प्रदेश १ को राष्ट्रिय सभा निर्वाचनमा नेकपा (एकीकृत समाजवादी)बाट जयन्ती राई ४३६२ मतसहित विजयी हुनुभएको छ ।

निकटतम प्रतिद्वन्द्वी एमालेकी उम्मेदवार सुमित्रा भण्डारीलाई ३३० मतले पराजित गर्दै राईले गठबन्धनबाट महिलातर्फको उम्मेदवारमा विजय प्राप्त गर्नुभएको छ ।

राईले प्रदेशसभाका सांसदहरुको २४९६ र स्थानीय तहका प्रतिनिधिहरुको २१९६ मत प्राप्त गर्नुभएको छ । राईकी निकटतम प्रतिद्वन्द्वी सुमित्रा भण्डारीले भने प्रदेशसभाको १८२४ मत र स्थानीय तहका प्रतिनिधिहरुको २५३८ मत प्राप्त गर्नुभएको थियो ।

त्यस्तै गरी प्रदेश १ मै भएको राष्ट्रियसभा सदस्य निर्वाचनमा अल्पसंख्यकतर्फ एमाले उम्मेदवार सोनाम ग्यालजेन शेर्पाले गठबन्धनका उम्मेदवारलाई पराजित गरेका छन्। शेर्पाको मतभार ४७५२ र उनका प्रतिस्पर्धी पाँचदलीय गठबन्धनका उम्मेदवार जनता समाजवादीका हेमराज राईको मतभार ४३६८ रहेको छ ।

अन्यतर्फ कांग्रेस उम्मेदवार गोपालकुमार बस्नेत र एमालेका उम्मेदवार गुरुप्रसाद बरालको मत बराबर .