नेपाली कांग्रेसका स्वर्गीय नेता प्रदीप गिरीको पार्थिव शरीरलाई आज पशुपति आर्यघाटमा अन्त्येष्टि गरिएको छ।
घाँटीको क्यान्सरबाट पीडित गिरीको ७४ वर्षको उमेरमा उपचारको क्रममा शनिबार राती ९.३० बजे ललितपुरको मेडिसिटी अस्पतालमा निधन भएको हो ।
अन्त्येष्टि अघि प्रधानमन्त्री एवम् कांग्रेस सभापति शेरबहादुर देउवाले गिरिको पार्थिव शरीरमा पार्टीको झण्डा ओढाउनुभएको थियो भने, नेता गिरीलाई अन्तिम श्रद्धान्जली स्वरुप नेपाल प्रहरीले सलामी अर्पण गरेको थियो।
नेपाली कांग्रेसका स्वर्गीय नेता प्रदीप गिरीको पार्थिव शरीरलाई अन्त्येष्टिका लागि आज पशुपति आर्यघाटमा लगिनेछ।
उहाँको पार्थिव शरीरलाई श्रद्धाञ्जलीका लागि विहान ९ बजे देखि ११ बजेसम्म मेडीसिटी अस्पतालको शिवालयमा राखिनेछ।
लगत्तै, उहाँको पार्थिव शरीरलाई श्रद्धाञ्जलीका लागि ११ बजे देखि दिउँसो २ बजेसम्म पार्टी केन्द्रीय कार्यालय,वी पी स्मृति भवन, सानेपामा राखिनेछ।
अन्तिम श्रद्धाञ्जली पछि उहाँको पार्थिव शरीरलाई आज नै पशुपति आर्यघाटमा अन्त्येष्टि गरिनेछ।
नेपाली कांग्रेसका नेता एवम् प्रतिनिधिसभा सदस्य प्रदीप गिरीको निधन भएको छ ।
घाँटीको क्यान्सरबाट पीडित गिरीको ७४ वर्षको उमेरमा उपचारको क्रममा शनिबार राती ९.३० बजे ललितपुरको मेडिसिटी अस्पतालमा निधन भएको हो ।
विगत लामो समयदेखि भारतमा घाँटीको क्यान्सरको उपचार गराइरहेका गिरीलाई नेपाल फ़र्किएपछि उपचारको क्रममा मेडिसिटी अस्पतालमा भर्ना गरिएको थियो ।
२००४ सालमा बुवा मित्रलाल गिरी र पुण्यप्रभा गिरीको सन्तानका रुपमा सिरहाको बस्तीपुरमा जन्मिएका गिरीले भारतको जवाहरलाल नेहरु विश्वविद्यालयबाट दर्शनशास्त्र र अर्थशास्त्रमा स्नातकोत्तर गरेका थिए ।वीपी कोइरालाका सहयात्रीसमेत रहेका नेता गिरी नेपालको समकालीन राजनीतिका एक प्रखर विचारक थिए। राजनीतिक जीवनको क्रममा उनले करिब चार वर्षको जेल जीवन समेत बिताएका थिए ।
अध्ययन, अनुसन्धान र लेखनमा रुचि राख्ने गिरीका लेलिनको जीवनी, नारी, मार्क्सवाद र अर्थशास्त्र लगायत विषयमा एक दर्जनभन्दा बढी पुस्तक प्रकाशित छन् ।
२०५१ सालदेखि संसदीय राजनीतिमा सक्रिय बनेका गरी पटक-पटक सांसद बनेका भए पनि मन्त्री भने बनेनन् । २०५१ को संसदीय निर्वाचनमा सिरहा ५ बाट निर्वाचित गिरी, २०६४ ,२०७० र २०७४ को निर्वाचनमा पनि सांसदको रुपमा विजयी भएका थिए।
EN
