विवादित पूर्व भारतीय क्रिकेटर मनोज प्रभाकर नेपाली राष्ट्रिय क्रिकेट टोलीको मुख्य प्रशिक्षकमा नियुक्त भएका छन् ।५९ वर्षीय प्रभाकरलाई नेपाल क्रिकेट संघ (क्यान)ले सोमबार नियुक्त गरेको छ ।

भारतीय क्रिकेटर मनोज प्रभाकरलाई म्याच फिक्सिङको आरोपमा बीसीसीआईले भारतीय राष्ट्रिय टोलीबाट क्रिकेट खेल्न प्रतिबन्ध लगाएको थियो।
२०११-१२ को रणजी ट्रफी सिजन सुरु हुनुभन्दा दुई दिनअघि प्रभाकरलाई दिल्लीको क्रिकेट टिमको प्रशिक्षकबाट पनि बर्खास्त गरिएको थियो।
उनी अफगानिस्तान क्रिकेट टोलीका बलिङ प्रशिक्षक र राजस्थान क्रिकेट टोलीका मुख्य प्रशिक्षक पनि थिए।
नेपाली राष्ट्रिय क्रिकेट टोलीको प्रशिक्षकबाट पुबुदु दासानायकेले राजीनामा दिएपछि उनको स्थानमा प्रभाकरलाई नियुक्त गरिएको हो।