पाल्पाको रिब्दीकोट गाउँपालिका–२ लघुवामा बस दुर्घटना हुँदा बसमा सवार ६ जना यात्रुको मृत्यु भएको छ भने १७ जना घाइते भएका छन् ।
गुल्मीको मजुवाबाट बुटवलतर्फ जाँदै गरेको लु १ ज ५९५२ नम्बरको बस रिब्दीकोट गाउँपालिका–२ लघुवामा सडकबाट करिब सय मिटर तल खसेको प्रहरीले जनाएको छ। दुर्घटनामा परि ३ महिला र ३ पुरूष गरि ६ जना यात्रुको घटनास्थलमा नै मृत्यु भएको हो । अहिलेसम्म मृत्य हुनेहरुको पहिचान भने हुनसकेको छैन।
घाइतेहरुको उद्दार कार्य भैरहेको र उनीहरुलाई उपचारका लागि तानसेन अस्पताल लगिएको प्रहरीले जनाएको छ।
भक्तपुरमा रुख ढलेर गुडिरहेको बस र एउटा स्कुटरलाई थिच्दा ३ जनाको मृत्यु भएको छ भने १२ जना घाइते भएका छन् ।
काठमाडौंबाट भक्तपुरको दूधपाटी जाँदै गरेको बा २ ख ३५८४ नम्बरको यात्रुबहाक बस र बा ६१ प ३९७८ नम्बरको स्कुटरलाई रुख ढलेर थिच्दा बस र स्कुटरमा सवार ३ जनाको मृत्यु भएको र १२ जना यात्रुहरु घाइते भएको प्रहरीले जनाएको छ। घाइते भएकाहरुलाई उपचारका लागि अस्पताल लगिएको छ ।
तस्बिर : महत कुमार
रामेछापबाट काठमाडौं आउँदै गरेको बस आज बिहान खाँडादेवी १ लुभुघाटमा दुर्घटना हुँदा १३ जनाको मृत्यु र २० जना घाइते भएका छन् ।
रामेछापको सुनापती गाउंपालिका ३ हिलेदेवीबाट काठमाडौं आउँदै गरेको बा ३ ख ८३९६ नम्बरको बस दुर्घटनामा परि सडकबाट करिब १०० मिटर तल भिरमा खसेको थियो। दुर्घटनामा ५ पुरुष र ४ महिलाको घटनास्थलमै मृत्यु भएको र घाइतेलाई उपचारको लागि धुलिखेल अस्पताल पठाइएको प्रहरीले जनाएको छ।
अपडेट : दुर्घटनाको पछिल्लो अपडेट अनुसार धुलिखेल अस्पतालमा उपचाररत अन्य ४ जना घाइतेको मृत्यु भएको प्रहरीले जनाएको छ। यो संगै मृत्यु हुनेको संख्या १३ पुगेको छ।
बुटवलबाट शव बोकेर मलामी सहित दाहसंस्कारका लागि रिडीतर्फ जांदै गरेको बस दुर्घटना हुंदा ७ जनाको मृत्यु भएको छ । दुर्घटनामा ८ जना घाइते भएका छन् ।
लु १ ख ७२७९ नम्बरको बस पाल्पाको रिब्दीकोट गाउँपालिका–३, लघुवामा दुर्घटना भएको प्रहरिले जनाएको छ । करिब ३५ जना सवार उक्त बस के कारणले दुर्घटना भएको भन्ने बिषयमा प्रारम्भिक अनुसन्धान भैरहेको र घाइतेहरुलाई उपचारको लागि सदरमुकाम तानसेन पठाइएको प्रहरिले जनाएको छ ।
EN
