विद्यार्थीहरुले अतिरिक्त शुल्क लिएको भन्दै काठमाडौं मेडिकल कलेजमा तालाबन्दी गरेका छन् ।अतिरिक्त शुल्क उठाउन बन्द गर्नु पर्ने भन्दै कलेज प्रशासनलाई पटकपटक आग्रह गर्दापनि अतिरीक्त शुल्क लिन बन्द नगरेपछी आज विद्यार्थीहरुले कलेजमा तालाबन्दी गर्न वाध्य भएको बताएका छन् । कलेजले प्रती विद्यार्थी २० लाखसम्म अतिरिक्त शुल्क असुल्ने गरेको विद्यार्थीहरुको गुनासो रहेको छ ।

केही विद्यार्थीहरुले दवाबमा आएर अतिरिक्त शुल्क तिरेका र अतिरिक्त शुल्क तिरेका विद्यार्थीलाई छुट्टै राखेर कक्षा संचालन गरेको कलेज प्रशासनले विद्यार्थीहरुलाई अतिरिक्त शुल्क बुझाउन चर्को दवाब दिंदै आएको विद्यार्थीहरुले बताएका छन् । विद्यार्थीहरुले भोली बाट कलेज परिसरमा रिले अनसन बस्ने पनि जानकारी गरएका छन् ।

यसैबिच आज गृह मन्त्रालयले सम्बन्धित जिल्ला प्रशासनहरुलाई अतिरिक्त शुल्क लिने मेडिकल कलेजहरुलाई कारबाही गर्न निर्देशन जारी गरेको छ ।