उत्तर कोरियाद्वारा जापानको सागरमा ब्यालेस्टिक मिसाइल प्रहार

  • नेपाल राष्ट्रिय दैनिक
  • २४ बैशाख २०७९, शनिबार १४:२४
kim jong un

उत्तर कोरियाले मिसाइल परीक्षण कार्यक्रमलाई तीव्रता दिँदै शनिबार जापानको सागरमा मिसाइल प्रहार गरेको छ।
उत्तर कोरियाले छोटो दूरीको ब्यालिस्टिक मिसाइल प्रहार गरेको दक्षिण कोरियाका जोइन्ट चिफ अफ स्टाफले जनाएको छ। जापानी तटरक्षकले पनि उक्त मिसाइल जापानको पूर्वी सागरमा खसेको पुष्टि गरेको छ। जापानको रक्षा मन्त्रालयले पनि उक्त प्रक्षेपण ब्यालेस्टिक मिसाइल हुन सक्ने बताएको छ । जापानी सार्वजनिक प्रसारक एनएचकेले सरकारी स्रोतलाई उद्धृत गर्दै यो जापानको विशेष आर्थिक क्षेत्र बाहिर आएको जनाएको छ ।

उत्तर कोरियाले प्योङयाङ विरुद्ध कडा नीति लिने वाचा गरेका दक्षिण कोरियाका नवनिर्वाचित राष्ट्रपति युन सुक येओलको शपथग्रहण हुनुभन्दा तीन दिनअघि पनि ब्यालेस्टिक मिसाइल प्रहार गरेको थियो।

अमेरिकी राष्ट्रपति जो बाइडेनले मे २१ मा दक्षिण कोरियाको भ्रमण गर्ने र नवनिर्वाचित राष्ट्रपतिलाई भेट्ने तालिका सार्वजनिक भएपछिको उत्तर कोरियाको मिसाईल प्रहारलाई उसको चेतावनीको रुपमा विश्लेषण गरिएको छ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५