EN
आइतबार नेपाल आउनुभएको चिनियाँ कम्युनिष्ट पार्टीको अन्तर्राष्ट्रिय सम्पर्क विभागका प्रमुख लिउ जियानचाओ ४ दिने नेपाल भ्रमण पश्चात बुधबार राति १० बजे स्वदेश फर्कनु भएको छ।
भ्रमणको क्रममा जियानचाओले राष्ट्रपति, प्रधानमन्त्री र विभिन्न राजनीतिक दलका नेताहरुसंग भेटघाट गर्नुभएको छ। भेटको क्रममा जियानचाओले नेपाली भूमिमा चीनविरोधी गतिविधि हुन नपाओस् भन्ने धारणा व्यक्त गर्नुभएको थियो भने प्रधानमन्त्री देउवाले नेपाल एक चीन नीतिप्रति प्रतिबद्ध रहेको बताउनुभएको छ।
भेटको क्रममा लिउ जियानचाओले कुनै पनि देशसँग चीनको सम्बन्ध विचारधाराद्वारा निर्देशित नहुने भन्दै नेपालका सबै राजनीतिक दलहरुसँग सहकार्य गर्न र नेपालमा जुन पार्टीको सरकार भए पनि चीन सदैव साथ रहने बताउनुभएको छ।
त्यसैगरी,भेटघाटकै क्रममा नेपाल–चीन सम्बन्ध लगायत द्विपक्षीय आपसी हितका विषयमा छलफल भएको परराष्ट्र मन्त्रालयले जनाएको छ।
