काठमाडौँ- सरकारले प्रस्ताव गरेको विद्यालय शिक्षा विधेयकविरुद्ध असन्तुष्टि जनाउँदै देशभरका शिक्षकहरु काठमाडौंमा भेला भएर प्रदर्शनमा उत्रिएका छन्।

नेपाल शिक्षक महासंघको आह्वानमा देशभरका शिक्षकहरु माइतिघरमा भेला भएर प्रदर्शन गरिरहेका छन् ।

विधेयकमा राहत शिक्षकलाई स्थायी गर्ने व्यवस्था नगरिएको, अस्थायी शिक्षकलाई तलबबाहेक कुनै सुविधा नदिने व्यवस्था गर्न लागिएको, ट्रेड युनियन खारेजी, सरुवा–बढुवा स्थानीय तहलाई दिने लगायत विषयप्रति असन्तुष्टि जनाउँदै उनीहरुले शिक्षक कर्मचारीमाथिको ज्यादती बन्द गर, शिक्षामा कूल बजेटको २० प्रतिशत लगानी गर लगायतका नारा लेखिएका प्लेकार्ड सहित नाराबाजी गरिरहेका छन् ।