नेपाली कांग्रेसका सभापति शेरबहादुर देउवाले नेपाली कांग्रेसको १४ औँ महाधिवेशनमा पराजित तीन नेतालाई केन्द्रिय सदस्यमा मनोनित गर्नुभएको छ ।
१४ औँ महाधिवेशनमा सहमहामन्त्रीमा पराजित कर्णालीका मुख्यमन्त्री जीवनबहादुर शाही, सभापतिमा पराजित कल्याण कुमार गुरुङ र महामन्त्रीमा पराजित प्रदीप पौडेल केन्द्रीय सदस्यमा मनोनीत भएका छन् ।

कांग्रेसको विधान, २०१७ (संशोधन सहित) को धारा २१ को उपधारा १० बमोजिम तिनै जनालाई केन्द्रीय कार्यसमिति सदस्य पदमा मनोनयन गरिएको कांग्रेस प्रवक्ता कृष्णप्रसाद पौडेलले जानकारी दिनुभयो ।

शनिबार मात्रै सभापति देउवाले १० जनालाई केन्द्रिय सदस्यमा मनोनित गर्नुभएको थियो ।