नेपाल र केन्याबीच भएको पहिलो टी-२० अन्तर्राष्ट्रिय खेलमा ५ विकेटले नेपाल विजयी भएको छ ।

टस हारेर पहिले ब्याटिङ गरेको केन्याले निर्धारित २० ओभरमा ८ विकेट गुमाउँदै १३० रन जोड्न सफल भएको थियो। १३१ रनको लक्ष लिएर मैदानमा उत्रिएको नेपाली टोलीले १९.२ ओभरमा ५ विकेट गुमाएर १३३ रन जोड्न सफल भएको हो ।

नवनियुक्त प्रशिक्षक मनोज प्रभाकरको नेतृत्वमा पहिलो अन्तर्राष्ट्रिय खेल जितेसँगै नेपालले पाँच खेलको शृंखलामा १-० को अग्रता लिएको छ । केन्या भ्रमणमा रहेको नेपाली टोलीले ५ टि-२० र ३ एक दिवशीय श्रृंखला खेल्ने छ।

नेपाल हाल विश्व टि–२० अन्तर्राष्ट्रिय वरीयतामा १४ औं स्थानमा रहेको छ ।
सन् २०२४ को टि–२० विश्वकपमा आयोजक राष्ट्र बाहेक शीर्ष १२ वरीयतामा पर्ने राष्ट्रहरु विश्वकपका लागि छनौट हुनेछन्।