राष्ट्रपति विद्यादेवी भण्डारी र चिनियाँ कम्युनिष्ट पार्टीको अन्तर्राष्ट्रिय सम्पर्क विभागका प्रमुख लिउ जियानचाओबीच आज राष्ट्रपति निवासमा शिष्टाचार भेटवार्ता भएको छ।

चार दिने भ्रमणको अन्तिम दिन आज राष्ट्रपतिसंग शिष्टाचार भेटवार्ता गर्न जियानचाओ शितल निवास पुग्नुभएको हो। भेटको क्रममा राष्ट्रपति भण्डारीले नेपाल र चीन बीचको सम्बन्ध ऐतिहासिक रहेको उल्लेख गर्दै, नेपाल आफ्नो विकास प्रक्रियामा छिमेकीसहित मित्रराष्ट्रहरूको साथ लिएर अघि बढ्ने बताउनुभएको छ।

चिनियाँ नेता जियानचाओले भने नेपालको सबै राजनीतिक दलहरुबिचको सम्बन्ध विस्तारका लागि आफु नेपाल आएको र चिन-नेपाल सम्बन्ध, मित्रता, पारस्परिक लाभ र द्विपक्षीय हितको आधारमा विकास भएको बताउनुभएको छ।

यसघि नेता जियानचाओले प्रधानमन्त्री,परराष्ट्र मन्त्रि र अन्य राजनीतिक दलका नेताहरुसंग भेटवार्ता गर्नुभएको थियो।