बुद्ध एयरको काठमाडौंबाट नेपालगञ्ज आउंदै गरेको जहाज अवतरण हुन नसकेपछी आत्तिएर एक यात्रु बेहोस भएका छन् ।

बुद्ध एयरको नं ४५१ को काठमाडौंबाट ७:४४ मा नेपालगञ्जको लागि उडेको जहाज मौसमको खराबीको कारण निर्धारित समयमा अवतरण हुन नसकेपछी एक जना महिला यात्रु आत्तिएर बेहोस हुन पुगेको बुद्ध एयरले जानकारी दिएको छ । बेहोस भएकी महिलालाई उपचारको लागि सैनिक अस्पातल लगिएको र स्वास्थ्य अवस्था सामान्य भए लगत्तै उनी घर फर्किसकेको पनि जानकारी प्राप्त भएको छ ।६९ जना सवार सो जहाज मौसममा आएको खराबीको कारण ८:४४ मा अवतरण हुनु पर्नेमा ९:१८ मा मात्र अवतरण गर्न सफल भएको थियो ।