नेपाली कांग्रेसका सभापति शेरबहादुर देउवाले नेता रामचन्द्र पौडेलसहित १० जनालाई केन्द्रीय कार्यसमिति सदस्यमा मनोनीत गर्नुभएको छ । मुख्य सचिव कृष्णप्रसाद पौडेलले प्रेस विज्ञप्तिमा जारी गर्दै नेपाली कांग्रेसको विधान अनुसार सभापति शेरबहादुर देउवाद्वारा मनोनयन गरिएका केन्द्रिय सदस्यहरुको नामावली सार्वजनिक गर्नुभएको छ ।

मनोनीत हुने केन्द्रिय सदस्यहरुमा राम्चन्द्र पौडेल, प्रकाशमान सिंह, विमलेन्द्र निधि, विजयकुमार गच्छदार, कृष्णप्रसाद सिटौला, डा. प्रकाशशरण महत, डा. नारायण खड्का, उमा रेग्मी, सुजाता कोइराला र मीन विश्वकर्मा रहेका छन्। कांग्रेसको विधानअनुसार पार्टी सभापतिले ३३ केन्द्रीय सदस्य मनोनीत गर्न पाउने व्यवस्था छ।