राष्ट्रियसभाको विधायन समितिबाट पनि नागरिकता विधेयक हुबहु पारित भएको छ ।

पुनर्विचारका लागि राष्ट्रपतिबाट सन्देशसहित फिर्ता भएको नागरिकता विधेयक प्रतिनिधिसभाबाट हुबहु पारित गराएर राष्ट्रिय सभामा प्रस्तुत गरिएको थियो। राष्ट्रिय सभाको अघिल्लो बैठकले विधेयकलाई छलफलको लागि विधायन समितिमा पठाउने प्रस्ताव सर्वसम्मतिले पारित गरेको थियो। विधायन समितिको बैठकले पनि छलफल पछि नागरिकता विधेयकलाई हुबहु पारित गरेको हो।

एमालेको लिखित अहसमति बाबजुद पनि सत्तारुढ गठबन्धन दलको बहुमतले विधेयकलाई हुबहु पारित गरेको छ ।विधायन व्यवस्था समितिले बिहीबारको राष्ट्रिय सभा बैठकमा प्रतिवेदनसहितको विधेयक पेश गर्ने जनाइएको छ ।