महाभियोग सिफारिस समितिले आज एक सार्वजनिक सूचना जारी गर्दै,निलम्बित प्रधानन्यायाधीश चोलेन्द्र शमशेर जबराका विरुद्धमा कुनै प्रमाण, कागजात वा जानकारी भए ३ दिनभित्र उपलब्ध गराउन आग्रह गरेको छ।

समितिले जबराविरुद्धको महाभियोग प्रस्तावमाथि अध्ययन सुरु गरेलगत्तै प्रमाण सङ्कलनको प्रक्रियालाई पनि अगाडी बढाएको देखिन्छ। महाभियोग सिफारिस समितिले जारी गरेको सूचनामा,” प्रतिनिधि सभाबाट गठित महाभियोग सिफारिस समितिको मिति २०७९/५/८ को बैठकले ‘महाभियोग लगाइएको आरोपसँग सम्बन्धित विषयमा प्रमाण, कागजात तथा जानकारी समितिमा उपलब्ध गराइदिन यस विषयमा सरोकार राख्ने निकाय वा व्यक्ति सबैबाट सार्वजनिक सूचना प्राकशन गरी त्यस्तो प्रमाण, कागजात तथा जानकारी माग गर्ने’ निर्णय भएकाले त्यस्तो प्रमाण, कागजात तथा जानकारी भए यो सूचना प्रकाशन भएको मितिले तीन (३) दिनभित्र यस समितिमा आइपुग्ने गरी पठाइदिनुहुन अनुरोध छ।” भनि उल्लेख गरिएको छ।