सडक निर्माणमा खटिएका १४ जना मजदुर रुकुम पूर्वको पुथाउत्तरगंगा गाउँपालिका– २ पेल्माको घुसदुङमा हिउँमा फसेका छन् ।

मौसममा आएको परिवर्तनसँगै भारी मात्रामा हिउँ परेपछि सडक निर्माणमा खटिएका मज्दुरहरु आफु बसेकै ठाउंमा फसेका हुन। गत मंगलवार देखी उनिहरु सो स्थानमा फसेको भएपनी सूचनाको पहुंच भन्दा बाहिरको विकट भौगोलिक परिवेशको कारण समयमै सूचना प्राप्त हुन नसकेको बताइएको छ । जानकारी प्राप्त हुने बित्तिकै प्रमुख जिल्ला अधिकारीले गृह मन्त्रालयलाई खबर गरेको र आजै उनिहरुको स्थान पहिचान गरी हेलिकप्टर बाट उद्दार गरिने प्रमुख जिल्ला अधिकारीले बताउनु भएको छ ।