काठमाडौं – पुर्व सभामुख एवं संविधानसभा अध्यक्ष सुवास नेम्वाङको निधनपछि मन्त्रिपरिषदको आकस्मिक बैठक आहवान गरिएको छ ।

सिंहदरबारस्थित प्रधानमन्त्री तथा मन्त्रिपरिषदको कार्यालयमा मन्त्रिपरिषदको आकस्मिक बैठक बस्न लागेको हो । बैठकले स्वर्गीय सुवास नेम्वाङलाई राष्ट्रिय सम्मान दिनेबारे निर्णय गर्ने तयारी गरेको बताइएको छ ।

नेम्वाङको हृदयघातबाट आज बिहान निधन भएको थियो। उनको पार्थिव शरीर हाल त्रिवि शिक्षण अस्पताल, महाराजगञ्जमा राखिएको छ । त्यहाँबाट उनको शवलाई श्रद्धाञ्जलिको लागि एमाले पार्टी कार्यालयमा लगिनेछ।

अन्तिम सम्मानसम्बन्धी कार्यविधिमा तोकिएका बाहेक अरुको हकमा राष्ट्रिय सम्मानबारे मन्त्रिपरिषदले निर्णय गर्नुपर्ने व्यवस्था छ । त्यसो भएमा नेम्वाङको शव व्यवस्थापनदेखि अन्त्येष्टिसम्म नेपाली सेना संलग्न हुनेछ ।