नेपाली सेनाले दुई सय २९ जना क्याडेट अधिकृत माग गर्दै आवेदन खुला गरेको छ।छनौट निर्देशनालय कार्यरथी विभाग जंगी अड्डाले आज एक सूचना जारी गर्दै २२९ जना अधिकृत क्याडेटको आवेदन खुल्ला गरेको छ ।

खुला तथा समावेशी प्रतिस्पर्धाबाट पदपूर्ति गर्न आवेदन माग गर्दै,खुलातर्फ १२६ ,महिलातर्फ २१, आदिवासी जनजातिमा ३३, मधेशीमा २९, दलिततर्फ १५ र पिछडिएको क्षेत्रतर्फ ५ जनाको माग गरिएको सैनिक निर्दशनालयले जानकारी गराएको छ । आवेदनको अन्तिम मिती २०७८ माघ १७ गते सम्म रहेको छ भने १८ वर्ष पूरा भई २१ वर्ष ननाघेका इच्छुक व्यक्तीले नेपाली सेनाको आधिकारिक वेबसाइट www.nepalarmy.mil.np बाट पनि आवेदन दिन सक्नेछन् । स्नातक तह वा सो सरह शैक्षिक योग्यता भएकाहरुको हकमा भने २४ बर्षे उमेर हद लागु हुनेछ ।पुरूषका लागि उचाइ ५ फिट ३ इन्च र महिलाक लागि ५ फिट हुनुपर्नेछ ।