नेपालगञ्जकी निर्मला कुर्मी र बाँकेको नन्कुन्नी धोबीको बेपत्ता र मृत्युबारे छानविनको लागि धर्ना बस्दै आएका अधिकारकर्मी र रुबी खानसंग सरकारले चार बुंदे सहमती गरेको छ ।

नेपालगन्जकी नन्कुन्नी धोबीको मृत्यु र निर्मला कुर्मी बेपत्ता घटनाका दोषीमाथि कारबाहीको माग गर्दै माइतीघर मण्डलामा ४१ दिनदेखि भएको आन्दोलन सहमतीमा आएर टुङिएको छ ।यसअघी पनि न्यायका लागि दबाव दिन रुबी खान नेपालगञ्जबाट २० दिन पैदलयात्रा गरेर काठमाडौं आएकी थीइन भने १२ दिन अनशन पनि बसेकी थीइन ।

निर्मला कुर्मीको अपहरण तथा शरीर बन्धक र कर्तव्य ज्यानसम्बन्धी जाहेरीमा औंल्याइएका विषयमा केन्द्रीय अनुसन्धान ब्यूरोमार्फत अनुसन्धान गर्ने,साक्षी तथा अभियन्ताहरुको सुरक्षाको प्रत्याभूति गर्ने, सरकारी प्रतिवेदन कार्यान्वयनमा प्रशासनिक सहजीकरण गर्ने र सत्याग्रहसहितका आन्दोलन रोक्ने गरी चार वटा विषयमा सहमति भएपछी धर्नासहितका सम्पूर्ण कार्यक्रमहरू स्थगित गरिएको हो ।