काठमाडौँ — जनता समाजवादी पार्टी, नेपालको संसदीय दलको बैठक आज सिंहदरबारमा बस्दैछ। आजको संसदीय दलको बैठकमा जसपा नेपालले गठन गरेको अध्यादेश अध्ययन कार्यदलले प्रतिवेदन पेश गर्ने बताइएको छ।

सरकारले ल्याएको अध्यादेश स्वीकार गर्ने कि नगर्ने भनेर अध्ययन गर्नका लागि जनता समाजवादी पार्टी, नेपालले सांसद राजकिशोर यादवको संयोजकत्वमा गठन गरेको अध्यादेश अध्ययन कार्यदलले आजको बैठकमा अध्यादेश स्वीकार गर्ने कि नगर्ने भनेर आफ्नो रायसहितको प्रतिवेदन पेश गर्ने बताइएको छ।

जसपा, नेपालले समर्थन गर्दा मात्रै राष्ट्रिय सभाबाट अध्यादेश स्वीकृत हुनसक्ने सम्भावना रहेपछी उपेन्द्र यादवलाई प्रधानमन्त्री ओली र काँग्रेस सभापति देउवाले लगातार फोन गरेर अध्यादेशमा समर्थन जनाउन आग्रह गरेको समेत बुझिएको छ।