काठमाडौं : भिजिट भिसाको नाममा मानव बेचबिखनमा संलग्न व्यक्तिविरुद्ध मुद्दा दायर भएको छ । प्रहरीको प्रतिवेदनका आधारमा जिल्ला सरकारी वकिलको कार्यालय काठमाडौंले संगठित अपराध सम्बन्धी कसुरमा ९ अध्यागमन अधिकृतसहित २२ जनाविरुद्ध काठमाडौं जिल्ला अदालतमा मुद्दा दायर गरेको छ ।

अध्यागमन अधिकृत ताराबहादुर कुँवर, कुशल बराल, शैलेन्द्र ढकाल, विमल पौडेल, विष्णुप्रसाद अर्याल, विकास डंगोल, पिताम्बर रिमाल, सुजन फागो लिम्बु र नरवीर खड्कासहित २२ जना विरुद्ध भिजिट भिसामा अवैध मानव तस्करी गरेको अभियोगमा मुद्दा दायर भएको छ ।

त्यस्तै गीता शाह, सरोजकुमार यादव, पदम लामा, मनोज तामाङ, रामप्रसाद भण्डारी, दिनेश ज्ञवाली, रविन अर्याल, विनोद कार्की, कौशिला मगर, लक्ष्मी राई र रीता दमाईविरुद्ध समेत मुद्दा दर्ता भएको छ ।

प्रहरी अनुसन्धानले अध्यागमनका कर्मचारीले ट्राभल एजेन्सीमार्फत पैसा लिने र नक्कली कागजात बनाएर विमानस्थलबाट बाहिर पठाउने प्रक्रियामा अध्यागमन कर्मचारीको संलग्नता रहेको खुलेको छ । यसअघि सोही मुद्दामा अध्यागमन अधिकृत नरवीर खड्कालाई पनि सिआइबीले पक्राउ गरेको थियो ।