सीके राउतका कार्यकर्ताहरुले मुढा तेर्साएर पूर्व पश्चिम राजमार्ग अवरुद्ध गर्ने प्रयास गरेपछी सडक खुलाउने क्रममा धनुषाको गणेशमान चारनाथ नगरपालिका-८ गोदार चोकमा सीके राउतका कार्यकर्ता र प्रहरीबीच झडप भएको छ।

झडपमा ८ जना सुरक्षाकर्मी घाइते भएका छन् । झडपमा रबरको गोली लागेर ३ जना प्रदर्शनकारीहरु पनि घाइते भएका छन् ।

प्रहरीले ११ राउन्ड रबर गोली र १६ राउन्ड अश्रु ग्यास प्रहार गरेपनि स्थिती नियन्त्रणमा आउन सकेको छैन । अहिले गदार चोक तनावग्रस्त बनेको छ । राउतका कार्यकर्ताहरु भाटा लिएर सडकमा उत्रिएका छन् ।

माथि देखाइएको तस्विर घटनाको वास्तविक तस्विर नभएर सांकेतिक तस्विर मात्र हो । तस्विर गुगल बाट सभार गरिएको छ ।