चीनका विदेशमन्त्री वाङ यीले ,ताइवान मामिलामा हस्तक्षेप गरेर वाशिंगटनले चीनको सार्वभौमसत्तालाई कमजोर पार्न खोजेको र यसले निकट भविष्यमा निकै खतरा निम्त्याउन सक्ने चेतावनी दिएका छन्।

चीनका विदेशमन्त्री वाङ यीले न्यूयोर्कमा आफ्ना अमेरिकी समकक्षी एन्टोनी ब्लिन्केनसँगको भेटवार्तामा , विश्व मञ्चमा दुई शक्तिहरू एकजुट हुन संयुक्त राज्य अमेरिकाले चीनप्रतिको आफ्नो दृष्टिकोण बदल्नुपर्ने बताएका छन्।

वाङका अन्नुसार ,चीनले स्वशासित टापुलाई आफ्नो क्षेत्र मान्छ र ताइपेईलाई कुनै पनि विदेशी कूटनीतिक र सैन्य सहायताको प्रतिरोध गर्नेछ। ताइवानको मुद्दा चीनको आन्तरिक मामिला भएकोले अमेरिकालाई हस्तक्षेप गर्ने अधिकार नभएको पनि उनले बताएका छन्।

अमेरिकाले चीनप्रतिको आफ्नो धारणालाई सच्याउनेछ र चिनियाँसँग दबाबपूर्ण व्यवहार गर्ने प्रयास बन्द गर्नेछ भन्ने आशा राखेको पनि वाङले बताएका छन्।

यता,अमेरिकी विदेश मन्त्रालयका प्रवक्ता नेड प्राइसले भने, ब्लिन्केनले बेइजिङसँग खुला सञ्चारको लाइन कायम गर्नुपर्ने आवश्यकताबारे कुरा गरेको र वाशिङ्टनले ‘एक-चीन’ नीति अनुरूप ताइवान स्ट्रेटमा शान्ति र स्थायित्व कायम गर्न प्रतिबद्ध रहेको बताएका छन् ।