सोमबार बिहान उकालो लागेको सेयर बजार अन्तिम समयमा आएर ९. ७५ अंकले ओरालो लाग्दै २०७६. ६७ मा झरेर रोकिएको छ ।
नेप्सेमा गिरावट आएपनि आइतबारको तुलनामा सोमबारको कारोबार रकममा भने वृद्धि भएको छ। २३४ कम्पनीको १०,९८१,५९१ कित्ता सेयर कारोबार हुँदा कुल कारोबार रकम भने ४,३४९,२७३,५९३ पुगेको छ। सो रकम आइतबारको तुलनामा १ अर्ब ८६ करोडले बढी हो ।
लामो समयसम्म ओरालो लाग्दै आएको नेपाली सेयर बजार आइतबार एक्कासी ९४ .९२ अंकले उकालो लागेको भएपनि नेप्से क्रमिक रुपमा ओरालो लाग्ने क्रम भने रोकिएको छैन।
मंगलवार ११. ८२ अंकले ओराले लाग्दै नेप्से १९२१. ३१ अंकमा झरेर रोकिएको छ। ०. ६१ प्रतिशतले ओरालो लागेको आजको सेयर कारोबार १,०५८,२६३,५२२ रुपैयाँमा खुम्चिएको छ। २३० कम्पनीको ३,०३७,६८० कित्ता सेयर कारोबार हुँदा बैंक र जीवन विमा बाहेक अन्य सबै सूचक घटेको छ।
निरन्तर रुपमा लामो समयदेखि घटिरहेको सेयर बजार आइतबार भने ९४ .९२ अंकले उकालो लागेको छ।
आइतबार ५.१० प्रतिशतले उकालो लागेको सेयर बजार १९५६. ९८ विन्दुमा पुगेर रोकिएको छ। यो संगै सेन्सेटिभ सूचक पनि ४. ९१ प्रतिशतले वृद्धि भएको छ।
आइतबार ६ ,३६३,५९० कित्ता सेयर कारोबार हुँदा कुल कारोबार रकम भने २,१९६,१४१,८४९ रुपैयाँ पुगेको छ। २३० कम्पनिको सेयर कारोबार हुँदा २१ कम्पनीले सर्किट ब्रेक गरेको छभने कारोबारका सबै उप-सूचकहरुमा हरियाली छाएको छ।
सरकारले भर्चुअल मुद्राको प्रयोगलाई वैधानिकता दिन नसके पनि नेपाल राष्ट्र बैंकले आन्तरिक बजारमा डिजिटल मुद्रा ल्याउने तयारी गरेको छ ।
धेरै देशहरूले कम लेनदेन लागतको साथ मूल्यको निर्बाध स्थानान्तरणको सुविधाको लागि डिजिटल मुद्रा जारी गर्न थालेका छन्।बुधबार एक कार्यक्रममा बोल्दै राष्ट्र बैंकका डेपुटी गभर्नर बमबहादुर मिश्रले भौतिक मुद्राको प्रयोगलाई भर्चुअल मुद्राले प्रतिस्थापन गर्न केन्द्रीय बैंक तयारी अवस्थामा रहेको बताए । भारतले मार्च २०२३ को अन्त्यसम्ममा आफ्नो मुद्राको डिजिटल संस्करण लन्च गर्ने तयारी गरेपछि नेपाल राष्ट्र बैंक डिजिटल मुद्रा ल्याउन इच्छुक देखिएको हो ।
राष्ट्र बैंकले नेपालमा डिजिटल मुद्रा लागू गर्ने सम्भाव्यता अध्ययन गर्न कार्यदल गठन गरेको छ । डिजिटल मुद्राको प्रयोगका सम्बन्धमा आवश्यक सुझाव दिन डेपुटी गभर्नर मिश्रको संयोजकत्वमा समिति समेत गठन गरेको छ ।
साताको पहिलो कारोबार दिन आज नेप्से परिसूचक ४४ दशमलव ५६ अंकले घटेर २४१९ दशमलव ८० अंकमा झरेको छ ।
‘क’ वर्गका कम्पनीहरुको कारोबार मापन गर्ने सेन्सेटिभ परिसूचक पनि ८.८७ अंकले घटेको छ । कारोबार रकम रु दुई अर्ब नाघेको छ । दिनभर ४० हजार ५०७ कारोवारबाट २३३ कम्पनीको ५० लाख ९५ हजार ८३४ शेयर कारोबार भएको छ । जसमध्ये कारोबार रकम रु. २ अर्ब २६ करोड 7 लाख ८६ हजार ६२८ रुपैयाँ छ ।
उपकार माइक्रोफाइनान्स फाइनान्सियल इन्स्टिच्युसन लिमिटेडले सर्वसाधारणका लागि साधारण शेयर (आइपीओ) जारी गरेको छ । कम्पनीले रु १०० अंकित मूल्यमा २ लाख ३६ हजार २५० प्रारम्भिक सार्वजनिक प्रस्ताव (आईपीओ) जारी गरेको छ ।
कम्पनीले जारी पुँजीको ०.५ प्रतिशत वा ३ हजार २ सय ८१ कित्ता कर्मचारीलाई र पाँच प्रतिशत वा ११ हजार ८१३ कित्ता सामूहिक लगानी कोषमा निकासा गरेको छ । बाँकी २ लाख २१ हजार १५६ कित्ता शेयर खरिदका लागि सर्वसाधारणले आवेदन दिन सक्नेछन् ।
सर्वसाधारणले चैत्र २९ गतेसम्म न्यूनतम १० र बढीमा १००० कित्ताका लागि आवेदन दिन सक्ने भए पनि सो अवधिसम्म माग नआए वैशाख ९ गतेसम्म निष्कासन खुला गरिने कम्पनीले जनाएको छ ।
धितोपत्र निष्कासन तथा बिक्री प्रबन्धकमा नेपाल एसबीआई मर्चेन्ट बैंकिङ लिमिटेड छनोट भएको छ ।इक्रा नेपाल लिमिटेडले धितोपत्रको सार्वजनिक निष्कासन गर्दा क्रेडिट रेटिङको व्यवस्थाअनुसार धितोपत्रको रेटिङ गर्दा कम्पनीलाई ‘बीबी माइनस’ ग्रेडिङ दिएको छ ।
नेपालमा क्रिप्टोकरेन्सी, बिटक्वाइन, हाइपर नेटवर्किङ, अनलाइन जुवा (बेटिङ) जस्ता वेबसाइट ननचल्ने भएको छ ।
नेपाल दूरसञ्चार प्राधिकरणले पत्र लेख्दै यस्ता वेबसाइट र एपहरु बन्द गर्न इन्टरनेट तथा मोबाइल सेवाप्रदायकलाई निर्देशन दिएको हो ।
अर्थ मन्त्रालयले सञ्चार तथा सूचना प्रविधि मन्त्रालयलाई पत्र काटेर यस्ता वेबसाइट ‘ब्लक’ गर्न आग्रह गरेको थियो ।
आर्थिक अपराधसँग सम्बन्धित एप र वेबसाइट प्रयोग, सञ्चालन तथा व्यवस्थापन गर्न नपाउने गरी निषेध, डिसेबल र कालोसूचीमा राख्न निर्देशन दिएको हो ।
क्रिप्टोकरेन्सीको कारोबारमा संलग्न रहेको आरोपमा राजस्व अनुसन्धान विभागले दुई जनाविरुद्ध जिल्ला अदालत काठमाण्डौमा मुद्दा दायर गरेको छ ।
क्रिप्टोकरेन्सीका विभिन्न माध्यमहरू बाइनान्स, एडीभी क्यास, क्वाइन बेस, पाक्सफुल लगायतका एपमार्फत नेपाल सरकारले गैरकानुनी मानेका क्रियाकलाप र कारोबार गरेको आरोपमा मोरङको रतुवामाईका पुस्कर श्रेष्ठ र रतुवामाईकै विनिता लिम्बुविरुद्ध नौ करोड ७४ लाख ६९ हजार नौ सय ८३ रुपैयाँ जरिबाना माग गरेर मुद्दा दायर गरिएको राजस्व अनुसन्धान विभागले जनाएको छ ।
क्रिप्टोमा लगानी गर्ने क्रममा पुस्कर श्रेष्ठले मेगा बैंकबाट ८६ लाख ८३ हजार, सिटिजन्स बैंकबाट दुई करोड ५१ लाख, एनआईसी एसिया बैंकबाट एक करोड ८२ लाख, राष्ट्रिय वाणिज्य बैंकबाट दुई करोड ३६ लाख गरी सात करोड ५७ लाख र विनिता लिम्बुले एनआईसी एसियाबाट दुई करोड १६ लाख रुपैयाँ बराबरको अनलाइनमार्फत अवैध रूपमा अमेरिकी डलरको कारोबार गरेको विभागले जनाएको छ ।
सरकारले नेपालमा क्रिप्टोकरेन्सी र कुनै पनि किसिमका डिजिटल मुद्रालाई कानुनी मान्यता दिएको छैन ।
EN
