निर्वाचन आयोगले पत्र जारी गर्दै राष्ट्रिय प्रजातन्त्र पार्टी (राप्रपा) लाई पार्टीको विधानबाट राजसंस्था र सनातन हिन्दू राष्ट्र भन्ने जस्ता शव्द र प्रावधानहरु हटाउन निर्देशन दिएको छ ।

संविधानको मर्म र भावना विपरित भएको भन्दै निर्वाचन आयोगले राप्रपालाई विधानमा राजसंस्था र सनातन हिन्दू राष्ट्रभन्ने शब्दावलिहरु नराख्न निर्देशन दिएको हो । त्यस्तै गरी पार्टिको झण्डामा गाईको चिन्ह पनि राख्न नपाउने भने आयोगले राप्रपालाई निर्देशन दिएको छ । बिभिन्न ८ वटा बुंदाहरु उल्लेख गरेर आयोगले पठाएको पत्रमा अध्यक्ष लिङ्देनले असहमती र आक्रोश जनाउंदै त्यसको जवाफमा आफुहरुले निर्वाचन आयोगलाई स्पष्टिकरण पत्र लेख्ने बताउनु भएको छ । संविधानमा सशस्त्र गतिविधि गर्ने राजनीतिक दल खोल्ने बाहेक वैचारिक आधारमा कुनै पनि दलहरुलाई प्रतिबन्ध लगाइने छैन भन्ने व्यवस्था भएकोले आयोगले पठाएको पत्र र निदेशन नै गैर संबैधानिक र संविधानको मर्म विपरित भएको अध्य्क्ष लिङ्देनले बताउनुभएको छ ।