जनता समाजवादी पार्टीको विरगंजमा बसेको पेन्द्र यादव समूहको केन्द्रीय समितिको बैठकले संघीय परिषद अध्यक्ष बाबुराम भट्टराईसहित ९ केन्द्रीय नेतालाई बर्खास्त गरेको छ ।

पार्टी फुटाउन भूमिका खेलेको आरोप लगाउँदै बिहीबार भट्टराई र उनको गुटका नेतालाई पार्टीबाट हटाउने निर्णय गरेको हो ।

संघीय परिषद अध्यक्ष भट्टराई, कार्यकारिणी सदस्य महिन्द्र यादव, हिसिला यमी, गंगानारायण श्रेष्ठ, प्रशान्त सिंह, दुर्गा शोब, रमेश यादव, भक्तबहादुर शाह र दानबहादुर चौधरीलाई पदमुक्त गरिएको जनता समाजवादी पार्टीका केन्द्रीय सदस्य एवं वन तथा वातावरण मन्त्री प्रदीप यादवले जानकारी दिनुभएको छ।

मंगलबार र बुधबार काठमाडौंमा बसेको भट्टराई समूहको विस्तारित बैठकले जसपाबाट अलग भएर नयाँ पार्टी बनाउने निर्णय गरेको थियो।