नेपाली सेना र अमेरिकी सेनाले आजदेखि एकमहिने संयुक्त सैन्य अभ्यास सुरु गर्ने भएको छ।

नेपाली सेनाको रेञ्जर गण र अमेरिकी सेनाको टुकडीबीच आजदेखि भाद्र ३१ गतेसम्म संयुक्त सैन्य अभ्यास हुने नेपाली सेनाको जनसम्पर्क तथा सूचना निर्देशनालयले जनाएको छ। छाउनी र नगरकोट इलाकामा नेपाली सेनाका ८० जना तथा अमेरिकी सेनाका १६ जना गरी जम्मा ९६ जनाले उक्त सैन्य अभ्यासमा सशस्त्र द्वन्द्वसम्बन्धी कानुन र सैन्य निर्णय प्रक्रिया लगायतका विषयमा सैन्य अभ्यास गर्नेछन्।

सन् २०१५ देखि नेपाली सेनासंग ‘ब्यालेन्स नेल’ र ‘टेकनेल’ सैन्य अभ्यास सुरु गरेको अमेरिकी सेनाको टुकडी क्याप्टेन ब्लेक डकाटेलको नेतृत्वमा सोमबार नेपाल आइसकेको छ ।