आईसीसी ट्वान्टी-२० विश्वकप छनोटका लागि नेपाल क्रिकेट संघ(क्यान) ले १६ खेलाडीको नाम सार्वजनिक गरेको छ ।

आगामी फेब्रुअरी १५ देखि ओमानमा आयोजना हुने प्रतियोगिताका लागि क्यानले १६ जना खेलाडीको नाम सार्वजनिक गरेको हो ।
नेपालले विश्वकप छनोटको समूह चरणमा ओमान, क्यानडा र बहराइनसँग प्रतिस्पर्धा गर्नेछ । यस पटक सन्दिप लामिछानेको नेतृत्वमा नेपालले विश्वकप छनोटको लागि प्रतिस्पर्धा गर्नेछ । टिममा पर्न सफल खेलाडिहरुमा सन्दीप लामिछाने, कुशल भुर्तेल, आसिफ शेख, दीपेन्द्रसिंह ऐरी, ज्ञानेन्द्र मल्ल, शरद भेषावकर, आरिफ शेख, करण केसी, जितेन्द्र मुखिया, अभिनास बोहरा, साहब अलाम, कुशल मल्ल, कमलसिंह ऐरी, विवेक यादव, प्रदीप ऐरी र लोकेश बम रहेका छन् । नेपाली टोलीका चर्चित भनिएका सोमपाल कामी भने यस पटक टिमबाट बाहिरिएका छन् ।