लाठी र भाटा सहित मतदान स्थलमा प्रवेश गर्न खोजेपछी प्रहरी र जनमत पार्टिका कार्यकर्ताहरुबिच जनकपुरधाममा झडप भएको छ ।

जनमत पार्टी नेपालका नेता कार्यकर्ताहरुले जनकपुरमा आज बिहानैदेखि विरोध प्रदर्शन गरेका छन् । जनमत पार्टिका कार्यकर्ताहरुले पहिला किसानलाई मल दे अनी भोट ले भन्ने नारा सहित प्रदर्शन गरेको छ । प्रदर्शनकारीहरु मतदान स्ठलमा प्रवेश गर्न खोज्ने क्रममा प्रहरीसंग झडप भएको थियो । झडपको क्रममा प्रहरिले पांच राउण्ड अश्रुग्यांस समेत प्रहार गरेको छ । मतदान स्थलबाट प्रहरिले प्रदर्शनकारीहरुको भिडलाई तितरबितर पारेको भए पनि उनिहरुले जनकपुरधामको बिभिन्न ठाउँमा प्रदर्शन जारी राखेका छन् ।