असार १८ , काठमाडौं – मलेसियामा चलिरहेको एसीसी यू-१६ इस्ट जोन कप क्रिकेट अन्तर्गतको खेलमा सिंगापुरलाई हराउँदै नेपाल एसीसी यू-१६ इस्ट जोन कप क्रिकेटको फाइनलमा प्रवेश गरेको छ।
बायोमास ओभल क्रिकेट मैदानमा भएको खेलमा टस जितेर पहिला ब्याटिङ गरेको नेपालले निर्धारित ३५ ओभरमा ९ विकेट गुमाउँदै १८४ रन बनाएको थियो। १८५ रनको लक्ष्य पछ्याएको सिंगापुर ३१.३ ओभरमा ८७ रनमा अलआउट भएपछी ९७ रनको जितसंगै नेपाल फाइनलमा प्रवेश गरेको ।
नेपालले मंगलबार हुने फाइनल खेलमा घरेलु टोली मलेसियासँग प्रतिस्पर्धा गर्नेछ ।
लगातार तीनवटा खेल जितेर केन्याविरुद्धको एकदिवसीय क्रिकेट सिरिजमा नेपाल विजयी भएको छ।
केन्याको नैरोबीमा आज भएको अन्तिम खेलमा केन्यालाई ६ विकेटले हराउँदै नेपालले जित हाँसिल गरेको हो।
टस जितेर पहिले ब्याटिङ रोजेको केन्याले खेलको निर्धारित ओभरमा ९ विकेट गुमाउंदै २५५ रन जोड्न सफल भएको थियो।
२५६ रनको लक्ष्य लिएर मैदानमा उत्रिएको नेपाली टोलीले ४७.१ ओभर खेल्दै ४ विकेटको क्षतिमा २५८ रन बनाएको थियो ।
नेपालका लागि बसिर अहमदले ५२, अर्जुन साउदले ५८ र आसिफ शेखले ५६ रन जोडेका थिए। त्यसैगरी,रोहित पौडेलले ४६ र ज्ञानेन्द्र मल्ल ३३ रनको योगदान दिएका थिए।
यसअघि नेपालले पाँच खेलको टी-ट्वान्टी सिरिज ३-२ को अन्तरले जितेको थियो।
विवादित पूर्व भारतीय क्रिकेटर मनोज प्रभाकर नेपाली राष्ट्रिय क्रिकेट टोलीको मुख्य प्रशिक्षकमा नियुक्त भएका छन् ।५९ वर्षीय प्रभाकरलाई नेपाल क्रिकेट संघ (क्यान)ले सोमबार नियुक्त गरेको छ ।
भारतीय क्रिकेटर मनोज प्रभाकरलाई म्याच फिक्सिङको आरोपमा बीसीसीआईले भारतीय राष्ट्रिय टोलीबाट क्रिकेट खेल्न प्रतिबन्ध लगाएको थियो।
२०११-१२ को रणजी ट्रफी सिजन सुरु हुनुभन्दा दुई दिनअघि प्रभाकरलाई दिल्लीको क्रिकेट टिमको प्रशिक्षकबाट पनि बर्खास्त गरिएको थियो।
उनी अफगानिस्तान क्रिकेट टोलीका बलिङ प्रशिक्षक र राजस्थान क्रिकेट टोलीका मुख्य प्रशिक्षक पनि थिए।
नेपाली राष्ट्रिय क्रिकेट टोलीको प्रशिक्षकबाट पुबुदु दासानायकेले राजीनामा दिएपछि उनको स्थानमा प्रभाकरलाई नियुक्त गरिएको हो।
EN
