सरकारले नेपालीहरुलाई भिजिट भिसामा मलेसिया र खाडी मुलुकहरुमा जान रोक लगाउने निर्णय गरेको छ ।

कोरोना भाइरसको संक्रमण तिब्र रुपमा फैलिन थालेपछी सरकारले आगामी माघ १० गतेबाट नेपालीहरुलाई भिजिट भिसामा मलेसिया र अन्य खाडी मुलुकहरुमा जान रोक लगाउने भएको छ । गृह मन्त्रालयका प्रवक्ता फणीन्द्रमणि पोख्रेलले आज एक विज्ञप्ति जारी गर्दै सो कुरा जानकारी गराउनु भएको छ । खाडीका देश र मलेसियामा गएका नेपालीहरु विचल्लीमा परेको गुनासो आएपछि सरकारले भिजिट भिसामा नेपालीहरुलाई रोक लगाउने निर्णय गरेको बताइएको छ । अर्को सुचना जारी नहुंदा सम्म भिजिट भिसामा लगाइएको प्रतिवन्ध कायमै रहने पनि विज्ञप्तिमा उल्लेख गरिएको छ ।