कोरोना भाइरसको संक्रमण बढ्दै गएपछी सर्वोच्च अदालतले आफ्नो सेवामा कटौती गरेको छ । सेवा कटौती गर्दै सर्वोच्च अदालतले अति आवश्यक मुद्दामा मात्र सुनुवाइ गर्ने निर्णय गरेको छ ।

सर्वोच्च अदालतको मंगलबार बसेको पूर्ण बैठकले आज बाट माघ १८ गते सम्मका लागि अत्यावश्यक मुद्दामा मात्र सुनुवाइ गर्ने भएको छ ।बन्दी प्रत्यक्षीकरण तथा अत्यन्त जरूरी प्रकृतिका जीवन र जनस्वास्थ्य तथा सार्वजनिक महत्वका मौलिक हकसँग सम्बन्धित रिटमा मात्र सुनुवाइ गर्ने सर्वोच्चका प्रवक्ता बाबुराम दाहालले जानकारी गराउनु भएको छ ।तामेली एवं मिलापत्रसम्बन्धी कामकारबाही ,मुलुकी फौजदारी कार्यविधिअनुसार थुनुवा रहेका व्यक्तिहरूको निवेदन तथा प्रतिवेदनउपर सुनुवाइ भने सेवा कटौतीको अवधीभरी पनि जारी रहनेछ । जिल्ला अदालत र अन्य न्यायाधिकरणको हकमा भने स्थानिय परिस्थिती एवं जोखिमको अवस्था हेरेर काम कारबाही अगाडि बढाउन पनि सर्वोच्चले निर्णय गरेको छ ।