माघ १२ गते हुने भनिएको राष्ट्रिय सभा निर्वाचनको १९ सिटका लागि ४३ जनाले उम्मेदवारी दिएका छन्।

राष्ट्रिय सभा चुनावमा सत्ता गठबन्धनका साझा उम्मेदवार र प्रमुख प्रतिपक्षी दल नेकपा एमालेको उम्मेद्वारबिच चुनावी प्रतिस्पर्धा हुनेछ ।
गठबन्धन सरकार अन्तर्गत कांग्रेसले ६, माओवादी केन्द्र र एकीकृत समाजवादीले ५-५, जनता समाजवादी पार्टीले २ र राष्ट्रिय जनमोर्चाले एक सिटका लागि चुनावमा प्रतिस्पर्धा गर्दैछ ।
प्रदेशसभा सदस्यहरू ५३२, गाउँपालिका अध्यक्ष तथा उपाध्यक्ष एवम् नगरपालिका प्रमुख तथा उपप्रमुखहरू १४९३ गरी जम्मा २०२५ जना मतदाताहरुले निर्वाचनमा मत हाल्नेछन । पौष २५ गते उम्मेद्वारहरुको अन्तिम नामावली प्रकाशन गरी निर्वाचन चिन्ह प्रदान गरिनेछ ।