चिकित्सा शिक्षा आयोगले निर्धारण गरेभन्दा अतिरिक्त शुल्क माग्ने मेडिकल कलेजहरूलाई कारबाही गर्न गृह मन्त्रालयले सम्बन्धित जिल्ला प्रशासन कार्यालयहरुलाई निर्देशन दिएको छ ।

गृह मन्त्रालयले जिल्लामा मेडिकल कलेजहरुले विद्यार्थीसंग चर्को शुल्क लिए- नलिएको अध्ययन गर्न र चर्को शुल्क लिने कलेजहरुलाई कारबाहीको दायरामा ल्याएर मन्त्रालयमा प्रतिवेदन बुझाउन निर्देशन दिएको छ ।

पछील्लो समय मेडिकल कलेजहरूले विद्यार्थीसँग चर्को शुल्क लिने र शुल्क नतिरे पठनपाठन गर्न रोक लगाउने कार्य गर्दै आएको छ । केही दिन अगीमात्र बिराटनगरको नोबेल मेडिकल कलेजले अतिरिक्त शुल्क नतिरेका एमबीबीएसका विद्यार्थीहरुलाई कलेज प्रवेशमा रोक लगाएको थियो ।