काठमाडौं – जनता समाजवादी पार्टी (जसपा) नेपालको केन्द्रीय कार्यकारिणी समितिको पार्टी केन्द्रीय कार्यालय बालकुमारीमा आज बिहान ११ बजेदेखि बस्दैछ ।

आइतबारसम्म चल्ने उक्त बैठकमा जनता समाजवादी पार्टी (जसपा) नेपालले ‘जनतासँग जसपा नेपाल अभियान’, आधारभूत सङ्गठन निर्माण अभियान, वर्तमान राजनीतिक परिस्थिति र पार्टीको सङ्गठनात्मक कार्ययोजना लगायतका एजेन्डामा छलफल गर्ने बताएको छ।

उक्त बैठकमा पदाधिकारी तथा सदस्यहरुलाई जिम्मेवारी र कार्यक्षेत्र अन्तर्गत भए गरेका कार्य प्रगति विवरणको लिखित प्रतिवेदनसहित पेश गर्न र अनिवार्य उपस्थित हुन जसपा नेपालले निर्देशन दिएको छ ।