उत्तर कोरियाले बुधबार बिहान तीनवटा ब्यालेस्टिक मिसाइल प्रहार गरेको छ ।

अमेरिकी राष्ट्रपति जो बाइडेनले दक्षिण कोरिया र जापानको भ्रमणको क्रममा उत्तर कोरियालाई रोक्नको लागि उपायहरू बलियो बनाउने वाचा गरेर अमेरिका फर्किएको एक दिन नबित्दै मिसाइलहरू प्रहार गरिएको थियो।

उत्तर कोरियाले यस वर्षको सुरुदेखि नै ब्यालेस्टिक मिसाइल परीक्षण गर्दै आएको छ ।

अमेरिकी र दक्षिण कोरियाली अधिकारीहरूले बाइडेनको भ्रमणको क्रममै उत्तर कोरियाले हतियार परीक्षणको लागि तयार गरिरहेको बारे सावधान भने गराएको बुझिएको छ।
बाइडेनको भ्रमणको क्रममा, बाइडेन र उनका दक्षिण कोरियाली समकक्षी यून सुक-योलले उत्तर कोरियाको तीव्र हतियार परीक्षणहरूलाई रोक्न आवश्यक भएमा ठूलो सैन्य अभ्यास गर्न र थप अमेरिकी रणनीतिक सम्पत्तिहरू तैनाथ गर्न सहमत भएका छन् ।