EN
काठमाडौँ- विशिष्ट व्यक्तिहरुलाई मापदण्डविपरीत दिइएको सुरक्षा अधिकृत, सवारी चालक र भान्सेहरूलाई १५ दिनभित्र फिर्ता गर्न सरकारलाई निर्देशन दिइएको छ ।
प्रतिनिधिसभाको राज्य व्यवस्था तथा सुशासन समितिले बैठकले सरकारका मन्त्री तथा पदाधिकारीहरूले नियमानुसार पाउनेभन्दा बढी सवारी साधनहरू र सुरक्षाकर्मी प्रयोग गरेको फिर्ता गर्न निर्देशन दिएको हो ।
समितिको सभापति रामहरि खतिवडाले नियमअनुसार भीभीआईपी र भीआईपीहरूलाई प्राप्त हुने सुविधाबाहेकका अन्यलाई मापदण्डविपरीत उपलब्ध गराइएका पीएसओ १५ दिनभित्र फिर्ता गरी आफ्नो दरबन्दी भएको ठाउँमा पठाउन नेपाल सरकार, प्रधानमन्त्री तथा मन्त्रिपरिषद् कार्यालय, गृह मन्त्रालयलाई निर्देशन दिने निर्णय गरेको बताएका छन्।
समितिले नेपाल सरकार तथा प्रधानमन्त्री, मन्त्रिपरिषद् कार्यालयको निर्णयअनुसार सुशासन कायम राख्नका लागि सार्वजनिक बिदाका दिन पनि अत्यावश्यक सेवाका कार्यालयहरू खोल्ने निर्णय कार्यान्वयन गर्न निर्देशन दिएको छ ।
