आगामी निर्वाचनका लागि १ लाख २० हजार म्यादी प्रहरी

  • नेपाल राष्ट्रिय दैनिक
  • २८ श्रावण २०७९, शनिबार ०८:०१
Temporary police personnel myadi prahari

मंसिर ४ गते हुने प्रतिनिधिसभा र प्रदेशसभा निर्वाचनका लागि १ लाख २० हजार म्यादी प्रहरी भर्नाको प्रस्ताव गरिएको छ ।

निर्वाचन सुरक्षार्थ ४० दिनको म्याद/ करार अवधि रहने गरि प्रहरी प्रधान कार्यालयले म्यादी प्रहरी भर्नाको प्रस्ताव गृह मन्त्रालयमा पेस गरेको छ। प्रतिनिधिसभा र प्रदेशसभाका मतपेटिका छुट्टाछुट्टै हुने भएकाले स्थानीय तह निर्वाचनमा भन्दा बढी संख्यामा म्यादी प्रहरी भर्ना गर्न आवश्यक देखिएको र सोही अनुसार संख्या निर्धारण गरेर गृह मन्त्रालयमा प्रस्ताव पेस गरिएको प्रहरी प्रधान कार्यालयले जनाएको छ।

यसअघिका निर्वाचनमा खटिएका म्यादी प्रहरी र पूर्व-सुरक्षाकर्मीलाई पहिलो प्राथमिकतामा राखिने पनि प्रहरी प्रधान कार्यालले जनाएको छ। स्थानिय निर्वाचनलाई नै आधार मानेर आगामी निर्वाचनमा खटिने सुरक्षाकर्मीको सुविधा निर्धारण गरिने पनि जनाइएको छ। स्थानिय निर्वाचनमा म्यादी प्रहरीको लागि ४० दिनको एकमुष्ट ३० हजार २ सय ४० रुपैयाँ, पोसाकभत्तावापत ६ हजार रुपैयाँ, रासन भत्ताबपत एकमुष्ट ७ हजार २ सय रुपैयाँ र यातायात भाडाबाट एक पटकका लागि १ हजार रुपैयाँ उपलव्ध गराउने गरी सुविधा निर्धारण गरिएको थियो । तर श्रावण १ गते बाट सबै राष्ट्रसेवक कर्मचारीको तलब १५ प्रतिशतले वृद्धि भएका कारण म्यादी प्रहरीको तलब पनि सोहीअनुसार निर्धारण गर्न सकिने उल्लेख गरिएको छ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५