उत्तर कोरियाले आफ्नो पूर्वी तटीय क्षेत्रमा धेरै क्रुज मिसाइल प्रहार गरेको छ । प्रक्षेपण सिन्पो बन्दरगाह नजिक भएको थियो। क्षेप्यास्त्रको संख्या र प्रकारबारे कुनै जानकारी नभएको दक्षिण कोरियाको सेनाले बताएको छ।

उत्तर कोरियाको यो नयाँ प्रक्षेपणको रिपोर्ट गर्दै, दक्षिण कोरियाको संयुक्त चीफ अफ स्टाफ ले भनेको छ, “हाम्रो सेनाले उत्तर कोरियाको उक्साहटका थप संकेतहरूको निगरानी गर्न संयुक्त राज्य अमेरिकासँग नजिकबाट समन्वय गरिरहेको छ”। ।

उत्तर कोरियाली नेता किम जोङ उन हालका महिनाहरूमा आफ्नो नीति निर्देशन र बयानबाजीमा बढ्दो आक्रामक हुँदै आएका र शान्ति कायम राख्ने र सैन्य कारबाहीलाई बढावा दिने उद्देश्यका धेरै सम्झौताहरू अन्त्य गर्दै आएको उत्तर कोरियाले बताएको छ।

प्योङयाङले नयाँ ठोस ईन्धनयुक्त क्षेप्यास्त्र र यसको पानीमुनि आक्रमण गर्ने ड्रोनको परीक्षण गरेको दाबी गरेको छ, जसले परमाणु हतियार बोक्न सक्छ।

यस महिनाको सुरुमा, किम जोङ उनले दक्षिण कोरियालाई “मुख्य शत्रु” को रूपमा नामकरण गर्दै, दक्षिण कोरियासँग पुन: एकीकरणको पूर्व आधारभूत लक्ष्य समाप्त भएको घोषणा गरेका छन् ।यसले उत्तर कोरियाले युद्धको तयारी गरिरहेको भन्दै चिन्ता बढाएको दक्षिण कोरियाले बताएको छ ।

दक्षिण कोरियाका राष्ट्रपति युन सुक येओलले ,यदि उत्तरले उक्साहट बढाउँदै लगेमा त्यसको कडा जवाफ दिने बताएका छन्।