साढे ३३ किलो सुन तस्करी र सनम शाक्य हत्या प्रकरणका मुख्य आरोपी चुणामणि उप्रेती गोरेका भाइ रमेश उप्रेतीलाई जिल्ला अदालत मोरङले दुई लाख रुपैयाँ धरौटीमा छाड्ने आदेश दिएको छ ।

सुन तस्करीमा संलग्न भएकाहरुलाई अदालतले निर्दोष करार गर्दै धरौटीमा छोड्न थालेपछी फरार अभियुक्तको सूचीमा रहेका उप्रेती मंगलबार यूएइबाट नेपाल आएका थिए । ३३ किलो सुन तस्करी र सनम शाक्य हत्या प्रकरणका आरोपी उप्रेतीलाई मंगलबार त्रिभुवन अन्तर्राष्ट्रिय विमानस्थलबाट प्रहरिले पक्राउ गरेपछी आज भएको थुनछेक बहसमा न्यायाधीश भरत लम्सालको इजलासले उनलाई दुई लाख रुपैयाँ धरौटीमा छाड्ने आदेश दिएको हो ।

यस प्रकरण अन्तर्गत जिल्ला अदालतमा मुद्दा दर्ता गरिएका ७७ जना आरोपी मध्य ५६ जनाले सफाई पाइसकेका छन् ।