विगत २ बर्ष अगाडि दिएको परीक्षाको नतिजा प्रकाशन नगरेको भन्दै आज लोकसेवा आयोगको कार्यालय अगाडी परीक्षार्थीहरुले प्रदर्शन गरेका छन् ।

लोकसेवा आयोगले २ बर्ष अगाडि लिएको शाखा अधिकृत तहको परीक्षाको नतिजा आजसम्म प्रकाशन गरेको छैन । दुई बर्ष देखी परीक्षाको नतिजा कुरेर बसेका परीक्षार्थीहरुले आज लोकसेवा आयोगको कार्यालयमा प्रदर्शन गरेका हुन् । यता लोकसेवा आयोगले भने सर्वोच्च अदालतको अन्तरिम आदेशको कारण नतिजा प्रकाशन नगरेको बताएको छ । प्रदेश र स्थानीय तहमा समायोजन भएका शाखा अधिकृतले दिएको रिटमा सुनुवाइ गर्दै सर्वोच्च अदालतले तत्काल नतिजा प्रकाशन नगर्न भनी आदेश दिएको लोकसेवा आयोगले जानकारी दिएको छ ।