नेकपा माओवादी केन्द्रको अध्यक्षमा पुष्पकमल दाहाल प्रचण्ड पुनः निर्वाचित हुनुभएको छ । नारायणकाजी श्रेष्ठको प्रस्ताव र कृष्ण बहादुर महराको समर्थनमा निर्बिरोध निर्वाचित प्रचण्ड, ४० औं वर्षको लागि नेतृत्वमा चुनिनु भएको छ ।

यसैबिच माओवादी केन्द्रको आठौँ राष्ट्रिय महाधिवेशनले अनुमोदन गरेको केन्द्रिय समिती सदस्यहरुले आज पद तथा गोपनियताको सपथ ग्रहण गरेका छन्। केन्द्रीय समितिको पहिलो बैठकमा नवनिर्वाचित सदस्य र आयोगका पदाधिकारीहरुलाई निर्वाचन आयोगका अध्यक्ष बिष्णुपुकार श्रेष्ठले पद तथा गोपनियताको सपथ ग्रहण गराउनु भएको थियो ।

बाँकी केन्द्रीय सदस्य र पदाधिकारी भने पौष २५ गते बस्ने अर्को बैठकले टुङ्ग्याउने सहमती भएको बताइएको छ ।