केन्द्रीय कार्यसम्पादन समिति गठनबारे छलफल गर्न आज अपराह्न ३ बजे भर्चुअल माध्यमबाट नेपाली कांग्रेसको केन्द्रिय समितीको बैठक बस्दै छ ।

केन्द्रिय समिती जम्बो भएपछी नेपाली कांग्रेसले कार्यसम्पादन समिति गठन गर्न लागेको हो । नेपाली कांग्रेसको पार्टीको बिधानमा पनि ४५ सदस्यीय केन्द्रीय कार्यसम्पादन समिति गठनको प्रावधान रहेको छ । जसअनुसार समितिमा १४ जना पदाधिकारी र ३१ जना सदस्य रहने व्यवस्था छ । बिधानमा पनि केन्द्रीय समितिले गर्नुपर्ने काम कार्यसम्पादन समितिले गर्न सक्ने प्रावधान रहेकोले केन्द्रिय पार्टीको कामकार्वाही र राष्ट्रिय महत्वको बिषयमा छलफल गर्न कार्यसम्पादन समिति गठन गर्न लागिएको हो । आजको बैठकमा अन्य समसामयिक विषयमा पनि छलफल हुने बताइएको छ ।