भारतीय राज्य उत्तराखण्डका गभर्नर एवंम भारतीय सेनाका पूर्व लेफ्टिनेन्ट जनरल गुर्मित सिंहले भारतद्वारा अतिक्रमित नेपाली भूमि नाबी र गुन्जीको भ्रमण गरेका छन्। आफ्नो ट्विटमा नाबी र गुन्जी लगायत सीमा क्षेत्रको भ्रमण गरेको तस्वीर सार्वजनिक गरेका सिंहले ती क्षेत्रका भारतीय सुरक्षाकर्मी र स्थानीय बासिन्दासँग अन्तर्कृया समेत गरेको बताइएको छ ।

प्रधानमन्त्री देउवाको भारत भ्रमण तय भैसकेको अवस्थामा भारतीय राज्य उत्तराखण्डका गभर्नर एवंम भारतीय सेनाका पूर्व लेफ्टिनेन्ट जनरलको यो भ्रमणले के संकेत गर्न खोज्दैछ भन्ने आम चासोको विषय बनेको छ । दशकौंदेखि भारतीय कब्जामा रहेको यो क्षेत्र, सुगौली सन्धि र ऐतिहासिक तथ्य एवं प्रमाण अनुसार काली (महाकाली) नदी र सोपूर्वका लिम्पियाधुरा, कुटी, नाबी, गुंजी, कालापानी र लिपुलेकलगायतका क्षेत्र नेपाली भूमि हुन्।

नेपालले कालापानी क्षेत्र समेटेर राजनीतिक नक्सा जारी गरेपछीको यो पहिलो प्रधानमन्त्रीस्तरीय भ्रमण हुनेछ । तर भ्रमणमा देउवाले भारतद्वारा अतिक्रमित भुमी लिपुलेक, कालापानी र लिम्पियाधुराको बिषयमा बहस गर्लान कि नगर्लान त्यो आम चासोको विषय बनेको छ ।