प्रधानमन्त्री निवास बालुवाटारमा प्रधानमन्त्री शेरबहादुर देउवा र नेकपा माओवादी केन्द्रका अध्यक्ष प्रचण्डबीच भेटवार्ता भएको छ ।

प्रधानमन्त्री निवास बालुवाटारमा प्रधानमन्त्री शेरबहादुर देउवा र नेकपा माओवादी केन्द्रका अध्यक्ष प्रचण्डबीच आज भएको भेटमा स्थानिय निर्वाचन, एमसीसीलगायत समसामयिक राजनैतीक बिषयमा छलफल भएको बताइएको छ । सत्ता गठबन्धनबीच एमसीसीका विषयमा साझा निर्णय हुन नसकेपछी प्रधानमन्त्री देउवाले एमसीसी संसद‍्बाट पारित गराउन सहयोग नगरे गठबन्धन टुट्ने आसयको चेतावनी समेत दिनुभएको छ । तर गठबन्धन भित्रै पनि समाजवादी र माओवादी केन्द्र भने यथास्थितीमा एमसिसी पास गर्न नहुने भन्ने पक्षमा रहेको छ । प्रतिपक्ष एमालेले भने एमसीसी पासा गराउन सभामुखको रजिनामा र गठबन्धन तोड्नु पर्ने शर्त अघी सारेको छ ।

प्रधानमन्त्री शेरबहादुर देउवाले प्रतिनिधिसभाको चालु अधिवेशनबाटै अमेरिकी सहयोगसम्बन्धी परियोजना मिलिनियम च्यालेन्ज कम्प्याक्ट (एमसीसी) पारित नभए पाँचदलीय गठबन्धन टुट्ने चेतावनी दिनुभएको छ ।

एमसीसी संसदबाट अनुमोदन गर्ने विषयमा गठबन्धनभित्रै कांग्रेस अल्पमतमा परेपछी प्रधानमन्त्री देउवाले एमसीसी पास गराउन गठबन्धनका नेताहरुलाई गठबन्धन टुट्ने आसयको चेतावनी दिएको बताइएको छ । एमसीसी सम्झौताबारे अध्ययन गर्न सत्ता गठबन्धनले बनाएको तीन सदस्यीय कार्यदलमा रहेका झलनाथ खनाल र नारायणकाजी श्रेष्ठले पनि यथास्थितिमा संसदबाट एमसीसी सम्झौता अनुमोदन गर्न नसकिने बताएपछी एमसीसी अध्ययन कार्यदलले पनि साझा धारणा बनाएर प्रतिवेदन बुझाउन असफल भएको छ ।

गठबन्धनमा पनि माओवादी केन्द्र, एकीकृत समाजवादी पार्टी र राष्ट्रिय जनमोर्चा तत्काल एमसीसी अघि बढाउन नहुने पक्षमा छन् भने, जसपा अध्यक्ष उपेन्द्र यादव र बाबुराम भट्टराई एमसीसी पास गर्नुपर्ने पक्षमा छन्।

यता एमाले अध्यक्ष ओलीले भने एमसीसी पास गराउन आफुले सहयोग गर्ने भन्दै शर्तहरु अघी सारेको बताइएको छ ।

एमसीसी संसदमा लैजान सहयोग नगरेका तत्कालीन सभामुख कृष्णबहादुर महराले संसद सचिवालयकै एक कर्मचारीमाथि यौन दुर्व्यवहारको आरोप लागेर राजीनामा दिएपछी एमाले अध्यक्ष ओलीले आफू निकट सुवासचन्द्र नेम्वाङलाई सभामुख बनाएर संसद बाट एमसीसी पास गर्न चाहेको भएपनी प्रचण्डको जोडबलमा सभामुख बनेका अग्नि सापकोटाले एमसीसी पास गर्न अवरोध गर्ने ओलीको बुझाई रहेको छ । सभामुखले माधवकुमार नेपालसहित १४ जना सांसदलाई पदमुक्त नगरि दल विभाजनमा सहयोग गरेको भन्दै एमालेले सभामुखले राजीनामा दिनुपर्ने माग राख्दै लगातार संसद पनि अवरोध गर्दै आएको छ । त्यसैले सभामुखको राजीनामा र गठबन्धन तोड्ने शर्तमा एमालेले एमसीसी पास गराउन सहयोग गर्ने बताएको छ ।

आज दिउँसो १ बजेका लागि बोलाइएको प्रतिनिधिसभाको बैठक स्थगित भएको छ ।

संसद् सचिवालयका महासचिव डा. भरतराज गौतमले सूचना जारी गर्दै आज दिउँसो १ बजेका लागि बोलाइएको प्रतिनिधिसभाको बैठक स्थगित भएको जानकारी दिनुभएको हो । कोरोना संक्रमणको जोखिम यथावत रहेकाले बैठक स्थगित गर्नुपरेको सूचनामा उल्लेख गरिएको छ । प्रतिनिधि सभा नियमावली २०७५ को नियम ६ को उपनियम ३ बमोजिम सो निर्णय गरिएको र आगामी बैठक माघ २६ गते दिनको १:०० बजे बस्ने पनि उल्लेख गरिएको छ ।

सरकारका प्रवक्ता एवम् सञ्चारमन्त्री ज्ञानेन्द्रबहादुर कार्कीले निर्वाचन आयोगसँग परामर्श गरेर सरकारले स्थानीय निर्वाचनको मिति तोक्ने बताउनुभएको छ ।

सत्तारुढ गठबन्धनका शिर्ष नेताहरुबिच आज सांझ प्रधानमन्त्री निवास बालुवाटारमा बसेको बैठकले आगामी जेठ मसान्तभित्र स्थानिय तहको निर्वाचन गर्ने निर्णयमा सहमती गरेपछी, सरकारले निर्वाचन आयोगसँग परामर्श गरेर स्थानीय निर्वाचनको मिति तोक्ने भएको छ ।

सत्तारुढ गठबन्धनले आगामी जेठभित्र स्थानीय निर्वाचन गर्न सरकारलाई सुझाव दिएको र त्यसका लागी कुनै कानुनी अफ्ठ्याराहरू हुनगएमा कानुनमा समेत आवश्यक संशोधन गरेर जेठभित्रमा सरकारले स्थानीय निर्वाचन सम्पन्न गर्ने सरकारका प्रवक्ता एवम् सञ्चारमन्त्री ज्ञानेन्द्रबहादुर कार्कीले जानकारी दिनुभएको छ ।

प्रधानमन्त्री निवास बालुवाटारमा बसेको सत्ता गठबन्धनको बैठकले जेठ मसान्तभित्र स्थानीय तहको निर्वाचन गर्न सरकारलाई सुझाव दिने निर्णय गरेको छ ।

प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, एकीकृत समाजवादीका अध्यक्ष माधवकुमार नेपाल, जनता समाजवादी पार्टीका अध्यक्ष उपेन्द्र यादवलगायतका नेताहरुको उपस्ठितीमा बसेको गठबन्धनको बैठकले आजको निर्णय अनुसार निर्वाचन आयोगसंग परामर्श गरेर स्थानीय तहको निर्वाचनको मिति तोक्ने, सरकारका प्रवक्ता एवं सञ्चार तथा सूचनाप्रविधि मन्त्री ज्ञानेन्द्रबहादुर कार्कीले जानकारी दिनुभएको छ । जेठभित्रै स्थानीय तह निर्वाचन गर्ने गरी संविधानसँग बाझिएका कानुन संशोधन गर्न पनि गठबन्धनले सुझाव दिने निर्णय गरेको छ।

आज विहान निर्वाचनको मितिबारे भएको छलफल निष्कर्षमा नपुगेपछि कानुनविदसंग परामर्श गरेर दलहरु दोस्रो पटक आन्तरिक छलफलमा बसेका थिए ।

स्थानीय तहको निर्वाचन मितिबारे छलफल गर्न आज सत्तारुढ गठबन्धनको शिर्ष नेताहरुबिचको बैठक प्रधानमन्त्री निवास बालुवाटारमा बस्ने तय भएको छ । बिहान ९ बजे प्रधानमन्त्री निवास बालुवाटारमा गठबन्धनको बैठक बोलाइएको राष्ट्रिय जनमोर्चाको उपाध्यक्ष दुर्गा पौडेलले जानकारी दिनुभएको छ ।

स्थानीय तहको निर्वाचनको मिति घोषणा गर्न निर्वाचन आयोगले सरकारलाई दबाब दिइरहेको बेला प्रधानमन्त्री शेरबहादुर देउवाले स्थानीय तहको निर्वाचन मितिबारे छलफल गर्न बैठक बोलाउनुभएको बताइएको छ । प्रधानमन्त्री निवास बालुवाटारमा सत्तारूढ दलका शिर्ष नेताहरुबिच हिजो भएको भेटघाटमा पनि स्थानीय तहको निर्वाचनकै बिषयमा छलफल भएको तर कुनै निष्कर्षमा नपुगी छलफल टुँगिएको थियो ।

राष्ट्रपति विद्यादेवी भण्डारीले प्रधानमन्त्री शेरबहादुर देउवालाई संविधानको भावना र मर्म बमोजिम यथाशिघ्र निर्वाचन प्रकृया अगाडि बढाउन आग्रह गर्नुभएको छ ।

राष्ट्रपति विद्यादेवी भण्डारी र प्रधानमन्त्री शेरबहादुर देउवाबिच शितल निवासमा आज भएको नियमित भेटघाटको क्रममा राष्ट्रपति भण्डारीले समयमै निर्वाचन गरेर अघि बढ्न प्रधानमन्त्री देउवालाई आग्रह गर्नुभएको छ ।

जवाफमा प्रधानमन्त्री देउवाले सबै दलहरुसँग परामर्श गरेर समयमै स्थानीय निर्वाचन गर्ने प्रतिवद्दता ब्यक्त गर्नुभएको छ । आज भएको नियमित भेटघाटको क्रममा हिजो सम्पन्न राष्ट्रिय सभा निर्वाचन, संसदको गतिरोध अन्त्य गर्ने लगायत समसामयिक राजनीतिक विषयमा छलफल भएको बताइएको छ ।

राष्ट्रियसभा सदस्यको निम्ती प्रदेश १ मा भएको निर्वाचनमा अन्यतर्फ कांग्रेस उम्मेदवार गोपालकुमार बस्नेत गोलाप्रथाबाट विजयी हुनुभएको छ ।

आज भएको निर्वाचनको मतगणना अनुसार कांग्रेस उम्मेदवार गोपालकुमार बस्नेत र एमालेका उम्मेदवार गुरुप्रसाद बरालको मतभार बराबर भएपछि निर्वाचन आयोगले गोलाप्रथाबाट अन्तिम नतिजा सार्वजनिक गरेको हो । दुवै जनाको मतभार ४४८८ आएको थियो र गोलाप्रथा गर्दा कांग्रेस उम्मेदवार गोपालकुमार बस्नेत विजयी भएको आयोगले बताएको छ ।
त्यस्तै गरी यसअघि सार्वजनिक नतिजा अनुसार प्रदेश १ बाट महिलातर्फ नेकपा एकीकृत समाजवादीकी जयन्ती राई र अपांगता भएका व्यक्ति वा अल्पसंख्यकतर्फ एमालेका सोनाम गेल्जेन शेर्पा विजयी हुनुभएको छ ।

सञ्चार तथा सूचना प्रविधिमन्त्री एवम् सरकारका प्रवक्ता ज्ञानेन्द्रबहादुर कार्कीले प्रधानमन्त्री शेरबहादुर देउवाद्वारा सर्वदलीय बैठक नबोलाइएको बताउनु भएको छ ।

प्रधानमन्त्रीले सर्वदलीय बैठक बोलाउनुभएकै छैन तर कसरी समाचार मिडियामा आयो भन्ने बिषयमा कुनै जानकारी नभएको कार्कीले बताउनुभएको छ । आज बिहान ९:३० बजेका लागि सर्वदलीय बैठक बोलाइएको समाचार सार्वजनिक भएपछी प्रमुख प्रतिपक्ष एमालेले आफुहरुलाई प्रधानमन्त्रीको सचिवालयले सर्वदलीय बैठकबारे कुनै पनि जानकारी नगराएको र आफुहरु बैठकमा सामेल हुन नसक्ने भनेपछी सतापक्षले सर्वदलिय बैठकको बारे कुनै निर्णय नगरेको बताएको हुन सक्ने सत्तारुढ दलकै नेताहरुले बताएका छन ।

प्रधानमन्त्री निवास बालुवाटारमा आज सर्वदलिय बैठक बस्दै छ ।

स्थानीय तहको निर्वाचनबारे छलफल गर्न प्रधानमन्त्री देउवाले प्रधानमन्त्री निवास बालुवाटारमा आज बिहान साढे ९ बजेको लागि सर्वदलीय बैठक बोलाउनु भएको छ ।

सर्वदलीय बैठकमा स्थानीय तहको निर्वाचनका साथ-साथै एमसीसी र संसद अवरोधको बिषयमा छलफल हुने बताइएको छ । यस अघीको सर्वदलिय बैठक भने प्रमुख प्रतिपक्षी दल नेकपा एमालेले बहिस्कार गर्दै आएको छ र आज हुने भनिएको सर्वदलीय बैठकमा प्रमुख प्रतिपक्षी दल नेकपा एमालेले सहभागिता जनाउने या नजनाउने भन्ने बिषयमा कुनै आधीकारीक जानकारी भने प्राप्त भएको छैन ।

प्रधानमन्त्री शेरबहादुर देउवाको उपस्थितिमा सत्तागठबन्धनद्वारा गठित उच्चस्तरीय राजनीतिक समन्वय समितिको बैठक प्रधानमन्त्री निवास बालुवाटारमा चलिरहेको छ ।

नेकपा माओवादी केन्द्रका अध्यक्ष पुष्पकमल दाहाल प्रचण्डले पहिले संघीय चुनाव गरिनुपर्ने प्रस्ताव राखेपछी आजको बैठकमा स्थानीय, संघीय र प्रदेशमध्ये कुन चुनाव पहिला गर्ने भन्ने बिषयमा छलफल गरिने बताइएको छ । साथै कोरोना महामारी,एमसिसी र संसद अवरोधका बिषयमा पनि छलफल गरिने सत्ता साझेदार दलका नेताहरुले बताएका छन ।

कांग्रेसका वरिष्ठ नेता रामचन्द्र पौडेलको संयोजकत्वमा गठन गरिएको राजनीतिक समन्वय समितिमा माओवादी केन्द्रबाट प्रचण्ड र नारायणकाजी श्रेष्ठ, एकीकृत समाजवादीबाट माधवकुमार नेपाल, जनता समाजवादी पार्टीका उपेन्द्र यादव र राष्ट्रिय जनमोर्चाबाट दुर्गा पौडेल लगायतका ११ जना नेताहरुको उपस्थिती रहेको छ ।

निर्वाचन आयोगले नेपाल युवा किसान पार्टी, ३३ दलीय मोर्चा र नेपाल शान्ति क्षेत्र परिषद नामका तीन वटा राजनीतिक दलको दर्ता खारेज गरिदिएको छ।

निर्वाचन आयोगले तिन वटै दललाई लेखापरीक्षण प्रतिवेदन बुझाउन आग्रह गरेपनी दलहरुले प्रतिवेदन नबुझाएको भन्दै आयोगले ति तिनै दलको दर्ता खारेज गरेको जानकारी दिएको छ।

राजनीतिक दल सम्बन्धी ऐन २०७३ को दफा ४१ बमोजिम लेखापरीक्षण प्रतिवेदन नबुझाउने दललाई आयोगले २० हजारसम्म जरिवाना गर्न सक्ने प्रावधान रहेको छ र गत श्रावण २० मा आयोगले ति दलहरुलाई लेखापरीक्षण प्रतिवेदन बुझाउन सूचना जारी गरेको थियो ।

भौतिक पूर्वाधार तथा यातायातमन्त्री रेणु यादवले जनमत पार्टीका अध्यक्ष सीके राउतलाई ज्यान मार्ने मनासयको अभिव्यक्ति दिनुभएको छ ।

बलिदानी दिवस मनाउन गौर पुग्नुभएकी यादवलाई सिके राउतका कार्यकर्ताले सडकमा अवरोध गरेपछी आक्रोशित मन्त्री यादवले सिके रावतलाई गौरमा फणा देखाउने प्रयास गरे राइस मिल घटना दोहोरिन सक्ने चेतावनी दिनुभएको हो । राइस मिल अझै पनि उस्तै छ र गौरका मान्छे तिम्रा लाठी भांच्न सक्षम छन्,फणा देखाउने प्रयास नगर नत्र तिमी र तिम्रा कार्यकर्ता घेराबन्दीमा मारिन सक्छौ भन्ने जस्ता अभिव्यक्ति दिंदै हिम्मत भए सिंहदरबार घेरेर देखाउने चुनौती समेत दिनुभएको हो ।
२०६३ सालमा तत्कालिन मधेसी जनअधिकार फोरम र माओवादीले गौरमा आयोजना गरेको छुट्टा-छुट्टै कार्यक्रमले हिंसात्मक रुप लिंदा २८ जना माओवादी कार्यकर्ताको हत्या भएको थियो ।

प्रधानमन्त्री निवास बालुवाटारमा, सत्तागठबन्धनद्वारा गठित उच्चस्तरीय राजनीतिक समन्वय समितिको आज बसेको बैठकले बैशाखमा स्थानिय तहको निर्वाचन गर्ने सहमती गरेको छ ।

वैशाख १४ र २२ गते स्थानीय तहको निर्वाचन गर्नुपर्ने भनी निर्वाचन आयोगले सरकारलाई रायसुझाव सहितको प्रतिवेदन बुझाइसकेको भएपनी आज बसेको उच्चस्तरीय राजनीतिक समन्वय समितिको बैठकले भने सोही मितिमा निर्वाचन गर्ने वा अघीपछीको कुनै मितिमा निर्वाचन गर्ने भन्ने बिषयमा भने कुनै निर्णय नभैसकेको बताएको छ । यधपी बैशाखमै स्थानिय तहको निर्वाचन गर्ने सहमतीमा आजको उच्चस्तरीय राजनीतिक समन्वय समितिको बैठक टुँगिएको छ ।

यस बिषयमा बिहीबार बस्ने मन्त्रिपरिषदको नियमित बैठकले थप छलफल गरेर निर्वाचनको मिति तय गर्ने सरकारका प्रवक्ता ज्ञानेन्द्रबहादुर कार्कीले जानकारी दिनुभएको छ ।

प्रधानमन्त्री शेरबहादुर देउवाको उपस्थितिमा सत्तागठबन्धनद्वारा गठित उच्चस्तरीय राजनीतिक समन्वय समितिको बैठक बालुवाटारमा चलिरहेको छ ।

यही माघ १२ गते हुने राष्ट्रिय सभा निर्वाचनको बिषयमा छलफल भैरहेको जानकारी प्राप्त भएको छ । साथै कोरोना महामारी,स्थानीय तह निर्वाचन र संसद अवरोधका बिषयमा पनि छलफल गरिने सत्ता साझेदार दलका नेताहरुले बताएका छन ।

कांग्रेसका वरिष्ठ नेता रामचन्द्र पौडेलको संयोजकत्वमा गठन गरिएको राजनीतिक समन्वय समितिमा कांग्रेसबाटै कृष्णप्रसाद सिटौला, माओवादी केन्द्रबाट प्रचण्ड र नारायणकाजी श्रेष्ठ, एकीकृत समाजवादीबाट माधवकुमार नेपाल, जनता समाजवादी पार्टीका उपेन्द्र यादव र राष्ट्रिय जनमोर्चाबाट अध्यक्ष चित्रबहादुर केसी र दुर्गा पौडेल सदस्यको रुपमा रहेका छन् ।

लामो समयको प्रयासपछी प्रदेश २ सरकारले प्रदेशको नाम टुंगो लगाएको छ ।

प्रदेश २ सरकारले प्रदेश २ को नाम मधेश कायम गरेको छ । मधेस प्रदेश,मध्य मधेश,जानकी र मिथिला भोजपुरा गरी चार वटा नामहरुबिच सहमती जुटाउन नसकेपछी मतदान प्रकृया मार्फत आज प्रदेश २ को नाम मधेश कायम गरिएको हो । उपस्थित ९९ जना सांसद मध्य ८० जनाले मधेस प्रदेशको लागि मतदान गरेका थिए । मतदानको नतिजा सार्वजनिक गर्दै सभामुख सरोजकुमार यादवले प्रदेश २ को नाम मधेश कायम भएको घोषणा गर्नु भएको थियो ।
आजै यसअघी भएको मतदान प्रकृया बाट जनकपुरलाई प्रदेश २ को राजधानी कायम गरिएको थियो ।

दोस्रो पटकको प्रयासपछी प्रदेश २ को राजधानी जनकपुर कायम भएको छ ।

प्रदेशको राजधानी टुंगो लगाउनको निम्ती आज भएको मतदानले जनकपुरलाई प्रदेशको राजधानीको रुपमा टुंगो लगाएको छ । आज उपस्थित कुल ९९ सांसदमध्ये ७८ जनाले जनकपुरको पक्षमा मतदान गरेका थिए । मतगणनाको अन्तिम नतिजा सुनाउंदै सभामुख सरोजकुमार यादवले प्रदेश २ को राजधानी जनकपुर कायम रहने घोषणा गर्नुभएको थियो ।

प्रदेशको नाम टुंगो लगाउने प्रस्ताव पनि केही समय पश्चात अगाडि बढ्न सक्ने प्रदेश सभा सचिवालयले जनाएको छ ।

प्रदेश २ को नाम टुंग्याउन दलहरुलाई गाह्रो भैरहेको बेला प्रदेशको राजधानी टुंग्याउने सवालमा भने अहिले प्रदेशसभामा मतदान भइरहेको छ।

जनकपुरलाई प्रदेशको राजधानी बनाउने सवालमा लगभग सबै दलहरुबिच सहमती भएको भए पनि बारा र पर्साका केही सांसदहरुले बिरगंजलाई प्रदेशको राजधानीको रुपमा नाम प्रस्ताव गरेपछी प्रदेश राजधानी टुंग्याउन अहिले प्रदेश २ मा मतदान भैरहेको छ ।

दलहरुका अनुसार पहिला राजधानी टुँगो लागाउने र फेरी सहमतीको आधारमा प्रदेशको नाममा पनि निर्वाचन गर्ने जानकारी प्राप्त भएको छ । मधेस प्रदेश,मध्य मधेश,जानकी र मिथिला भोजपुरा गरी चार वटा नामहरुमा पनि आज नै मतदान हुन सक्ने बताइएको छ ।

भारतमा कोरोना भाईरसको ओमिक्रोन भेरियन्टका संक्रमितको संख्या दिनप्रतिदिन उच्च हुंदै गएपछी गुजरात सरकारले यही जनवरी १० देखी १२ सम्म हुने भनिएको भाइब्रेन्ट गुजरात ग्लोबल समिट स्थगित गरेको छ ।

नेपालको तर्फबाट प्रधानमन्त्री शेर बहादुर देउवा सहितको २५ सदस्यीय टोली सो समिटमा सहभागी हुन यही २५ गते भारत जाने तयारी गरेको थियो । कार्यक्रम स्थगित गरिएपछी प्रधानमन्त्रीको भारत भ्रमण हुने वा नहुने भन्ने बिषयमा भने कुनै औपचारिक निर्णय भैसकेको छैन ।

मन्त्रिपरिषद्को बुधबार बसेको बैठकले प्रधानमन्त्रीको भारत भ्रमण अनुमोदन गरेपछी,प्रधानमन्त्री शेरबहादुर देउवाको आगामी आइतबार छिमेकी राष्ट्र भारत भ्रमणमा जाने कार्यक्रम तय गरिएको छ ।

प्रधानमन्त्री देउवासहितको २५ सदस्यीय टोली सोमबार गुजरातमा सुरु हुने भाइब्रेन्ट गुजरात समिटमा सहभागी हुन भारत जान लागेको हो । चार दिने भ्रमणका क्रममा नयाँदिल्लीमा देउवा र मोदीबीच द्वीपक्षीय भेटवार्ता गर्ने कार्यक्रम रहेको छ ।

प्रधानमन्त्रीसहितको टोली नेपाल एयरलाइन्सको विमानमार्फत आइतबार दिल्ली हुँदै अहमदावाद प्रस्थान गर्नेछ ।

संसद सचिवालयले सूचना प्रकाशन गरी भोली हुने भनिएको संसद बैठक स्थगित गरिएको छ ।

पुस २२ गते बस्ने भनिएको प्रतिनिधिसभाको बैठक २८ गते १ बजेसम्मका लागि स्थगित गरिएको छ । संसद सचिवालयका अनुसार नेकपा एमालेले आफ्नो जिल्ला अधिवेशन पुस २३ मा हुने र धेरै सांसदहरु व्यस्त हुने भन्दै बैठक पछि सार्न माग गरेकोले २८ गतेको लागि बैठक सारीएको जानकारी गराइएको छ ।

यसअघि पुस १८ गतेका लागि बोलाइएको प्रतिनिधिसभाको बैठक नेकपा माओवादी केन्द्रले आफ्नो महाधिवेशन नसकिएको भन्दै स्थगित गर्न माग गरेपछि पुस २२ गतेका लागि बोलाइएको थियो ।

नेकपा माओवादी केन्द्रको अध्यक्षमा पुष्पकमल दाहाल प्रचण्ड पुनः निर्वाचित हुनुभएको छ । नारायणकाजी श्रेष्ठको प्रस्ताव र कृष्ण बहादुर महराको समर्थनमा निर्बिरोध निर्वाचित प्रचण्ड, ४० औं वर्षको लागि नेतृत्वमा चुनिनु भएको छ ।

यसैबिच माओवादी केन्द्रको आठौँ राष्ट्रिय महाधिवेशनले अनुमोदन गरेको केन्द्रिय समिती सदस्यहरुले आज पद तथा गोपनियताको सपथ ग्रहण गरेका छन्। केन्द्रीय समितिको पहिलो बैठकमा नवनिर्वाचित सदस्य र आयोगका पदाधिकारीहरुलाई निर्वाचन आयोगका अध्यक्ष बिष्णुपुकार श्रेष्ठले पद तथा गोपनियताको सपथ ग्रहण गराउनु भएको थियो ।

बाँकी केन्द्रीय सदस्य र पदाधिकारी भने पौष २५ गते बस्ने अर्को बैठकले टुङ्ग्याउने सहमती भएको बताइएको छ ।

प्रधानमन्त्री निवास बालुवाटारमा सत्ता साझेदार दलहरुबिच सम्पन्न बैठकले राष्ट्रिय सभा निर्वाचनका लागि सिट बाँडफाँडमा सहमति गरेको छ ।

आज भएको सहमती अनुसार कांग्रेसलाई ६, माओवादी केन्द्र र एकीकृत समाजवादीलाई ५-५, जनता समाजवादी पार्टीलाई २ र राष्ट्रिय जनमोर्चालाई एक सिट छुट्याइएको तर मनोनीततर्फको एक जनाको लागि भने सहमती गर्न बांकी रहेको बताइएको छ ।

राष्ट्रपतिबाट मनोनीत हुने एक जना बाहेक १९ अन्य सिटका लागि ७ वटै प्रदेशमा राष्ट्रिय सभा निर्वाचन हुने छ ।
राष्ट्रिय सभा निर्वाचनका लागि भोली उम्मेदवारी दर्ताको मिती तोकिएको छ भने माघ १२ गते मतदान हुने निर्वाचन आयोगले जनाएको छ ।प्रदेशसभा सदस्यहरू ५३२, गाउँपालिका अध्यक्ष तथा उपाध्यक्ष एवम् नगरपालिका प्रमुख तथा उपप्रमुखहरू १४९३ गरी जम्मा २०२५ जना मतदाता छन् ।

प्रधानमन्त्री निवास बालुवाटारमा सत्ता साझेदार दलहरुबिच बैठक जारी छ । बैठकमा आसन्न राष्ट्रिय सभा चुनावमा कसरी अगाडि बढ्ने भन्ने बिषयमा छलफल चलिरहेको बताइएको छ ।

आसन्न राष्ट्रिय सभा चुनावको लागि सत्ता साझेदार दलहरु कांग्रेस, माओवादी, एकीकृत समाजवादी र जसपाबिच गठबन्धन बनाएर चुनावमा जाने तयारी भैरहेको छ । राष्ट्रपतिबाट मनोनीत हुने एक स्थानबाहेक फागुन बाट रिक्त हुने १९ अन्य सिटका लागि ७ वटै प्रदेशमा राष्ट्रिय सभा निर्वाचन हुने छ ।
राष्ट्रिय सभा निर्वाचनका लागि भोली उम्मेदवारी दर्ताको मिती तोकिएको छ भने माघ १२ गते मतदान हुने निर्वाचन आयोगले जनाएको छ ।

सहमती जुटाउने भन्दै तेस्रो पटक सम्म निर्वाचन तालिका सार्दै आएको नेकपा (माओवादी केन्द्र) को आठौं महाधिवेशन आज सकिएको छ । आज सांझ अध्यक्ष पुष्पकमल दाहालले बन्दसत्रमा प्रस्ताव गर्नुभएको केन्द्रीय सदस्यहरुको नामावली पारित भएसंगै नेकपा (माओवादी केन्द्र) को आठौं महाधिवेशन सकिएको हो ।

२९९ सदस्यीय नवनिर्वाचित केन्द्रीय समितिको बैठक भोली सोमबार बस्ने छ । पदाधिकारीमा करिब सहमति जुटिसकेको र भोली बस्ने बैठकले पदाधिकारीको टुंगो लगाउने अध्यक्ष दाहालले बताउनुभएको छ ।

नेकपा माओवादी केन्द्रको निर्वाचन प्रकृया स्थगित भएको छ । निर्वाचन समितीले राती ८ बजेदेखी उम्मेद्बारी दर्ता गर्ने गरी निर्वाचन प्रकृयालाई अगाडि बढाईसकेको अवस्थामा, पुन: केन्द्रिय कार्यसमितीमा सहमतीको प्रयास गरेर अगाडि बढ्ने भन्दै तत्कालको लागि निर्वाचनका सबै प्रकृया स्थगित गरिएको जनाएको छ ।
यसअघी निर्वाचन समितिले भोली ११:३० बजे बाट मतदान गर्ने कार्यतालिक प्रस्तुत गरेको भएपनी भोली दिउंसो आईतवारसम्मको लागि निर्वाचनको सबै प्रकृया स्थगित गरिएको छ । भोली तोकिएको समयसम्म सहमती गर्न नसकेमा पुन: निर्वाचन प्रकृयामा जाने पनि बताइएको छ ।

नेकपा (माओवादी केन्द्र) को आठौं महाधिवेशनअन्तर्गत केन्द्रीय समिति र पदाधिकारी छनौटमा सहमति नभएपछी निर्वाचन प्रकृयामा जाने भएको छ ।

निर्वाचन समितीले निर्वाचनको कार्यतालिका प्रस्तुत गर्दै राति ८ बजेदेखि साढे १०:३० बजेसम्म उम्मेद्बारी दर्ता गर्ने समय निर्धारण गरेको छ ।
निर्वाचित कमिटीले अध्यक्षसहित १५ सदस्यीय पदाधिकारी र २९९ जनाको केन्द्रीय कमिटी निर्वाचित गर्ने छ ।

उम्मेद्वारहरुको अन्तिम नामावली भोली बिहान ११:१५ बजे प्रकाशन गरिने र ११:३० देखी ४ बजेसम्म मतदान गरिने निर्वाचन समितिले जारी गरेको सूचनामा उल्लेख गरिएको छ ।

नेपाली कांग्रेसका सभापति शेरबहादुर देउवाले नेता रामचन्द्र पौडेलसहित १० जनालाई केन्द्रीय कार्यसमिति सदस्यमा मनोनीत गर्नुभएको छ । मुख्य सचिव कृष्णप्रसाद पौडेलले प्रेस विज्ञप्तिमा जारी गर्दै नेपाली कांग्रेसको विधान अनुसार सभापति शेरबहादुर देउवाद्वारा मनोनयन गरिएका केन्द्रिय सदस्यहरुको नामावली सार्वजनिक गर्नुभएको छ ।

मनोनीत हुने केन्द्रिय सदस्यहरुमा राम्चन्द्र पौडेल, प्रकाशमान सिंह, विमलेन्द्र निधि, विजयकुमार गच्छदार, कृष्णप्रसाद सिटौला, डा. प्रकाशशरण महत, डा. नारायण खड्का, उमा रेग्मी, सुजाता कोइराला र मीन विश्वकर्मा रहेका छन्। कांग्रेसको विधानअनुसार पार्टी सभापतिले ३३ केन्द्रीय सदस्य मनोनीत गर्न पाउने व्यवस्था छ।

नेकपा माओवादी केन्द्रका अध्यक्ष पुष्पकमल दाहाल प्रचण्डले केन्द्रीय समिति र पदाधिकारी छनौटमा सहमति नभए लोकतान्त्रिक प्रकृया अवलम्बन गर्दै निर्वाचनमा जाने बताउनुभएको छ ।
बन्दसत्रमा बोल्दै प्रचण्डले आफुहरुले सहमतीको लागि प्रयास गरिरहेको तर सहमतीमा पदाधिकारी छनौट गर्न नसक्ने अवस्था आएमा आफुहरु निर्वाचनको लागि पनि तयारी रहेको बताउनु भएको छ ।

केन्द्रीय समिति र पदाधिकारीमा सहमति जुटाउनका लागि ५ बजेसम्मको समय दिइएको छ । तोकिएको समयसिमाभित्र पनि सहमति नभए निर्वाचन समितिले प्रक्रिया अघि बढाउने र निर्वाचनमा जाने तय भएको छ ।

विवेकशील साझा पार्टिका प्रवक्ता हरिशप्रशाद भट्टले रवीन्द्र मिश्रलाई विवेकशील साझा पार्टीको नाम दुरुपयोग नगर्न भन्दै प्रेस विज्ञप्ति जारी गरेका छन् ।

शुक्रबार राप्रपा अध्यक्ष लिङ्देन र मिश्रबिच भएको पार्टी एकताको बिषय सञ्चारमाध्यममा आएपछी मिलन पाण्डे समुहले उनको सो कदमको बिरोध गर्दै विज्ञप्ति निकालेको छ । साथै राप्रपासंग पार्टी एकिकरणको प्रस्ताव बैधानिक रुपमा विवेकशील साझा पार्टिको नभएर मिश्रको निजी स्वार्थ मात्र बताइएको छ ।
साथै पार्टीलाई व्यवस्थाविरोधी बनाउने र पार्टीका नेताहरूलाई वैकल्पिक राजनीतिको मर्मविपरीत धारमा उभिन बाध्य बनाउने मिश्रको कदममा सहभागी नहुन पनि पार्टी सदस्यहरूलाई विज्ञप्तिमार्फत अपिल गरिएको छ। किर्ते दस्तावेज बनाएर निर्वाचन आयोगलाई प्रभावित गरेको आरोप लगाउंदै सो विषयलाई लिएर आफुहरु अदालत जाने सम्मको चेतावनीपूर्ण भाषामा लेखिएको विज्ञप्तिमा कानुनी लडाई लड्दै गर्दा पार्टी आन्तरिक रुपमा दुई धारमा बिभाजन भइसकेको र आफुहरु संयोजक पाण्डेको अगुवाईमा पार्टी सुदृढीकरणमा अगाडि बढ्ने पनि उल्लेख गरिएको छ ।

केही समय अगाडि मात्रै मिश्रले पाण्डेलाई पार्टिको साधारण सदस्य समेटा नरहने गरी निस्कासन गरेको घोषणा गरेका थिए भने पाण्डेले मिश्रको घोषणा नमान्ने बताएका थिए ।