EN
काठमाडौँ- जनता समाजवादी पार्टी (जसपा) नेपालले सर्वोच्च अदालतको पछिल्लो आदेशलाई राजनीतिक पूर्वाग्रह र प्रतिशोधप्रेरित भएको टिप्पणी गरेको छ। प्रवक्ता मनीष सुमनले पार्टीले सरकारलाई दिएको समर्थन फिर्ता लिएको, भूमिसम्बन्धी अध्यादेश निष्क्रिय बनाउन भूमिका खेलेको र त्यसपछि आएको आदेशसँग राजनीतिक उद्देश्य जोडिएको बताएका छन् । उनले अदालतले उनीहरूको पक्ष नसुनी एकतर्फी आदेश दिएको दाबी गर्दै निष्पक्ष न्यायिक छानबिनको माग गरेका छन् ।
पार्टीको कार्यकारिणी बैठक बसेर ठोस निर्णय गर्ने र कानुनी सल्लाहपछि आधिकारिक धारणा सार्वजनिक गर्ने पनि उनले बताएका छन् । अध्यक्ष उपेन्द्र यादवले आदेशबारे अध्ययन गरेपछि मात्र प्रतिक्रिया दिने भन्दै निर्णय न्यायिक प्रक्रिया हो कि राजनीतिक प्रतिशोध, त्यसको मूल्यांकन समाज र बौद्धिक क्षेत्रले गर्ने बताएका छन् ।
