिकेट टोलीका मुख्य प्रशिक्षक पनि थिए। नेपाली राष्ट्रिय क्रिकेट टोलीको प्रशिक्षकबाट पुबुदु दासानायकेले राजीनामा दिएपछि उनको स्थानमा प्रभाकरलाई नियुक्त गरिएको हो।
लोकतान्त्रिक समाजवादी पार्टी (लोसपा) र राष्ट्रिय एकता पार्टीबीच पार्टी एकीकरणको सहमति भएको छ।
लोसपा अध्यक्ष महन्थ ठाकुर र राष्ट्रिय एकता पार्टीका अध्यक्ष प्रेमदिप थाम्सुहाङले संयुक्त रुपमा पाँच बुँदे सहमतिमा हस्ताक्षर गरेर पार्टी एकीकरणमा सहमति जनाएका छन् । लोसपाको नाम, झण्डा र छाप स्विकार्ने गरि राष्ट्रिय एकता पार्टीले गरेको सहमति अनुसार राष्ट्रिय एकता पार्टी लोसपामा विलय भएको छ। सहमति अनुसार राष्ट्रिय एकता पार्टीका सबै संगठनहरुलाई लोसपामा समायोजन गरिनेछ।
राष्ट्रिय एकता पार्टीका अध्यक्ष प्रेम कुमार थाम्सुहाङलाई लोसपाको केन्द्रिय कार्यकारिणी सदस्यमा समायोजन गरिने र प्रदेश १ को जिम्मेवारी दिने सहमति भएको छ।
साताको दोस्रो कारोबारको दिन आज नेप्से १७. ६८ अङ्कले घटेर २१०६.१५ मा रोकिएको छ। त्यसैगरी सेन्सेटिभ परिसूचक पनि ३. ४४ अङ्कले घटेर ४०६.११ विन्दुमा रोकिएको छ। आज २१४ वटा कम्पनीको ६५,२७,४१४ कित्ता सेयर कारोबार हुँदा कुल कारोबार रकम भने २,८५७,०७२,९६१ रुपैयाँ पुगेको छ। आजको कारोबारमा उत्पादनमुलक र सामूहिक लगानी कोष बाहेकका अन्य सबै उपसूचक भएन घटेको छ ।
आज गुराँस लघुवित्त र हिमालयन हाइड्रोपावरले भने सकारात्मक सर्किट लेभलमा कारोबार गर्न सफल भएको थियो।
मंसिर ४ गते हुने भनिएको प्रदेश र संघीय निर्वाचनको तयारीका लागि नेपाली कांग्रेसले ७७ वटै जिल्लामा आफ्ना केन्द्रीय नेताहरुलाई खटाउने निर्णय गरेको छ।
सिट वाँडफाँटको विषय टुङ्गो नलागिसकेको अवस्थामा नेपाली काँग्रेसले चुनाव केन्द्रित अभियानका क्रममा आफ्ना केन्द्रिय सदस्यहरुलाई भने देशको ७७ वटै जिल्लामा परिचालन गर्ने भएको छ। नेपाली काँग्रेसले गठबन्धन दललाई पनि संगसंगै लिएर जानुपर्ने भन्दै व्यावहारिक‚ वैज्ञानिक र स्वभाविक प्रकृतिको चुनावी तालमेल हुनुपर्ने कुरामा जोड दिएको छ।
त्यसो त यस अघि नै प्रधानमन्त्रीको सरकारी निवास बालुवाटारमा बसेको सत्ता गठबन्धनको बैठकले सिट बाँडफाँडको विषय टुंगो लगाउन गठबन्धनका सबै दलको प्रतिनिधित्व हुने गरी ११ सदस्यीय समिति समेत गठन गरेको छ।
त्यसैगरी, स्थानीय तहमा निर्वाचित जनप्रतिनिधिलाई प्रशिक्षण दिन नेपाली काँग्रेसले यहि श्रावण ३० र ३१ गते काठमाडौंमै प्रशिक्षण कार्यक्रम आयोजना गर्ने पनि जानकारी दिएको छ।
अर्थ मन्त्रालयले बजेट वक्तव्यमा उल्लेख गरिएभन्दा नयाँ र फरक खालको तलबमान सार्वजनिक गरेकोले सिहंदरबारभित्रकै निजामती कर्मचारीहरू आन्दोलनमा उत्रिएका छन्। सिहंदरबारभित्रका निजामती कर्मचारीहरू आन्दोलनमा उत्रिंदा मन्त्रालयका नियमित काम कारवाहीहरु प्रभावित बनेको छ।
बजेट घोषणाविपरीत उच्च तहको कर्मचारीहरूको तलब धेरै वृद्धि गरेको भन्दै तल्लो तहका कर्मचारीहरुले आन्दोलनको पहिलो चरणमा आज ‘पेन डाउन’ गरेका छन्।
निजामती कर्मचारीहरूको संगठनले प्रेस विज्ञप्ति जारी गरी अर्थ मन्त्रालयको छाप र जिम्मेवार अधिकारीको दस्तखतसहितको राष्ट्रसेवक कर्मचारीहरूको नयाँ र फरक—फरक तलबमान उल्लेख भएबाट आम राष्ट्रसेवक कर्मचारीहरूमा अन्योल बढाएको र एउटा जिम्मेवार संस्थाबाट दुई फरक फरक कागजात सार्वजनिक भएकोप्रति पनि आफ्नो गम्भीर ध्यानाकर्षण भएको जनाएको छ।
सूचना तथा सञ्चार मन्त्रालयको हलमा भेला भएका कर्मचारीहरुले अर्थमन्त्री, सामान्य प्रशासन तथा संघीय मामिला मन्त्री, मुख्य सचिव र अर्थ सचिवलाई ज्ञापन पत्र बुझाउने बताएका छन् भने, विरोध स्वरुप भोलि देशभरीका नासु बिदामा बस्ने पनि कर्मचारीहरुले जनाएका छन्।
निलम्बित प्रधानन्यायाधीश चोलेन्द्रशम्शेर जबराविरुद्धको महाभियोग प्रस्ताव महाभियोग सिफारिस समितिमा पठाइएको छ । प्रतिनिधिसभाको आज बसेको बैठकले जबराविरुद्धको महाभियोग प्रस्ताव महाभियोग सिफारिस समितिमा पठाउने निर्णयलाई बहुमतले पारित गरेको हो।
महाभियोग सिफारिस समितिमा विष्णु पौडेल, लालबाबु पण्डित, शिवमाया तुम्बाहाम्फे, कृष्णभक्त पोखरेल, मिनबहादुर विक, रामबहादुर विष्ट, यशोदा सुवेदी, रेखा शर्मा, कल्याणी खड्का, एकवाल मियाँ र प्रमोद साह सदस्य रहेका छन् ।
जिम्मेवारीविपरीतका कार्य गरेको,न्यायालयमा विचलन ल्याएको लगायतका २१ वटा आरोपहरु लगाउँदै गठबन्धन दलका ९८ जना सांसदहरुले हस्ताक्षर गरेर फागुन १ गते प्रतिनिधिसभामा जबरा विरुद्ध महाभियोग दर्ता गरेका थिए।
परराष्ट्रमन्त्री नारायण खड्का तीनदिने औपचारिक भ्रमणका लागि मंगलबार चीन जाने भएका छन् ।
चिनियाँ विदेशमन्त्री वाङ यीको निमन्त्रणमा परराष्ट्रमन्त्री खड्का चीन भ्रमणमा जान लागेको परराष्ट्र मन्त्रालयले सार्वजनिक गरेको विज्ञप्तिमा उल्लेख गरिएको छ । मन्त्रालयले श्रावण २४ देखि २६ गतेसम्म परराष्ट्रमन्त्री खड्का चीनको भ्रमणमा रहने उल्लेख गरेको छ।
श्रावण २५ गते सांदोंग प्रान्तको पूर्वी सहर छिङदाओमा दुई मन्त्रीहरूबीच बुधबार प्रतिनिधिमण्डलस्तरीय द्विपक्षीय छलफलको कार्यक्रम रहेको छ।विदेशमन्त्री वाङ यीले डा. खड्का र प्रतिनिधिमण्डलका सदस्यहरूको सम्मानमा रात्रिभोजको आयोजना समेत गर्ने विज्ञप्तिमा उल्लेख गरिएको छ भने, २६ गते स्वदेश फिर्तीको कार्यक्रम रहेको छ।
आगामी प्रतिनिधिसभा र प्रदेशसभा निर्वाचनमा पनि सत्ता गठबन्धन दलहरुबीच चुनावी तालमेल गर्ने सहमति भएको छ। आज बसेको गठबन्धन दलका शिर्ष नेताहरुबीचको बैठकले सहमति अनुसार भाद्र पहिलो हप्तासम्म सिट बाँडफाँडको टुंगो लगाउने जानकारी दिएको छ।
प्रधानमन्त्रीको सरकारी निवास बालुवाटारमा बसेको सत्ता गठबन्धनको आजको बैठकले सिट बाँडफाँडको विषय टुंगो लगाउन सबै दलको प्रतिनिधित्व हुने गरी ११ सदस्यीय समिति समेत गठन गरेको छ। समितिमा कांग्रेसका कृष्ण सिटौला, ज्ञानेन्द्रबहादुर कार्की र गगन थापा रहेका छन् भने नेकपा माओवादी केन्द्रबाट देव गुरुङ र वर्षमान पुन समितिमा रहेका छन्। त्यसैगरी,नेकपा एकीकृत समाजवादीबाट उपाध्यक्ष प्रमेश हमाल र महासचिव बेदुराम भुसाल, जनता समाजवादी पार्टी (जसपा) बाट रकम चेम्जोङ र रामसहायप्रसाद यादव सदस्य छन् भने,राष्ट्रिय जनमोर्चाबाट हिमलाल पुरी र आनन्द शर्मा समितिमा रहेका छन्।
सो समितिलाई भाद्र महिनाको पहिलो साताभित्र सिट बाँडफाँटको निर्णयसहित प्रतिवेदन पेश गर्ने जिम्मेवारी दीइएको छ।
निर्वाचन आयोगले मतदाता नामावली दर्ता प्रक्रिया स्थगित गर्ने निर्णय गरको छ।
मन्त्रिपरिषद बैठकले आगामी मंसिर ४ गते प्रतिनिधिसभा र प्रदेश सभाको निर्वाचन गर्ने घोषणा सार्वजनिक गरे लगत्तै निर्वाचन आयोगले मतदाता नामावली दर्ता स्थगित गर्ने निर्णय गरेको हो। निर्वाचन आयोगले आगामी निर्वाचनलाई ध्यानमा राख्दै तत्कालका लागि मतदाता नामावली दर्ता स्थगित गर्ने निर्णय गरेको जनाएको छ।
निर्वाचन आयोगले जिल्ला निर्वाचन कार्यालयसहित अन्य सम्बन्धित कार्यालयहरुबाट जारी मतदाता नामावली दर्ता श्रावण २० गते देखि नै स्थगित गरिने भएपनि अनलाइनबाट फारम भरेर आवेदन दिइसकेकाहरुको लागि भने २१ गते सम्म औंठाछाप लिने व्यवस्था मिलाइने बताएको छ।
नेपाल वायुसेवा निगमका कार्यकारी अध्यक्ष युवराज अधिकारीलाई सरकारले बर्खास्त गरेको छ ।
मन्त्रिपरिषदको आज बसेको बैठकले अध्यक्ष युवराज अधिकारीलाई बर्खास्त गर्ने निर्णय गरेको हो । निगम भित्र अनियमितता गरेको तथा कर्मचारीमाथि दुर्व्यवहार गरेको आरोपमा यस अघि ६ असारमा उनलाई निलम्बन गरेको थियो। सर्वोच्चले उनको निलम्बन खारेज गरेपछि उनि पुन: काममा फर्किएका थिए।
यसअघि ट्विनअटर विमान भाडामा दिँदा कानुनी आधार र औचित्य बाहिर गएको; साउदी अरबमा निगमको सेवा विस्तारको उद्घाटन गर्न जाँदा जम्बो टोली लगी वित्तीय हानी पुर्याएको; सार्वजनिक प्रतिस्पर्धा नगरी एउटा संस्थालाई टिकट बिक्रीको जिम्मा दिएको लगायतका विवादमा समेत उनलाई स्पष्टिकरण सोधिएको थियो।
आज बसेको मन्त्रिपरिषद बैठकले आगामी मंसिर ४ गते प्रतिनिधिसभा र प्रदेश सभाको निर्वाचन गर्ने घोषणा गरेको छ ।
सिंहदरबारमा बसेको मन्त्रिपरिषद बैठकको निर्णय सार्वजनिक गर्दै सरकारका प्रवक्ता एवं सञ्चार तथा सूचना प्रविधिमन्त्री ज्ञानेन्द्रबहादुर कार्कीले आगामी मंसिर ४ गते प्रतिनिधिसभा र प्रदेश सभाको निर्वाचन गर्ने घोषणा गरेको जानकारी गराउनुभएको हो।
निर्वाचन आयोगले सरकारलाई दिएको रायसुझाव अनुसार संघ र प्रदेशको निर्वाचन एकै चरणमा गर्ने गरि दलहरुबीच सहमति जुटेपछि सरकारले मंसिर ४ गते निर्वाचन गरिने निर्णय सार्वजनिक गरेको हो।
जिल्ला अदालत ललितपुरले नेपाल कम्युनिस्ट पार्टी (नेकपा)का महासचिव नेत्रविक्रम चन्दविरुद्ध पक्राउ पुर्जी जारी गरेको छ । अदालतले श्रावण ६ गतेको आदेशअनुसार मुलुकी फौजदारी कार्यविधि संहिता २०७४ को दफा ५८(१३) बमोजिम ३५ दिने पक्राउ पुर्जी जारी गरिएको बताएको छ।
हातहतियार तथा खरखजाना‚ विस्फोटक पदार्थ विस्फोटन गराई कर्तव्य ज्यान र राज्यविरुद्धको अपराध र संगठित अपराधको कसुरमा महासचिव विप्लब सहित पार्टीका अन्य व्यक्तिहरु विरुद्ध पक्राउ पुर्जी जारी गरेको हो ।अदालतले जारि गरेको पक्राउ पुर्जीमा आदेश अनुसार ३५ दिनभित्र अदालत उपस्थित नभए मुलुकी फौजदारी कार्यविधि संहिता‚ २०७४ को दफा ३५ बमोजिम कारबाही गरिने बताएको छ।
त्यसैगरी अदालतले खड्ग बहादुर विश्वकर्मा, विश्वकर्माकी श्रीमती नन्दा, सुर्खेतका धर्मेन्द्र बास्तोला, रोल्पाका सन्तोष बुढामगर, धादिङ निलकण्ठका मोहन बहादुर कार्की, बागलुङका टेकबहादुर केसी, कालिकोटका भरतबहादुर बम, कालिकोटकै नविन विश्वकर्मा, जाजरकोटका उदयबहादुर चलाउने, गोरखाकी उमा भुजेल, भोजपुरका पदमबहादुर राई, भक्तपुरका शंखर दमाई, सिरहाका दमयन्ती कुमारी श्रेष्ठ चिमोरिया, रोल्पाका बाबुलाल पुनमगर, स्याङ्जाका सुदीप कुँवर, कपिलवस्तुका बसन्त श्रेष्ठ, बाँकेका धर्मराज बडुवाल, खोटाङका चन्द्रबहादुर बुढाथोकी, काभ्रेका विष्णु प्रसाद तिमिल्सिना तथा दोलखाका मईदेवी परियार, प्रेमबहादुर दर्नाल, लोकेन्द्रबहादुर दर्नाल र सन्जिव नेपाली विरुद्ध पनि संयुक्त रुपमा पक्राउ पुर्जी जारी गरेको छ।
EN
