EN
काठमाडौँ – पूर्वप्रधानमन्त्री शेरबहादुर देउवाका साला तथा पूर्व परराष्ट्रमन्त्री आरजु राणाका भाई भूषण राणाको जावलाखेलस्थित घरमा नेपाल प्रहरीको केन्द्रीय अनुसन्धान ब्युरो (सीआईबी) ले छापा मारेको छ। उनी राज्यका विभिन्न निकायमा हुने ठूला खरिद र नियुक्तिमा प्रभाव जमाउने व्यक्तिका रूपमा रहेको बताइन्छ ।
भदौ २४ गते जेनजी आन्दोलनका क्रममा देउवाको बूढानीलकण्ठस्थित घरमा आक्रमण हुँदा ठूलो मात्रामा नगद र बहुमूल्य सामान भेटिएको थियो। त्यसपछिका अनुसन्धानका क्रममा प्रहरीले राणाको घरमा छापा मरेको हो।
मनोजकुमार केसी सीआईबी प्रमुखको जिम्मेवारीमा आएपछि गृह मन्त्रालयले राजनतिक आडमा बन्द भएका अनुसन्धान अगाडी बढाउन उनलाई निर्देश दिएको थियो ।केसीले उपत्यका अपराध अनुसन्धान कार्यालयको नेतृत्व गर्दा चर्चित भुटानी शरणार्थी प्रकरणको छानबिन अघि बढाएका थिए।
