प्रधानमन्त्री शेरबहादुर देउवाले स्थानीय तहको निर्वाचन चाँडै नै गर्ने प्रस्ताव राख्नु भएको छ ।

निर्वाचन आयोगले वैशाखभित्र निर्वाचन गर्न दवाव दिएको र निर्वाचन सार्न खोजेको भनी चौतर्फी आलोचना भएपछी प्रधानमन्त्री शेरबहादुर देउवाले स्थानीय तह निर्वाचन ऐन २०७३ को संशोधन नगर्ने र चाँडै नै स्थानीय तहको निर्वाचन गर्ने प्रस्ताव राख्नु भएको हुनसक्ने बताइएको छ ।

सत्तारुढ दलले संविधानसँग बाँझिएको भन्दै स्थानीय तह निर्वाचन ऐन संशोधन गर्ने र स्थानीय जनप्रतिनिधिको कार्यकाल सकिएको ६ महिनाभित्र निर्वाचन गराउने व्यवस्था गर्ने सहमति गरेको भनिएपनी आजको बैठक विना निष्कर्ष टुँगिएको थियो । कानुन व्यवसायीहरुसँग परामर्श गरेर अपरान्ह ४ बजे बस्ने गठबन्धनको बैठकमा प्रधानमन्त्री देउवाको प्रस्ताव बारे छलफल हुने बताइएको छ ।