काठमाडौँ- नेकपा एमालेका उपाध्यक्ष एवं पूर्व सभामुख सुवासचन्द्र नेम्बाङको निधन भएको छ ।

आफ्नै निवासमा रहेका नेम्बाङलाई राती करिब १ बजे हृदयघात भएपछि परिवारका सदस्यहरुले उनलाई त्रिवि शिक्षण अस्पताल, महाराजगञ्ज पुर्‍याएका थिए । अस्पतालमा पुर्‍याउने वित्तिकै चिकित्सकहरुले नेम्वाङको निधन भैसकेको बताएका थिए।

उनको निधन भएको खबर पश्चात प्रधानमन्त्री पुष्पकमल दाहाल, एमाले अध्यक्ष केपी शर्मा ओली, सभामुख देवराज घिमिरे लगायतका नेताहरु अस्पताल पुगेका थिए । अहिले अस्पताल परिसरमा नेताहरुको बाक्लो उपस्थिति रहेको छ।

नेम्वाङको पार्थिव शरिरलाई श्रद्धाञ्जलीका लागि एमाले पार्टी कार्यालय च्यासलमा राखिने भएको छ । नेेम्वाङका दुई छोरा विदेशमा रहेकाले उनीहरू आएपछि मात्र अन्त्येष्टि गरिने बताइएको छ ।

नेम्वाङ इलाम-२ बाट प्रतिनिधि सभामा निर्वाचित सांंसद हुन् ।